Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

2024-08-09 11:05:54

НАҚШИ ЭМОМАЛӢ РАҲМОН ДАР ТАҲКИМИ ИСТИҚЛОЛИ ДАВЛАТӢ

Дар таърихи навини Тоҷикистон се рӯйдоди муҳим дар таҳкими давлатдории миллӣ ва ба саодати комил расидани миллат нақши муҳим бозидааст: ба даст овардани Истиқлоли миллӣ, баргузории иҷлосияи таърихии XVI Шурои Олӣ ва Рӯзи Ваҳдати миллӣ мебошад, ки бо гузашти солҳо аҳаммияти таърихии худро вусъат бахшида, истиқбол аз онҳо шукуҳу шаҳомати хосаро касб кардааст. Арзишмандии ин санаҳои муҳимми таърихӣ дар он аст, ки рӯз аз рӯз заминаҳои ҳуқуқии ҳифзу нигаҳдории худро устувор гардонида, таҷлили ботантанаи онҳо дар тамоми минтақаҳои кишвар ба ҳукми анъана даромадаааст. Ва имрӯз ҳамчун ҷашнҳои давлатӣ бо ба инобат гирифтани тамоми рукнҳои давлатдорӣ, эҳтиром ба анъанаву расму оини ниёкон, арҷгузоштан ба муқаддасоти миллӣ ва эҳёи суннатҳои гузашта таҷлил карда мешавад.

Таҷрибаи таърихӣ нишон дод, ки асри ХХ дар воқеъ барои миллати мо асри имтиҳон, асри сарнавишт, асри созанда, асри шинохти худ, асри такомул ... будааст. «Шиквае аз ту надорам, асри ман...»- гуфтаи устод Мирзо Турсунзода низ тақвиятгари ин гуфтаҳои болост.

Агар халқи тоҷик бо вуҷуди ноадолатиҳои замон дар чоряки аввали асри ХХ соҳиби давлати ниммустақиле, бо номи Тоҷикистон шуда бошад, пас дар поёни ин аср дар заминаи он соҳиби давлати соҳибистиқлоли Тоҷикистон шуд. Расидан ба ин неъмати бебаҳо, орзуи деринаи халқи тоҷик буда, он натиҷаи талошҳои хирадмандонаи фарзандони фарзонааш дар тули таърих мебошад.

Барои тоҷикон пас аз солҳои тулонӣ, 9 сентябри соли 1991 дубора муяссар гардид, ки ба ҷаҳониён аз оғози марҳилаи сарнавиштсозу таърихии худ, яъне эълон шудани соҳибистиқлолии давлати воқеӣ башорат диҳанд.

Санаи 9-уми сентябри соли 1991 вакилони Иҷлосияи ғайринавбатии Шурои Олии Ҷумҳурии Тоҷикистон, даъвати дувоздаҳум ҳуҷҷати «Эъломия дар бораи Истиқлолияти давлатии Ҷумҳурии Тоҷикистон»-ро қабул намуданд. Ҳамин ҳуҷҷат таърихӣ қонунан ба даст овардани Истиқлоли давлатии Ҷумҳурии Тоҷикистонро ба ҷаҳониён эълон намуд.

Дар моддаи аввали ин эъломия чунин омадааст: «Ҷумҳурии Тоҷикистон – давлати мустақили демократӣ ва ҳуқуқбунёд мебошад». Вақте ки давлати абарқудрати Шуравӣ аз байн рафт, дар ҷумҳурӣ вазъияти сиёсӣ муташанниҷ гашт. 9-уми сентябри соли 1991 аввалин маротиба Рӯзи истиқлолият қайд карда шуд. Вале Тоҷикистон аз нахустин рӯзҳои истиқлолияти худ дар раванди барқарорсозӣ ва ташаккули пояҳои давлату давлатдории нав, таъмини амнияту оромии ҷомеа, суботи сиёсиву иҷтимоии кишвар бо мушкилоту монеаҳои сангин рӯ ба рӯ гардид.

Ҳарчанд халқи тоҷик аз қадимтарин халқҳои дунёст, ҳарчанд аз ҷумлаи миллатҳоест, ки таърихи тамаддуни башариро бунёд гузоштаанд, ҳарчанд фарзандони бодонишу бофарҳангаш мисли нигини тобоне тоҷи давлату давлатдориҳои аҷнабиро шукӯҳ мебахшиданд, вале худ баъд аз фурӯпошии сулолаи бузурги Сомониён дар тули ҳазор соли охир аз давлату давлатдорӣ маҳрум буд. Ҳарчанд зимоми давлату давлатдорӣ дар дасти ӯ набуд, аммо натавонистанд хиради азалии ӯро аз байн бибаранд. Забони тавонову шевои тоҷикӣ-форсӣ забони шеъру илм, ахлоқу фалсафаи онҳо буд.

Аз ин рӯ, санаи 9-уми сентябри соли 1991 барои мо натанҳо ҳамчун Рӯзи Истиқлоли Тоҷикистон, балки ҳамчун санаи барқарории адолати таърихӣ аст, ки имсол 33-юмин солгарди он ҷашн гирифта мешавад. Рӯзи Истиқлол ин ҷамъбасти талошу муборизаҳо ва худфарсоиву ҷоннисориҳои абармардони миллат аст, ки барои озодию худмухтории халқи тоҷик ва давлати миллӣ аз худ нишон додаанд ва дар саҳнаи ин муборизаҳои беамон ҷон супоридаанд. Аз ин рӯ, ҷашни Истиқлол ҷашни омӯзиши таърих ва шиносоӣ бо гузаштаи ниёгони бузург аст. Вагарна чӣтавр метавонем арзишу асолати истиқлолиятро дарк намоем!

Мутаассифона, қувваҳои аҳриманӣ дар ҳар марҳилаҳои таърихӣ барои рушду нумуи давлату давлатдории тоҷикон монеаҳо эҷод мекарданд. Ба ҳамин монанд, баъди расидан ба истиқлолият, бо таъсири чунин қувваҳои бадкеш, ки аз дохилу хориҷ роҳнамоию дастгирӣ медиданд, халқи тоҷик мубталои ҷанги шаҳрвандии таҳмилӣ гардид.

Таҷрибаи таърихӣ борҳо собит намудааст, ки дар ҳама марҳилаҳои таърихӣ барои танзиму ба низом даровардани муносибатҳои ҷамъиятӣ, шакл бахшидан ба раванди давлатдорӣ, таҳкими иттиҳоду сарҷамъӣ ва дигар арзишҳои инсонӣ нақши шахсиятҳои алоҳида хело бориз аст. Дар даврони давлатсозии навин масъулияти азиму рисолати таърихиро барои тоҷикон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бар дўш гирифтанд.

Хушбахтона бо сари қудрат омадани фарзанди хирадгустари миллат, муҳтарам Эмомалӣ Раҳмон дар Иҷлосияи XVI Шурои Олӣраванди давлатсозӣ маҷрои дигар ба худ гирифт. Қайд намудан зарур аст, ки замоне Эмомалӣ Раҳмон зимоми роҳбарии Тоҷикистонро ба даст гирифта буд, ки аллакай ҷанги шаҳрвандӣ чун оташи сӯзон аланга мезаду хушку тар якҷо хокистар мешуд. Сарвари тозаинтихоби тоҷикон бо азму иродаи қавӣ ва бо фикри сохтани ВАТАН сайъу кӯшишҳои зиёде ба харҷ доданд. Барои ба ҳам овардани миллате, ки аллакай ба сангарҳо ҷудо шудаю дар симои хеш душмани худро медид, роҳи созиш, роҳи муколамаро пеш гирифтанд. Дар ин ҷода муваффақ ҳам шуданд. Баъди гуфтушунидҳои зиёд байни намояндагони ҳукумати расмӣ ва мухолифин оқибат дар санаи 27 июни соли 1997 миёни онҳо ҳуҷҷати барои тоҷикон ва тоҷикистониён муҳимтарин «Созишномаи умумӣ дар хусуси барқарор кардани сулҳ ва ризоияти миллӣ дар Тоҷикистон» имзо гардид. Дар қатори ин ҳуҷҷат боз «Изҳороти Москва», «Протоколи ҳамдигарфаҳамӣ» ва ғайраҳо имзо шуданд, ки дар тақвияти ваҳдати миллӣ ҳиссаи муайяне гузоштанд.

Борҳо собит шудааст, ки дар пайраҳаи таърих фарзандони худшиноси ин миллат барои расидан ба чунин ормонҳои бузург ва ҳифзи арзишҳои эҷоднамудаи хеш талош намуда, бо душманони ғаддори дохилию хориҷӣ ҷисману зеҳнан дар муқовимат буданд. Мутаассифона, ин падида низ то ҳанӯз идома дорад. Душманони миллати мо, ки аслан зода ва парвардаи ҳамин сарзамину диёр ҳастанд, аз дур ба суйи миллати хеш санги маломат мезананд.

Сарвари давлат муҳтарам Эмомалӣ Раҳмон мушкилиҳои сангини ибтидои соҳибистиқлолиро бо такя ба азму иродаи миллати азизи худ, тадбирҳои оқилонаву саривақтӣ ва таҳаммулпазирӣислоҳ карда, бо мақсади солим гардондани вазъи ҷомеа ва ба ҷараёни созанда табдил ёфтани зиндагии аҳли мамлакат чорабиниҳои амиқу васеъро дар амал татбиқ намуданд, ки ислоҳоти иқтисодӣ, кишоварзӣ ва соҳаи саноату маорифу тандурустӣ, дар маҷмуъ, тамоми бахшҳои иҷтимоиро фаро гирифтанд.

Мояи ифтихор аст, ки дар радифи чанд тан сиёсатмадори маъруфи ҷаҳони муосир Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам ЭмомалӣРаҳмон ба ҳайси чеҳраи баргузидаи сиёсӣ ва давлатмарди сатҳи ҷаҳонӣмақоми шоистаеро соҳиб гардидаанд. Оини сиёсатмадорӣ ва давлатдории ЭмомалӣРаҳмон дар ақсои дунё аз ҷониби созмонҳои бонуфузи байналмилалӣва роҳбарони мамолики бузурги ҷаҳон истиқболи гарм пайдо намуд. Яке аз омили аслӣва меҳварии чунин маъруфият ва маҳбубияти Эмомалӣ Раҳмон дар саросари Шарқу Ғарб дар доштани фарҳанги таҳаммулпазирӣ, иродаи матин доштан, эҳтиром гузоштан ба арзиши инсонӣ, ҳалли саривақтии мушкилоти сайёра (масъалаи таъмини мардуми ҷаҳон бо оби тоза) ва иҷрои содиқонаю ҷонфидоёнаи рисолати бузург, ки бар дўшашон гузошта шудааст.

Имрӯз дар раванди ҷаҳонишавӣ ва бархӯрди манфиатҳои фарҳангҳо рисолати Истиқлоли давлатӣ боз ҳам бештар аён мегардад. Ҳар лаҳзаю ҳар соат ва тули солҳои пирӯзӣ моро ҳушёру ҳушдор медиҳад, ки дар сар андешаю ниятҳои дигаре эҷод насозем, ба ҷузъ талош баҳри пойдории сулҳу ваҳдат ва таҳкими истиқлолу созандагӣ. Ҳамин аст, ки имрӯз ҷомеаи ҷаҳонӣ ташаббусҳои Тоҷикистонро бо роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба ҳалли масоили минтақа ва ҷаҳон ҳамаҷониба дастгирӣ намуда, сол то сол ба дастовардҳои бузург ноил мегарданд. Ва натиҷаи ҳама он заҳмату талошҳои пайваста он аст, ки имрӯз маркази Тоҷикистон шаҳри Душанбе макони баргузории симпозиуму конфронсҳои сатҳи байналмилалӣ мебошад.

Бо дарназардошти се омил дар давлатдории тоҷикон, аз ҷумла омили таърихӣ(муддати беш аз ҳазор сол мавҷуд набудани давлатдории миллӣ), сиёсӣ (сар задани ҷанги шаҳрвандӣ, ки дар давлатҳои собиқ Иттиҳоди Шӯравӣ ягона буд) ва ҷуғрофӣ (93 % ҳудуди Тоҷикистонро кӯҳ дар бар мегирад) метавон гуфт, ки Тоҷикистон ба як марҳилаи баланди рушд расидааст. Афсӯс, ки имрӯз низ нафароне дар дохилу хориҷ ҳастанд, ки ношукрӣ аз давлат ва хоку оби Ватан мекунанд. Ин афрод вазъи кунунии Тоҷикистонро ба давлатҳои тараққикарда ҳама вақт қиёс намуда, хулосаҳои нодуруст бароварда, тухми навмедиро мехоҳанд дар замири мардум бикоранд. Аввалан барои чунин каҷфикрон бояд гуфт, ки чунин муқоисакунӣкамоли бехирадист ва сониян дигар мардуми шарифи Тоҷикистонро наметавон, бо ҳар роҳ фиреб карда, ба вартаи ҷаҳолату ҳалокат бурд. Зеро халқи тоҷик таҷрибаи талхи ҷанги таҳмилиро чашид, оқибатҳои онро бо чашми сар бидид, ранҷу азоби гўшнагӣ, бехонагиву гурезагиро дарк кард ва ин бардоштҳои таърихӣ ӯро дарси бузурге шуда, ки ҳаргиз фаромӯш намекунад.

Имрӯз моро мебояд дар атрофи сиёсати пешгирифтаи хирадмандонаю оқилонаи Пешвои муаззами миллат муҳтарам Эмомалӣ Раҳмон муттаҳид шуда, барои ободӣ ва рафъи камбудиҳои мавҷуда меҳнат кунему Ватанро обод намоем. Истиқлоли давлатиро, ки ӯро неъмати бебаҳо, рамзи асолату ҳуввият, шарти бақои миллат ва пояи устувори давлат меноманд, ҳифзу қадршиносӣ намоем.

Назарзода Давлатхон, сардори раёсати кадрҳо, котибот ва корҳои махсус, Давлатшозода Дилшодҷон, сармутахассиси шуъбаи робитаҳои байналмилалӣ ва робита бо ҷомеаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

2024-08-09 10:59:18

ИШТИРОКИ ПЕШВОИ МИЛЛАТ ДАР КОНСЕРТИ УСТОДОНИ САНЪАТИ ДАВЛАТҲОИ ОСИЁИ МАРКАЗӢ ВА ОЗАРБОЙҶОН "ШОМИ ДӮСТӢ"

8 август дар шаҳри Остонаи Ҷумҳурии Қазоқистон дар ҳошияи Вохӯрии шашуми машваратии сарони давлатҳои Осиёи Марказӣ барномаи муштараки консертии “Шоми дӯстӣ” баргузор гардид.

Дар барномаи фарҳангии “Шоми дӯстӣ” Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, Президенти Ҷумҳурии Қазоқистон Қосим-Жомарт Токаев, Президенти Ҷумҳурии Қирғизистон Садир Жапаров, Президенти Ҷумҳурии Узбекистон Шавкат Мирзиёев ва Президенти Ҷумҳурии Озарбойҷон Илҳом Алиев иштирок намуданд.

Аҳли фарҳангу санъати кишварҳои Осиёи Марказӣ ва Озарбойҷон барномаи бошукӯҳу пурмуҳтавои фарогири муштаракоти таърихиву фарҳангӣ, анъанаҳои деринаи ҳусни ҳамҷаворӣ ва равобити некро дар баромадҳои худ ба таври шоиста тараннум ва пешниҳоди иштирокдорони чорабинӣ карданд.

Барномаи муштараки рангини консертии “Шоми дӯстӣ” хеле дилписанду фараҳбахш доир гардид ва меҳмонони олимақом ба ҳунару истеъдоди аҳли фарҳангу санъат баҳои баланд доданд.

Возможно, это изображение 1 человек и текст Возможно, это изображение 3 человека и люди танцуют

Возможно, это изображение 1 человек Возможно, это изображение 3 человека, люди танцуют и текст

2024-08-09 10:55:38

ОҒОЗИ САФАРИ КОРИИ ПЕШВОИ МИЛЛАТ БА ҶУМҲУРИИ ҚАЗОҚИСТОН

8 август Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои иштирок дар Вохӯрии шашуми машваратии сарони давлатҳои Осиёи Марказӣ ва Ҳамоиши якуми сарони давлатҳои Муколамаи “Осиёи Марказӣ ва Ҷопон” ба шаҳри Остонаи Ҷумҳурии Қазоқистон ворид шуданд.

Дар фурудгоҳи байналмилалии ба номи Нурсултон Назарбоев Президенти Ҷумҳурии Тоҷикистон муҳтарам Эмомалӣ Раҳмонро Сарвазири Ҷумҳурии Қазоқистон Олжас Бектенов ва дигар намояндагони воломақом гарму самимӣ истиқбол гирифтанд.

Ба истиқболи меҳмони олиқадр майдони фурудгоҳ бо парчамҳои давлатӣ оро ёфта, қаровули фахрӣ саф оростанд.

Возможно, это изображение 9 человек Возможно, это изображение 5 человек

2024-08-09 10:53:23

Сафари кории Президенти Ҷумҳурии Тоҷикистон Эмомалӣ Раҳмон ба Ҷумҳурии Қазоқистон

8 август Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои иштирок дар Вохӯрии машваратии сарони давлатҳои Осиёи Марказӣ ва Ҳамоиши якуми сарони давлатҳои Муколамаи “Осиёи Марказӣ ва Ҷопон” ба шаҳри Остонаи Ҷумҳурии Қазоқистон сафар намуданд.

Дар фурудгоҳи байналмилалии Душанбе Президенти Ҷумҳурии Тоҷикистон муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Президенти Ҷумҳурии Тоҷикистон муҳтарам Эмомалӣ Раҳмонро вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ, вазирони рушди иқтисод ва савдо, молия, саноат ва технологияҳои нав, меҳнат, муҳоҷират ва шуғли аҳолӣ, раиси Кумитаи сармоягузорӣ ва идораи амволи давлатӣ ва дигар шахсони расмӣ ҳамроҳӣ мекунанд.

2024-08-06 11:04:34

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Гурҷистон Саломе Зурабишвили

ДУШАНБЕ, 05.08.2024 /АМИТ «Ховар»/. Имрӯз миёни Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Гурҷистон муҳтарам Саломе Зурабишвили дар робита ба 30-солагии барпо кардани муносибатҳои дипломатӣ миёни Ҷумҳурии Тоҷикистон ва Гурҷистон мубодилаи барқияҳои табрикӣ ба амал омад.

2024-08-02 08:24:21

ИНЪИКОСИ НИШАСТИ МАТБУОТИИ КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБИИ НАЗДИ ҲУКУМАТИ ҶУМҲУРИИ ТОҶИКИСТОН ДАР ТЕЛЕВИЗИОНИ САФИНА

2024-07-31 08:23:10

Иштироки Пешвои миллат дар маросими савгандёдкунии Президенти навиинтихоби Ҷумҳурии Исломии Эрон Масъуди Пизишкиён 30.07.2024

    Дар шаҳри Теҳрон Президенти Ҷумҳурии Тоҷикистон муҳтарам Эмомалӣ Раҳмон дар маросими савгандёдкунии Президенти навиинтихоби Ҷумҳурии Исломии Эрон муҳтарам Масъуди Пизишкиён иштирок намуданд.
    Барои иштирок дар ин маросим намояндагони воломақом аз наздики 80 кишвари ҷаҳон, аз ҷумла як қатор сарони давлатҳо, роҳбарони парлумонҳо ва ҳукуматҳои кишварҳои гуногун, ҳамчунин намояндагони зиёд аз созмонҳои минтақавию байналмилалӣ ба Теҳрон ташриф оварданд.
    Хотиррасон бояд намуд, ки дар интихоботи пеш аз муҳлати президентӣ, ки дар Ҷумҳурии Исломии Эрон баргузор гардиданд, пас аз ду даври интихоботӣ Масъуди Пизишкиён ба мақоми Президенти Ҷумҳурии Исломии Эрон интихоб шуд.
    30 июл Масъуди Пизишкиён зимни маросими савгандёдкунӣ расман ба ҳайси Президенти Ҷумҳурии Исломии Эрон ба фаъолият шурӯъ намуд.

Возможно, это изображение 2 человека, помост и текст

Возможно, это изображение 2 человека, толпа и текст

Возможно, это изображение 7 человек, помост и текст

2024-07-30 16:04:40

Мулоқоти Пешвои миллат бо Раиси Маҷлиси Шӯрои исломии Эрон Муҳаммад Боқири Қолибоф

Дар шаҳри Теҳрон Президенти Ҷумҳурии Тоҷикистон муҳтарам Эмомалӣ Раҳмон ҳамчунин бо Раиси Маҷлиси Шӯрои исломии Эрон Муҳаммад Боқири Қолибоф мулоқот намуданд. Дар вохӯрӣ доир ба ҷанбаҳои мухталифи муносиботи дӯстӣ ва ҳамкории судбахши ду кишвари бародар гуфтугӯйи судманд сурат гирифт.

Возможно, это изображение 4 человека, помост и текст

Зикр гардид, ки арзишҳои муштараки таърихиву фарҳангӣ ва тамаддунии ду кишвари ҳамзабон заминаи устувори муносиботи дуҷонибаро ташкил медиҳанд.

    Зимнан аз раванди таҳкиму густариши робитаҳои парлумонӣ ва фаъолияти Гурӯҳҳои дӯстии байнипарлумонӣ изҳори қаноат карда шуд.
    Таъкид гардид, ки робитаҳои мақомоти қонунгузор дар фароҳам овардани заминаи мусоид барои тавсеаи ҳамкорӣ дар бахшҳои мухталиф, аз ҷумла иқтисоду тиҷорат нақши муҳим доранд.
    Сарвари давлат муҳтарам Эмомалӣ Раҳмон идомаи муколамаи созандаи байнипарлумониро ба суди кор арзёбӣ намуда, аз Муҳаммад Боқири Қолибоф даъват намуданд, ки ба Тоҷикистон дар фурсати барояшон муносиб ташриф биёранд.

Возможно, это изображение 9 человек, помост и Овальный кабинет

Возможно, это изображение 6 человек и помост

2024-07-30 15:45:38

ТАЪСИСИ РӮЗНОМАИ “ҶАҲОНИ ҲУНАР” ДАР НАЗДИ КУМИТА

Бо мақсади беҳтар инъикос намудани фаъолияти Кумита дар давраи ҳисоботи нашрияи расмии Кумита рӯзномаи “Ҷаҳони ҳунар” таъсис дода шуд, ки дар назар аст аввалин шумораи он дар оғози соли нави хониш ба нашр хоҳад расид, - ин нуктаро академик Фарҳод Раҳимӣ зимни нишасти матбуотӣ ба хабарнигорон иттилоъ дод.

Возможно, это изображение 4 человека и текст

Возможно, это изображение 4 человека, кларнет и отдел новостей Возможно, это изображение 3 человека, люди учатся и текст

  Инчунин таъкид гардид, ки сомонаи расмии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон сохта шуда, фаъол гардид www.tahsilot.tj.
    Ҳамзамон, дар шабакаи иҷтимоии фейсбук саҳифаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таъсис дода шуда, ҳамарӯза хабару гузоришҳои Ҳукумати Ҷумҳурии Тоҷикистон, Пешвои миллат ва Кумита ҷойгир карда мешавад.
    Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар давраи ҳисоботӣ ҳамаҷониба кӯшиш ба харҷ дод, ки дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон вазифаҳои соҳавии худро саривақт ва бо сифати баланд ба иҷро расонад.

Возможно, это изображение 11 человек и текст

2024-07-30 15:33:20

Мулоқот бо Раҳбари Инқилоби Ҷумҳурии Исломии Эрон Оятуллоҳ Сайид Алӣ Хоманайӣ 30.07.2024

    30 июл дар доираи чорабинии марбут ба маросими савгандёдкунии Президенти тозаинтихоби Ҷумҳурии Исломии Эрон дар шаҳри Теҳрон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раҳбари Инқилоби Ҷумҳурии Исломии Эрон Оятуллоҳ Сайид Алӣ Хоманайӣ мулоқот намуданд.
    Дар вохӯрӣ доир ба таҳким ва густариши бемайлони робитаҳои дӯстӣ ва ҳамкории гуногунҷанбаи Тоҷикистону Эрон гуфтугӯйи судбахш сурат гирифт.
    Сарвари давлати Тоҷикистон муҳтарам Эмомалӣ Раҳмон баргузории муваффақонаи интихоботи Раисиҷумҳури Эронро ба Раҳбари Инқилоби Ҷумҳурии Исломии Эрон табрику таҳният гуфта, изҳори бовар намуданд, ки ҷониби Тоҷикистон дар ҳамкорӣ бо ҳукумати нави Эрон муносибатҳои ду кишварро боз ҳам рушд хоҳанд дод.
    Дар идомаи суҳбат Президенти Ҷумҳурии Тоҷикистон муҳтарам Эмомалӣ Раҳмон аз муштаракоти таърихию фарҳангии мардумони дӯсту бародари ду кишвар ва алоқамандии ҷонибҳо ба тавсеаи робитаҳо дар рӯҳияи ҳусни тафоҳум, ҳамёрӣ, эҳтиром ва эътимоди байниҳамдигарӣ ёдовар шуда, “азму иродаи устувори ҷониби Тоҷикистонро ба идомаи ин раванд” таъкид доштанд.
    Бо ибрози қаноатмандӣ аз густариши бемайлони робитаҳои сиёсӣ, иқтисодию тиҷоратӣ ва илмию фарҳангӣ, бахусус тайи солҳои ахир, ҳарду ҷониб изҳори умед намуданд, ки ин раванди самарабахш минбаъд ҳам идома хоҳад дошт.
    Дар вохӯрӣ ҳамчунин доир ба як зумра масоили байналмилалию минтақавии мавриди таваҷҷуҳи тарафайн мубодилаи андеша сурат гирифт.
https://www.president.tj/event/news/46742

Возможно, это изображение 7 человек, помост, Овальный кабинет и текст

2024-07-30 15:29:41

Мулоқот бо Президенти Ҷумҳурии Исломии Эрон Масъуди Пизишкиён 30.07.2024

    30 июл Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Исломии Эрон муҳтарам Масъуди Пизишкиён мулоқот намуданд.
    Сарвари давлати мо муҳтарам Эмомалӣ Раҳмон дар оғози суҳбат муҳтарам Масъуди Пизишкиёнро ба муносибати оғози фаъолияташон ба ҳайси Президенти Ҷумҳурии Исломии Эрон табрику таҳният гуфта, ба он кас хоҳони комёбиҳо шуданд.
    Пешвои миллат, ҳамчунин, аз Масъуди Пизишкиён даъват намуданд, ки дар фурсати барояшон муносиб ба Тоҷикистон бо боздиди расмӣ ташриф биёранд.
    Президенти Ҷумҳурии Тоҷикистон муҳтарам Эмомалӣ Раҳмон изҳори бовар намуданд, ки кишварҳои мо дар асоси усулҳои ҳусни тафоҳум ва эҳтирому эътимоди ҳамдигар ҳамкории барои ҷонибҳо судмандро минбаъд ҳам густариш хоҳанд дод.
    Зимни суҳбат ҳарду ҷониб аз вазъи кунунии ҳамкории дуҷониба, аз ҷумла дар бахшҳои сиёсӣ, иқтисодӣ, тиҷорат, энергетика, саноат, ҳамлу нақл, кишоварзӣ ва тандурустӣ, илму маориф ва фарҳанг изҳори қаноатмандӣ карда, таъкид доштанд, ки ин раванди судбахш дар оянда низ бояд идома ёбад.

Возможно, это изображение 3 человека, помост, Овальный кабинет и текст

Ба андозаи панҷ маротиб афзоиш ёфтани табодули мол, ки тайи солҳои ахир ба назар мерасад, бозгӯй аз иқтидори бузурги ҳамкории иқтисодию тиҷоратии ду кишвари бародар номида шуд.

Дар ин робита таъмини фаъолияти бештари Комиссияи муштараки байниҳукуматӣ ва истифодаи муассир аз Кумитаи муштараки сармоягузорӣ ва Шурои муштараки соҳибкорони ду кишвар зарур дониста шуд.

Ҳарду ҷониб ба густариши ҳамкорӣ дар бахшҳои обу энергетика, нафту газ, технологияҳои муосир ва ҷалби сармоя ба ин самтҳо алоқамандӣ зоҳир намуданд.

Ҷониби мо ба истифодаи самараноки имконоти бандарҳои Бандар-Аббос ва Чобаҳор барои ҳамлу нақли молу маҳсулоти Тоҷикистон изҳори манфиатдорӣ намуд.

Ҳарду ҷониб иқдоми лағви низоми раводидро барои рафтуомад миёни ду кишвар ба муҳлати то 30 рӯз рӯйдоди муҳим номида, изҳори бовар намуданд, ки он ба рушди сайёҳӣ ва умуман робитаҳои дуҷонибаи мардумони ду кишвар мусоидати фаъол хоҳад дошт.

Таҳкими ҳамкорӣ дар муборизаи муштарак бо таҳдиду хатарҳои муосир, аз ҷумла терроризму экстремизм, қочоқи маводи мухаддир, ҷиноятҳои созмонёфтаи фаромиллӣ ва киберӣ низ аз мавзӯъҳои муҳими суҳбат буд.

Сарони ду давлат ҳамчунин доир ба мавзӯъҳои алоҳидаи байналмилалӣ ва минтақавии мавриди таваҷҷуҳ табодули афкор анҷом доданд.

https://www.president.tj/event/news/46736

Возможно, это изображение 4 человека, помост, Овальный кабинет и текст

Возможно, это изображение 9 человек, Овальный кабинет и помост

2024-07-30 14:50:01

ДАР МУАССИСАҲОИ НАЗДИ КУМИТА МУТАХАССИСОН АЗ РӮИ 500 ИХТИСОС ОМОДА МЕГАРДАНД

Возможно, это изображение 11 человек, люди учатся и текст

Бо мақсади назорат намудани раванди таълиму тарбия дар муассисаҳои таҳсилоти ибтидоӣ ва миёнаи касбӣ ва соҳибкасб гардидани шаҳрвандон бо Қарори Ҳукумати ҷумҳурии Тоҷикистон аз 6 сентябри соли 2023, №429 Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таъсис дода шуд, - ин нуктаро имрӯз зимни нишасти матбуотӣ Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон академик Фарҳод Раҳимӣ иброз дошт.
Таъкид гарид, ки дар назди Кумитаи мазкур 63 муассисаи таҳсилоти ибтидоии касбӣ ва 87 муассисаи таҳсилоти миёнаи касбӣ (58 муассисаи давлатӣ ва 29 муассисаи ғайридавлатӣ) ва 5 филиал (1 давлатӣ ва 4 ғайридавлатӣ) фаъолият менамоянд, ки дар онҳо аз рўйи зиёда аз 500 ихтисос мутахассисонро омода менамоянд.

Возможно, это изображение 3 человека и текст

Возможно, это изображение 4 человека, отдел новостей, помост и текст

Возможно, это изображение 6 человек и люди учатся

2024-07-30 14:02:02

НИШАСТИ МАТБУОТИИ КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБӢ БАРГУЗОР ГАРДИД

Имрӯз, 30 июли соли 2024 дар Муассисаи давлатии таълимии Литсейи касбии хизмат ва туризми шаҳри Душанбе тибқи Нақшаи ташкил ва гузаронидани нишастҳои матбуотӣ дар вазорату идораҳо, ташкилоту муассисаҳо, мактабҳои олӣ, ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти нимсолаи якуми соли 2024 мутобиқи Амри Президенти Ҷумҳурии Тоҷикистон аз 4 марти соли 2005, №АП-1677 нишасти матбуотии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон баргузор гардид.

Дар нишасти матбуотӣ Раиси Кумита академик Фарҳод Раҳимӣ, муовинони Раиси Кумита, Давлатзода Баҳрулло, Ализода Алишер, сардорони раёсат, шуъба ва бахши дастгоҳи марказии Кумита, ва 25 нафар намояндаи васоити ахбори омма иштирок намуданд.
Дар нишаст аз ҷониби 10 нафар намояндаи ВАО 18 савол пешниҳод гардид, ки ба ҳар кадоми он Раиси Кумита академик Фарҳод Раҳимӣ посухҳои мушаххас доданд.

2024-07-30 11:58:20

Сафари корӣ ба Ҷумҳурии Исломии Эрон 30.07.2024

    30 июл Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои боздиди корӣ ба шаҳри Теҳрони Ҷумҳурии Исломии Эрон сафар карданд.
    Дар фурудгоҳи байналмилалии Душанбе Президенти Ҷумҳурии Тоҷикистон муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Муовини якуми Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.
    Дар ин сафар Президенти Ҷумҳурии Тоҷикистон муҳтарам Эмомалӣ Раҳмонро Муовини якуми Раиси Маҷлиси намояндагони Маҷлиси Олии Ҷумҳурии Тоҷикистон, Вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ, Вазири энергетика ва захираҳои об ва дигар шахсони расмӣ ҳамроҳӣ мекунанд.
https://www.president.tj/event/news/46726

2024-07-30 11:53:24

Маҷлиси Ҳукумати Ҷумҳурии Тоҷикистон 29.07.2024

    29 июл таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.
    Дар маҷлиси Ҳукумати кишвар нахуст натиҷаҳои рушди иҷтимоию иқтисодии Ҷумҳурии Тоҷикистон дар нимсолаи якуми соли 2024 ва вазифаҳо дар нимаи дуюми сол баррасӣ карда шуд.
    Президенти кишвар муҳтарам Эмомалӣ Раҳмон натиҷаҳои рушди иҷтимоию иқтисодиро дар нимсолаи якуми соли 2024 ҳамаҷониба таҳлил намуда, барои ислоҳи камбудиҳо дар назди Ҳукумати Ҷумҳурии Тоҷикистон вазифаҳои мушаххас гузоштанд.
    Сарвари давлат муҳтарам Эмомалӣ Раҳмон иброз доштанд, ки бо амалӣ гардидани иқдомҳои созанда ва пайгиронаи Ҳукумати Ҷумҳурии Тоҷикистон дар моҳҳои январ-июни соли 2024 тамоюли мусбати рушди иқтисоди миллӣ нигоҳ дошта шуда, раванди афзоиши ҳаҷми истеҳсолот дар аксар соҳаҳои воқеии иқтисоди миллӣ идома ёфт.

Возможно, это изображение 5 человек и текст

    Таъкид карда шуд, ки дар моҳҳои январ-июни соли 2024 суръати рушди иқтисодии кишвар дар сатҳи 8,2 фоиз таъмин шуда, ҳаҷми маҷмуи маҳсулоти дохилӣ ба 61,7 млрд сомонӣ баробар гардид.
    Рушди иқтисоди миллӣ дар ин давра асосан аз ҳисоби зиёд гардидани ҳаҷми истеҳсоли маҳсулоти саноатӣ ба андозаи 11,5, кишоварзӣ 9,6, маблағгузорӣ ба сармояи асосӣ 15,7, гардиши савдо 11,9, хизматрасонии пулакӣ 16,6, боркашонӣ 13,8, мусофиркашонӣ 9 ва гардиши савдои хориҷӣ 29,3, аз ҷумла содирот 47,1 фоиз таъмин гардид.
    Президенти кишвар таъкид намуданд, ки сатҳи таваррум дар ин давра 1,9 фоизро ташкил дод.
    Нақшаи даромади буҷети давлатӣ дар моҳҳои январ-июни соли 2024 дар сатҳи 107,9 фоиз иҷро гардида, ба буҷет 21,2 млрд сомонӣ ворид шуд, ки нисбат ба нақша 1,5 млрд сомонӣ зиёд аст.
    Пешвои миллат муҳтарам Эмомалӣ Раҳмон дар баробари таъмин гардидани нишондиҳандаҳои мусбати рушди соҳаҳои иқтисоди миллӣ тақвияти фаъолияти мақомоти иҷроияи марказӣ ва маҳаллии ҳокимияти давлатӣ ва сохторҳои дигари давлатиро зарур шумурданд.
    Вазорату идораҳо, мақомоти иҷроияи маҳаллии ҳокимияти давлатӣ, корхона, муассиса ва ташкилотҳо супориш гирифтанд, ки бо дарназардошти таҳаввулоти дар иқтисоди ҷаҳон идомадошта ва таъсири манфии омилҳои берунӣ, бахусус шиддат ёфтани бархӯрдҳои геосиёсӣ, таҳримҳо, низоъҳои тиҷоратӣ, инчунин пайомадҳои тағйирёбии иқлим фаъолиятро дар самти татбиқи самараноки ислоҳоти иқтисодӣ, амалӣ намудани стратегияву барномаҳои давлатӣ ва тадбирҳои зиддибуҳронӣ тақвият диҳанд.

    Президенти кишвар муҳтарам Эмомалӣ Раҳмон сохторҳои давлатиро вазифадор намуданд, ки ҷиҳати таъмини минбаъдаи рушди устувори кишвар ва устувории иқтисоди миллӣ, ҷалби бештари сармоя, бахусус сармояи мустақими хориҷиро вусъат бахшида, бо мақсади таъмини суръати рушди иқтисодӣ ба андозаи на кам аз 8 дарсад ва устувории макроиқтисодӣ корҳоро ҷоннок намоянд.
    Сарвари давлат ба вазорату идораҳои дахлдор ҷиҳати рушди шабакаҳои таҳвил ва хизматрасониҳои молиявии рақамӣ ва рушди инфрасохтори ҳисоббаробаркунии ғайринақдӣ дастурҳои мушаххас доданд.
    Таъкид гардид, ки тавассути васеъ истифода намудани технологияҳои рақамӣ, коҳиш додани омилҳои инсонӣ ва амалҳои коррупсионӣ имкон аст ҳаҷми даромадҳо ба буҷети давлатӣ хеле афзоиш дода шавад.
    Барои татбиқи ҳадафи чоруми миллӣ - саноатикунонии босуръати кишвар супориш дода шуд, ки дар самти ба кор андохтани иқтидорҳои бозистода ва пешгирии раванди аз фаъолият бозмондани корхонаҳои саноатӣ, бахусус пешгирии раванди коҳиш ёфтани ҳаҷми истеҳсоли як қатор маҳсулоти саноатӣ чораҳои иловагии таъхирнопазир андешида шавад.
    Дастуру супоришҳо ҳамчунин ҷиҳати васеъ ба роҳ мондани кишти такрорӣ, зиёд намудани майдони гармхонаҳои доимоамалкунанда, сохтмони сардхонаҳо барои нигоҳдории маҳсулот ва таъмини мунтазами аҳолӣ бо маҳсулоти тару тоза, баланд бардоштани ҳосилхезии замин ва ҳосилнокии зироатҳои кишоварзӣ ва рақамикунонии соҳа, дода шуд.

Возможно, это изображение 8 человек и текст

    Таъсиси портали интернетӣ бо мақсади робитаи доимӣ ва ташаккули махзани маълумоти иттилоотию таҳлилӣ дар бораи диаспораҳои тоҷикон, ҳамватанон ва тоҷикони бурунмарзӣ, баланд бардоштани сатҳи касбият ва забондонии онҳо зарур шумурда шуд.
    Ҳамчунин сохторҳои марбута дастур гирифтанд, ки соҳаҳои иқтисодиёт ва иҷтимоиёти кишварро ба фаъолияти мунтазам ва самарабахш дар давраи тирамоҳу зимистони солҳои 2024-2025 ҳаматарафа омода намоянд.
    Доир ба натиҷаҳои рушди иҷтимоию иқтисодии Ҷумҳурии Тоҷикистон дар нимсолаи якуми соли 2024 ҳисоботи роҳбарони вазоратҳои рушди иқтисод ва савдо, молия, раисони кумитаи андоз ва хадамоти гумрук, инчунин роҳбарони дигар мақомоти дахлдор шунида шуд.
    Дар идомаи маҷлиси Ҳукумати кишвар лоиҳаҳои Қонуни Ҷумҳурии Тоҷикистон “Дар бораи ворид намудани тағйир ба Кодекси мадании Ҷумҳурии Тоҷикистон” ва Қонуни Ҷумҳурии Тоҷикистон “Оид ба ворид намудани тағйир ба Қонуни Ҷумҳурии Тоҷикистон “Дар бораи суғуртаи давлатии иҷтимоӣ” муҳокима ва барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол карда шуд.

    Нақшаи амали Стратегияи ҳифзи молиявӣ аз офатҳои табиӣ дар Ҷумҳурии Тоҷикистон барои давраи то соли 2037 барои солҳои 2024-2026, масъалаҳои Парки технологии маҳсулоти барномавӣ ва технологияҳои иттилоотӣ ва таъсиси Ҷамъияти дорои масъулияти маҳдуди “Парки технологии маҳсулоти барномавӣ ва технологияҳои иттилоотӣ дар шаҳри Душанбе” баррасӣ карда шуда, қарорҳои дахлдор қабул гардид.
    Дар фароварди маҷлис Президенти кишвар муҳтарам Эмомалӣ Раҳмон бори дигар таваҷҷуҳи роҳбарони сохторҳои давлатиро ба иҷрои ҳатмӣ ва бечунучарои супоришҳои Ҳукумати Ҷумҳурии Тоҷикистон ҷалб намуданд.
    Дастуру супоришҳои мушаххас ҳамчунин доир ба омодагӣ ба истиқболи сазовори 30-солагии қабули Конститутсияи Ҷумҳурии Тоҷикистон ва 35-солагии Истиқлоли давлатии Ҷумҳурии Тоҷикистон дода шуд.

2024-07-29 12:50:13

Мулоқот бо Муовини Дабири кулли Созмони Милали Муттаҳид оид ба кор бо Маҷмаи Умумӣ ва мудирияти конфронсҳо Мовсес Абелян

29 июл дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Муовини Дабири кулли Созмони Милали Муттаҳид оид ба кор бо Маҷмаи Умумӣ ва мудирияти конфронсҳо Мовсес Абелянро ба ҳузур пазируфтанд. Дар мулоқот масоили ҳамкории гуногунҷанбаи Тоҷикистон бо Созмони Милали Муттаҳид, аз ҷумла атрофи мавзуъҳои обу иқлим баррасӣ шуд.

“Аз Шумо барои ҳамкории босамар, аз ҷумла дар ташкили конфронсҳои мавзӯӣ, пеш аз ҳама оид ба масъалаҳои об ва иқлим дар кишвари мо таҳти сарпарастии Созмони Милали Муттаҳид, миннатдорем”-изҳор доштанд дар оғози суҳбат Президенти кишвар муҳтарам Эмомалӣ Раҳмон.

Таъкид гардид, ки “Тоҷикистон ҷонибдори тақвияти минбаъдаи нақши Созмони Милали Муттаҳид дар умури байналмилалӣ мебошад ва саъю кӯшишҳои онро барои таҳкими ҳамдигарфаҳмии ҷаҳонӣ ба хотири ҳифзи сулҳу субот ва рушд хеле муҳим мешуморад”.

Қабули 10 қатънома аз руи ташаббусҳои Тоҷикистон ва ҷонибдории кишварҳои аъзои созмон аз иқдомҳои байналмилалии кишвари мо натиҷаи ҳамкории судманди ҷонибҳо номида шуд.

Ҷонибҳо зимни мулоқот оид ба пешбурди минбаъдаи Раванди оби Душанбе ва соли 2028 дар пойтахти Тоҷикистон баргузор кардани Конфронси Созмони Милали Муттаҳид оид ба захираҳои об ва дар чорчӯби он баррасии ниҳоии ҳамаҷонибаи иҷрои ҳадафҳои Даҳсолаи байналмилалии амал “Об барои рушди устувор”, солҳои 2018-2028 табодули андеша карданд.

Ҷонибҳо ҳамчунин оид ба дигар масъалаҳои мавриди таваҷҷуҳ гуфтугӯйи судманд анҷом доданд.

2024-07-27 14:03:46

МАЪЛУМОТ ДАР БОРАИ ФАЪОЛИЯТИ КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБИИ НАЗДИ ҲУКУМАТИ ҶУМҲУРИИ ТОҶИКИСТОН ДАР НИМСОЛАИ АВВАЛИ СОЛИ 2024

Ҳукумати Ҷумҳурии Тоҷикистон соҳаи илму маорифро яке аз самтҳои афзалиятноки кишвар маҳсуб дониста, мунтазам барои рушду нумуи он тадбирҳо меандешад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Паёми навбатиашон «Дар бораи самтҳои асосии сиёсати дохилӣ ва хориҷии ҷумҳурӣ» (28 декабри соли 2023) бори дигар ба ин нукта ишора карда, зикр намуданд, ки «рушди илму маориф калиди пешрафти ҳамаи соҳаҳо ва омили муҳимтарини таъмин намудани ояндаи босуботи давлат ва фардои босаодати ҷомеа ба ҳисоб меравад».

Бо мақсади назорат намудани раванди таълиму тарбия дар муассисаҳои таҳсилоти ибтидоӣ ва миёнаи касбӣ ва соҳибкасб гардидани шаҳрвандон бо қарори Ҳукумати Ҷумҳурии Тоҷикистон аз 6 сентябри соли 2023, №429 Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таъсис дода шуд. Айни замон дар назди Кумитаи мазкур 63 муассисаи таҳсилоти ибтидоии касбӣ ва 88 муассисаи таҳсилоти миёнаи касбӣ фаъолият мекунад, ки дар онҳо аз рӯйи зиёда аз 500 ихтисос мутахассисони дорои таҳсилоти миёнаи касбӣ ва соҳаи коргарӣ омода карда мешавад.

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар давраи ҳисоботӣ чунин корҳоро ба анҷом расонид:

Дар самти таҳсилоти ибтидоии касбӣ. Дар Ҷумҳурии Тоҷикистон 65 муассисаи таҳсилоти ибтидоии касбӣ фаъолият менамояд, ки 63 –тои он давлатӣ, 2 –тои он ғайридавлатӣ ва 1 филиали литсейи касбии махсуси маъюбон дар ноҳияи Рӯшон мебошанд.

Айни замон дар муассисаҳои таҳсилоти ибтидоии касбӣ 16 ҳазору 525 нафар хонанда ба таҳсил фаро гирифта шуда, аз ин шумора 4 ҳазору 576 нафар духтар, 46 нафар ятими кулл, 689 нафар нимятим ва 211 нафар маъюб мебошанд. Дар муассисаҳои таҳсилоти ибтидоии касбӣ 3 ҳазору 857 нафар корманд, аз ҷумла 1 ҳазору 875 нафар омӯзгор (3 нафар номзади илм) ва 904 устои таълими истеҳсолӣ фаъолият дошта, 33 нафар устои таълими истеҳсолӣ ва 83 омӯзгор намерасад. Дар ин зинаи таҳсилот аз рӯйи 14 самт ва 135 ихтисос кадрҳои коргарӣ омода карда гардида, дар назар аст, ки теъдоди ихтисосҳо то ба 1000 -то зиёд карда шавад.

Ҳоло хонандагони муассисаҳои таҳсилоти ибтидоии касбӣ бо 62,0% китоби дарсии фанҳои умумитаълимӣ ва 35,1% китоби дарсии фанҳои тахассусӣ таъмин мебошанд.

Муассисаҳои таҳсилоти ибтидоии касбӣ дорои 1849,87 га замин буда, аз ин 107,54 га боғ, 223,75 га ғайрикишоварзӣ, 536 га чарогоҳ, 96,22 га зербино, 330,5 га корами лалмӣ, 636,71 корами обӣ мебошад, ки дар онҳо зироатҳои кишоварзӣ, ба монанди пахта, гандум, ҷав, картошка, пиёз, юнучқа, маҳсулоти полезӣ ва боғу токзор парвариш ва кишт карда мешавад.

Муассисаҳои таҳсилоти ибтидоии касбӣ дорои 96 бинои таълимӣ буда, аз ин 14 муассисаи таълимӣ ба сохтмони бинои нав (комплекс), 22 муассисаи таълимӣ ба сохтмони бинои иловагии таълимӣ, устохона, ошхонаю толорҳои варзишию маҷлисгоҳ ва ба таъмири асосӣ ниёз доранд.

Дар нимсолаи якуми соли 2024 дар муассисаҳои таҳсилоти ибтидоии касбӣ мунтазам шанбегиҳои дастаҷамъона гузаронида шуда, зиёда аз 1321 бех дарахти мевадиҳандаю ороишӣ ва зиёда аз 15 ҳазор гулу буттаҳои мавсимӣ шинонида шуд.

Барои дарёфти «Ҷоми Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон» дар байни хонандагони муассисаҳои таҳсилоти ибтидоии касбии Ҷумҳурии Тоҷикистон аз рӯйи 5 номинатсия (физика, математика, тех.информатсионӣ, биология ва химия) дар ду давр олимпиада ташкил карда шуд.

Даври якум дар дар сатҳи муассисаи таҳсилоти ибтидоии касбӣ баргузор гардид, ки дар он 426 нафар хонандагони муассисаи таҳсилоти ибтидоии касбӣ, аз рӯйи номинатсияи математика - 84 нафар, аз рӯйи номинатсияи физика – 87 нафар, аз рӯйи номинатсияи химия – 83 нафар, аз рӯйи номинатсияи биология – 84 нафар ва аз рӯйи номинатсияи технологияи информатсионӣ 88 нафар хонанда иштирок намуда, барои иштирок дар даври ниҳоии олимпиада 235 нафар хонанда роҳхат гирифт.

Даври ниҳоии олимпиада рӯзҳои 13 ва 14-уми июни соли 2024 дар коллеҷи технологии шаҳри Душанбе гузаронида шуд. Ғолибон бо Ҷом, дипломҳои дараҷаҳои 1, 2 ва 3 ва сипосномаю ифтихорномаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, сарфароз гардонида шуданд.

Ҳамзамон, дар муассисаҳои таҳсилоти ибтидоии касбӣ даври аввали озмунҳои ҷумҳуриявии «Илм – фурӯғи маърифат» ва «Фурӯғи субҳи доноӣ китоб аст» ташкил ва гузаронида шуда, дар он хонандагони муассисаҳои таҳсилоти ибтидоии касбӣ ширкат варзида, дар озмуни «Илм - фуруғи маърифат» аз 234 нафар иштирокдоштагон 90 нафар ба даври дуюм роҳхат гирифтанд, дар озмуни «Фуруғи субҳи доноӣ китоб аст» 112 нафар иштирок намуда, 23 нафар ғолибон ба даври дуюми озмуни номбурда роҳхат гирифтанд.

Дар озмуни ҷумҳуриявии “Тоҷикистон –Ватани азизи ман” дар даври якум 108 нафар иштирок намуда, 23 нафар ба даври шаҳриву вилоятӣ роҳхат гирифтанд.

Бо мақсади иҷрои «Барномаи касбомӯзии шаҳрвандони Ҷумҳурии Тоҷикистон барои солҳои 2021-2025» 4 ҳазору 82 нафар, аз ҷумла 1017 нафар зану духтарон курсҳои кӯтоҳмуддати касбомӯзиро дар муассисаҳои таҳсилоти ибтидоии касбӣ хатм карданд.

Тибқи маълумоти пешниҳодгардидаи бахши идоракунии сифати таҳсилоти муассисаҳои таълимӣ сатҳу сифати азхудкунии барномаҳои таълимӣ аз фанҳои умумитаълимӣ ба ҳолати моҳи майи соли 2024 дар муассисаҳои таҳсилоти ибтидоии касбии шаҳри Душанбе - 62,3% ва 27,7%, ноҳияҳои тобеи ҷумҳурӣ - 67,9% ва 24,9%, вилояти Суғд - 70,4% ва 26,4%, вилояти Хатлон - 70,0% ва 26,7% мебошад.

Дар маҷмуъ, сатҳи донишандӯзии хонандагон дар муассисаҳои таҳсилоти ибтидоии касбӣ аз фанҳои умумитаълимӣ дар ҷумҳурӣ - 68,7 дарсад ва сифати дониш - 26,5 дарсадро ташкил медиҳад.

Тибқи маълумотҳои пешниҳодгардида давомоти хонандагон дар муассисаҳои таҳсилоти ибтидоии касбии мамлакат аз 75 то 84 дарсадро ташкил медиҳед.

Дар муассисаҳои таълимии таҳсилоти ибтидоии касбӣ мунтазам аз ҷониби роҳбарият ва роҳбарони гурӯҳҳои таълимӣ вохӯриҳо бо иштироки падару модарони хонандагон гузаронида шуда, зимни баргузории вохӯриҳо ба волидайн аз тарафи роҳбарони гурӯҳҳои таълимӣ доир ба тартибу интизом, давомот, муваффақияту камбудиҳои ҳар як хонанда дар раванди таҳсил маълумоти муфассал дода мешавад. Ҳамчунин, дар ин вохӯриҳо ҷиҳати таъмини иҷрои муқаррароти Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» таъкид мегардад. Ҳамзамон, дар асоси Нақшаи чорабиниҳои муштарак аз тарафи кормандони Хадамоти пешгирии ҳуқуқвайронкунии ноболиғон ва ҷавонони Вазорати корҳои дохилии Ҷумҳурии Тоҷикистон дар ҳамкорӣ бо мутахассисони Кумита дар муассисаҳои таҳсилоти ибтидоии касбӣ корҳои фаҳмондадиҳӣ гузаронида шуда, бо мақсади пешгирии омилҳои номатлуби иҷтимоӣ миёни ҷавонон аз қабили терроризм, экстремизм, савдои одамон ва тарбияи ҷавонон дар руҳияи созандагию бунёдкорӣ вохӯриву суҳбатҳо баргузор карда шуданд.

ДАР САМТИ ТАҲСИЛОТИ МИЁНАИ КАСБӢ

Дар ҷумҳурӣ 87 муассисаи таҳсилоти миёнаи касбӣ ва 5 филиал фаъолият менамояд. Дар муассисаҳои мазкур аз рӯйи 10 самт ва аз рӯйи 209 ихтисос мутахассисон омода карда мешавад.

Дар муассисаҳои таҳсилоти миёнаи касбӣ 90096 хонанда ва донишҷӯй (67641 духтар) ба таҳсил фаро гирифта шуда, ба онҳо 7 ҳазору 416 омӯзгор (3681 зан) дарс медиҳанд, ки аз онҳо 23 нафар (10 нафар зан) доктори илм ва 240 нафар (44 нафар зан) номзади илм мебошад.

Соли ҷорӣ дар озмуни „Фурӯғи субҳи доноӣ китоб аст“ 4234 нафар донишҷӯю омӯзгорон иштирок намуда, 176 нафар ба даври шаҳриву вилоятӣ роҳ ёфтанд.

Инчунин, озмуни ҷумҳуриявии „Тоҷикистон - Ватани азизи ман“ аз 1620 нафари дар даври аввал иштироккарда, 76 нафар ба даври ҷумҳуриявӣ роҳ ёфтанд.

Бо мақсади иҷрои Амри Президенти Ҷумҳурии Тоҷикистон аз 12 декабри соли 2023, №АП-470 «Оид ба баргузории озмуни ҷумҳуриявии «Хонандаи беҳтарини асарҳои Пешвои миллат» дар муассисаҳои таълимӣ озмун баргузор гардид.

Дар даври якуми озмун зиёда аз 1073 нафар донишҷӯ иштирок намуданд. Ба даври ҷумҳуриявии озмун 190 нафар пешниҳод гардид.

Байни донишҷӯёну омӯзгорон тибқи Низомномаи озмуни ҷумҳуриявии «Илм-фурӯғи маърифат», ки бо Амри Президенти Ҷумҳурии Тоҷикистон аз 1 январи соли 2024, №АП-481 тасдиқ шудааст, аз рӯйи номинатсияҳои математика (арифметика, алгебра, геометрия), физика ва астрономия, химия, биология (ботаника, зоология, анатомия), география, технологияи иттилоотӣ ва ихтироъкорӣ ва навоварӣ даври якум гузаронида шуд.

Мавриди қайд аст, ки дар даври якум дар муассисаҳои таълимии таҳсилоти миёнаи касбӣ 4 ҳазору 711 нафар донишҷӯю омӯзгор дар озмун иштирк намуда, аз онҳо 900 нафар барои иштирок ба даври дуюм роҳхат гирифтаанд.

Дар 78 муассисаи таҳсилоти миёнаи касбӣ имтиҳонҳо тариқи Маркази миллии тестии назди Президенти Ҷумҳурии Тоҷикистон ва дар 9 муассисаи соҳаи фарҳанг тариқи анъанавӣ ба роҳ монда шудааст.

Натиҷаи бақайдгирӣ нишон дод, ки 17061 нафар хатмкунандагони муассисаҳои таҳсилоти умумии асосӣ (синфи 9) ва 11219 нафар хатмкунандагони муассисаҳои таҳсилоти миёнаи умумӣ (синфи 11) аз рӯйи интихоби якум ихтисосҳои муассисаҳои таҳсилоти миёнаи касбиро интихоб кардаанд, ки мутаносибан 61,9% -и нақшаи қабули умумиро ташкил медиҳад.

Бо ташаббуси Президенти Федератсияи футболи Тоҷикистон муҳтарам Рустами Эмомалӣ санаи 25 май аз ҷониби Созмони Миллали Муттаҳид дар кулли дунё ҳамчун «Рӯзи ҷаҳонии футбол» расман эътироф гашт. Бо ин мақсад бозии футболи хурд барои дарёфти Ҷоми раиси Кумита дар ду давр, даври якум дар минтақаҳо (шаҳри Душанбе, минтақаҳои Кӯлоб ва Бохтари вилояти Хатлон, вилояти Суғд, шаҳру ноҳияҳои тобеи марказ) ва даври ҷамъбастӣ дар шаҳри Душанбе доир гардид ва ғолибон бо медал, диплом ва туҳфаҳои хотиравӣ қадрдонӣ карда шуданд.

Рӯзҳои 5-6 июни соли 2024 байни муассисаҳои таълимии мазкур бозии мусобиқавии ҷамъбастӣ гузаронида шуда, Коллеҷи тарбияи ҷисмонии Тоҷикистон ғолиби ҷойи якум, Коллеҷи тиббии ғайридавлатии ноҳияи Ховалинг ғолиби ҷойи дуюм ва Коллеҷи тиббии шаҳри Ҳисор ғолиби ҷойи сеюм дониста шуд.

Дар давраи ҳисоботӣ дар самти корҳои тарбиявӣ ва вобаста ба он дар муассисаҳои таълимии таҳсилоти миёнаи касбӣ як қатор корҳо ба анҷом расонида шуд. Аз ҷумла, доир ба эълон гардидани соли 2024 соли "Маърифати ҳуқуқӣ" дар моҳҳои март-майи соли 2024 дар ҳамаи муассисаҳои таҳсилоти миёнаи касбӣ бо иштироки кормандони кумитаҳои иҷроияи Ҳизби Халқии Демократии Тоҷикистон дар шаҳру ноҳияҳои ҷумҳурӣ, намояндагони ҳифзи ҳуқуқ, олимону профессорони соҳаи ҳуқуқ, омӯзгорону донишҷӯёни муассисаҳо чорабинии сиёсӣ, вохӯриҳо ва конференсияҳо баргузор карда шуд.

ДАР САМТИ ТАҲИЯИ САНАДҲОИ МЕЪЁРИИ ҲУҚУҚӢ

Лоиҳаҳои зерини қарорҳои Ҳукумати Ҷумҳурии Тоҷикистон дар таҳрири нав таҳия карда шуда, дар мувофиқа бо Дастгоҳи иҷроияи Президенти Ҷумҳурии Тоҷикистон барои пешниҳоди хулоса ба вазорату идораҳои дахлдор ирсол гардиданд. Ба Кумита оид ба онҳо хулосаҳои вазорату идораҳои дахлдор ворид шуданд ва дар муҳлатҳои наздик санадҳои мазкур барои тасдиқ ба Ҳукумати Ҷумҳурии Тоҷикистон пешниҳод карда мешаванд. Аз ҷумла:

-Қонуни Ҷумҳурии Тоҷикистон «Дар бораи таҳсилоти ибтидоии касбӣ» (дар таҳрири нав) аз 7.05.2024, №17680 (26.5) ;

-Қонуни Ҷумҳурии Тоҷикистон «Дар бораи таҳсилоти миёнаи касбӣ» (дар таҳрири нав) аз 7.05.2024, №17682 (26.5);

-Лоиҳаи қарори Ҳукумати Ҷумҳурии Тоҷикистон “Дар бораи Стандарти давлатии таҳсилоти ибтидоии касбии Ҷумҳурии Тоҷикистон” аз 16.05.2024, №18862 (26.5);

-Лоиҳаи қарори Ҳукумати Ҷумҳурии Тоҷикистон “Дар бораи Стандарти давлатии таҳсилоти миёнаи касбии Ҷумҳурии Тоҷикистон” аз 16.05.2024, №18863 (26.5);

-Лоиҳаи қарори Ҳукумати Ҷумҳурии Тоҷикистон “Дар бораи Низомномаи намунавии муассисаи таълимии таҳсилоти ибтидоии касбии Ҷумҳурии Тоҷикистон” аз 5.06.2024, №20662 (26.5);

-Лоиҳаи қарори Ҳукумати Ҷумҳурии Тоҷикистон “Дар бораи Низомномаи намунавии муассисаи таълимии таҳсилоти миёнаи касбии Ҷумҳурии Тоҷикистон” аз 12.06.2024, №22736 (26.5).

Ҳамзамон, бо мақсади тибқи талабот ба роҳ мондани фаъолияти Кумита ва муассисаҳои таҳсилоти ибтидоӣ ва миёнаи касбӣ таҳия ва тасдиқи зиёда аз 30 санади меъёрии ҳуқуқӣ, аз ҷумла низомнома, қоида ва тартиб ба нақша гирифта шудааст, ки онҳо то охири соли ҷорӣ омода ва дастраси муассисаҳо гардонида мешаванд.

ДАР САМТИ РОБИТАҲОИ БАЙНАЛМИЛАЛӢ

Дар ин давра бо як қатор созмону ташкилот, муассисаҳои байналмилалӣ ва шарикони рушд, аз ҷумла Намояндагии Иттиҳоди Аврупо дар Тоҷикистон, Бонки ҷаҳонӣ, Бонки Осиёии Рушд, ЮНИСЕФ, ЮНЕСКО ва дигар шарикони рушд гуфтушунидҳо ба роҳ монда шуд ва санадҳои зерини ҳамкорӣ таҳия гардид, ки тасвиби онҳо дар тавсеаи ҳамкориҳои муштарак мусоидат хоҳад кард. Аз ҷумла:

1.Ёддошти тафоҳум байни Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Ташкилоти технологияи байналмилалии и «NALIKE»-и Ҷумҳурии Халқии Хитой (хулосаи Вазорати адлия гирифта шудааст, дар баррасии Вазорати корҳои хориҷии Ҷумҳурии Тоҷикистон қарор дорад);

2. Созишномаи ҳамкорӣ байни Кумита ва Муассисаи таълимии давлатии буҷетии таҳсилоти олии «Донишгоҳи давлатии ПЕНЗА» (барои имзо омода аст);

3.Созишнома байни Кумита ва Донишгоҳи давлатии омӯзгории Олтойи Федератсияи Россия (имзо шудааст);

4.Лоиҳаи Созишнома байни Кумита ва Корпоратсияи таълимии техникии Шоҳигарии Арабистони Саудӣ (омодаи имзо);

5. Лоиҳаи Ёддошти тафоҳум байни Кумита ва Барномаи озуқавории ҷаҳонии Созмони Миллали Муттаҳид (дар баррасии вазоратҳо);

6.Лоиҳаи Ёддошти тафоҳум бо Ташкилоти ҷамъиятии байналмилалии Агроаксияи Олмон дар Ҷумҳурии Тоҷикистон - GIZ (имзо шудааст);

7.Созишнома оид ба ҳамкорӣ байни Кумита ва Донишгоҳи федералии Швейтсария оид ба таҳсилоти касбӣ ва бозомӯзӣ (дар баррасии вазоратҳо).

ДАР САМТИ ФАЪОЛИЯТИ КАДРӢ ВА КОРҲОИ МАХСУС

Дар асоси фармоиши раиси Кумита аз 23.05.2024, №81 «Дар бораи баргузории озмун барои ишғоли мансабҳои холии маъмурии хизмати давлатӣ дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон» озмун барои ишғоли мансабҳои холии маъмурии хизмати давлатӣ баргузор гардид ва кормандон ба кор қабул гардиданд.

Дар асоси фармоиши раиси Кумита аз 17 апрели соли 2024, №07 «Дар бораи тақсимоти мутахассисони ҷавон дар соли 2024» ва «Тартиби тақсимот ва ба ҷойи кор таъмин намудани мутахассисони ҷавон» (қарори Ҳукумати Ҷумҳурии Тоҷикистон аз аз 27 майи соли 2017, №262) тақсимоти хаткунандагони ихтисосҳои омӯзгорӣ гузаронида шуд.

Дар соли 2024 745 нафар мутахассисони ҷавон аз ҳисоби маблағҳои буҷети давлатӣ таҳсилкарда тибқи роҳхати Кумита ва шартномаи се ҷониба ба ихтиёри раёсату шуъбаҳои маорифи шаҳру ноҳияҳои дахлдор фиристода шуданд.

Дар робита ба фармони Президенти Ҷумҳурии Тоҷикистон аз 18 марти соли 2024, №795 «Дар бораи омӯзиши забонҳои хориҷӣ» ва мактуби Агентии хизмати давлатии назди Президенти Ҷумҳурии Тоҷикистон аз 22 апрели соли 2024, № 04-854 фармоиши раиси Кумита аз 1 апрели соли 2024, №09 бо замимаи ҷадвали дарсӣ ба тасвиб расидааст, ки тибқи он барои кормандони кумита ҳафтае се маротиба дарси омӯзиши забони русӣ ва англисӣ, бо ҷалби омӯзгорони забонҳои хориҷӣ ташкил карда шудааст.

Дар асоси нақшаи корӣ ҳар моҳ як маротиба бо иштироки кормандони Кумита хонишҳои идоравӣ баргузор карда мешавад. Дар хонишҳои идоравӣ мутахассисону коршиносони варзида низ барои маърӯза намудан даъват карда мешаванд.

ДАР САМТИ ТАТБИҚИ ЛОИҲАҲО

Дар назди Кумита Гурӯҳи татбиқи лоиҳаи «Таҳсилоти касбию техникӣ ва омӯзиш дар минтақаҳои кӯҳии Ҷумҳурии Тоҷикистон» фаъолият менамояд. Лоиҳаи мазкур ҷиҳати беҳтар намудани дастрасӣ ба таҳсилоти касбӣ, баланд бардоштани нуфуз ва сифати таҳсилот ва омӯзиши касбӣ, паст кардани сатҳи бекорӣ дар байни гурӯҳҳои осебпазир, бахусус ҷавонон ва занон дар ноҳияҳои кӯҳии кишвар нигаронида шудааст.

Самтҳои фаъолияти лоиҳа:

Лоиҳа аз панҷ қисмат иборат мебошад, аз ҷумла:

Қисмати 1. Барқарорсозӣ ва cохтмони муассисаҳои таълимии касбӣ;

Қисмати 2. Баланд бардоштани нуфуз ва сифати таҳсилот ва омӯзиши касбӣ;

Қисмати 3. Хизматрасонии аудити молиявӣ;

Қисмати 4. Дастгирии идоракунии лоиҳа;

Қисмати 5. Қисмати шартӣ оид ба вокуниш ба ҳолатҳои фавқуллода.

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар давраи ҳисоботӣ ҳамаҷониба кӯшиш ба харҷ дод, ки дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон вазифаҳои соҳавии худро саривақт ва бо сифати баланд ба иҷро расонад.

ТАЪСИСИ РӮЗНОМАИ “ҶАҲОНИ ҲУНАР”

Дар давраи ҳисоботи нашрияи расмии Кумита рӯзномаи “Ҷаҳони ҳунар” таъсис дода шуд, ки ҳуҷҷатҳояш омода гардида, барои бақайдгирӣ ба Вазорати фарҳанги Ҷумҳурии Тоҷикистон пешниҳод гардида, дар назар аст, ки аввалин шумораи он дар оғози соли нави хониш ба нашр хоҳад расид.

Сомонаи расмии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон тибқи меърёҳо сохта шуда, фаъол гардид www.tahsilot.tj.

Ҳамзамон, дар шабакаи иҷтимоии фейсбук саҳифаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таъсис дода шуда, ҳамарӯза хабару гузоришҳои Ҳукумати Ҷумҳурии Тоҷикистон, Пешвои миллат ва Кумита ҷойгир карда мешавад.

2024-07-27 13:33:23

БОЗИҲОИ ОЛИМПИИ ПАРИЖ-2024. Дар маросими ифтитоҳ Темур Раҳимов Парчамбардори ҳайати дастаи мунтахаби олимпии Тоҷикистон буд

ДУШАНБЕ, 27.07.2024 /АМИТ «Ховар»/. 26 июли соли 2024 маросими ифтитоҳи Бозиҳои олимпии Париж-2024 баргузор шуд. Ҳайати дастаи мунтахаби олимпии Тоҷикистон низ дар гузашти ҳайатҳои олимпӣ иштирок намуд. Парчамбардори ҳайати дастаи мунтахаби олимпии Тоҷикистон паҳлавони маъруф Темур Раҳимов буд, хабар медиҳад АМИТ «Ховар». Оташи олимпиро дзюдочӣ Тедди Ринер ва даванда Мари-Ҷозе Перек фурӯзон карданд.

Возможно, это изображение 17 человек и текст

Возможно, это изображение 2 человека и текст «द 3 TJK»

Сипас президенти Кумитаи тадорукоти Бозиҳои олимпии Париж-2024 Тони Эстанге, президенти Кумитаи байналмилалии олимпӣ Томас Бах ва Президенти Фаронса Эммануэл Макрон суханронӣ намуданд.

Ҳамчунин барномаи ҳунарӣ низ пешниҳод гардид.
Бояд гуфт, ки дар Бозиҳо аз 32 намуди варзиш 10 500 варзишгар аз 206 давлати ҷаҳон иштирок мекунанд. Варзишгарон барои 329 маҷмӯи медалҳо байни ҳам мубориза мебаранд. Ҷумҳурии Тоҷикистонро дар ин мусобиқот 14 варзишгар, аз рӯйи 6 намуди варзиш, аз ҷумла ҷудо, бокс, таэквондо, гӯштини тарзи озод, шиноварӣ ва варзиши сабук муаррифӣ менамоянд.

Дар баробари Темур Раҳимов (ҷудо, вазни +100 кг) дар Бозиҳои тобистонаи олимпӣ, инчунин 5 ҷудочии дигари тоҷик, аз ҷумла Эмомалии Нуралӣ дар вазни то 66 кг, Беҳрӯзи Хоҷазода дар вазни то 73 кг, Сомон Маҳмадбеков дар вазни то 81 кг, Комроншоҳ Устопириён дар вазни то 90 кг ва Ҷаҳонгир Маҷидов дар вазни то 100 кг иштирок менамоянд.

Возможно, это изображение 7 человек и текст

Дар риштаи бокс давлати моро се муштзан -Баҳодур Усмонов дар вазни 63,5 кг, Миҷгона Самадова дар вазни то 57 кг ва Давлат Болтаев дар вазни то 92 кг муаррифӣ хоҳанд намуд.
Екатерина Бордачёва ва Фахриддин Мадкамов дар шиноварии тарзи озод ба масофаҳои кӯтоҳ – 50 ва 100 метр, Фаворис Музрапов дар варзиши сабук, дав ба масофаи 100 метр, Мунира Абдусаломова дар риштаи таэквондо дар вазни +67 кило ва Виктор Рассадин дар риштаи гӯштини озод дар вазни то 74 кило Тоҷикистонро намояндагӣ мекунанд.

Имрӯз дар Бозиҳои олимпии Париж-2024 аз байни варзишгарони Тоҷикистон аввалин шуда Баҳодур Усмонов дар риштаи бокс рақобатро оғоз менамояд. Рақиби ӯ варзишгар аз Булғористон Радослав Реносов мебошад.