КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБИИ НАЗДИ ҲУКУМАТИ ҶУМҲУРИИ ТОҶИКИСТОН

Аз «13» марти соли 2026                                                         №­­­53                  

Оид ба Фармони Президенти Ҷумҳурии Тоҷикистон «Дар бораи Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030)»

Мутобиқи бандҳои 1 ва 2-и Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030) (Фармони Президенти Ҷумҳурии Тоҷикистон аз 6 марти соли 2026, №1145) ва  банди 10 Низомномаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 14.05.2024, №292 тасдиқ шудааст, ф а р м о и ш  м е д и ҳ а м:

1.   Фармони Президенти Ҷумҳурии Тоҷикистон «Дар бораи Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030)» аз 6 марти соли 2026, №1145 ба роҳбарӣ ва мавриди амал қарор дода шавад.

2.   Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030) барои соли 2026 ва барномаи дохилиидоравии  зиддикоррупсионии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон тасдиқ карда шаванд (Замимаи 1 ва 2).

3.   Дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон шахси мутасаддӣ оид ба таъмини иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 муовини якуми раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Давлатзода Баҳрулло муайян карда шавад.

4.   Ба директорони муассисаҳои таълимии таҳсилоти ибтидоӣ ва миёнаи касбӣ новобаста ба мақоми ташкилию ҳуқуқӣ ва шакли моликият супорида мешавад, ки нақшаи чорабиниҳои амалисозии Стратегия барои соли 2026 ва барномаи дохилии зиддикоррупсионии муассисаи таълимиро таҳия ва тасдиқ намуда, аз рафти иҷрои он ҳар шаш моҳ ба Кумита маълумоти муфассал пешниҳод намоянд.

5.    Ба муовини якум, муовини раис, сардорони раёсат, шуъбаву бахши дастгоҳи марказии Кумита дастур дода мешавад, ки ба мақсади иҷрои талаботи бандҳои Нақшаи чорабини Кумита ҷиҳати иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030) чораандешӣ намоянд.

6.   Назорати иҷрои фармоиши мазкурро ба зиммаи худ мегирам.   

                     Раис                                                        Фарҳод Раҳимӣ

                                                                                                                           Замимаи 1

ба фармоиши раиси Кумитаи оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

аз «13» марти соли 2026, №53

НАҚШАИ ЧОРАБИНИҲОИ

ДОХИЛИИДОРАВЇ ОИД БА АМАЛИСОЗИИ СТРАТЕГИЯИ ДАВЛАТИИ МУҚОВИМАТ БА КОРРУПСИЯ дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030) барои соли 2026

                                                         Замимаи 2

ба фармоиши раиси Кумитаи оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

аз «____» _______ соли 2026, №_____

Барномаи дохилиидоравии зиддикоррупсионӣ ҷиҳати таъмини иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030  дар марҳилаи дуюм (солҳои 2026-2030) барои соли 2026 дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

1.     МУҚАРРАРОТИ УМУМӢ

1. Барномаи дохилиидоравии зиддикоррупсионӣ ҷиҳати таъмини иҷрои фармони Президенти Ҷумҳурии Тоҷикистон аз 6 марти соли 2026, №1145 «Дар бораи Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030)» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон (минбаъд-Барнома) бо мақсади муқовимати бевосита бо коррупсия дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон (минбаъд-Кумита), сохторҳои он, муассисаҳои таълимии таҳсилоти ибтидоӣ ва миёнаи касбӣ, муттаҳид сохтани саъю кӯшишҳои зиддикоррупсионии давлат, баҳри пешгирии зуҳуроти коррупсионӣ таҳия шудаст. Барнома барои дар амал татбиқ намудани сиёсати зиддикоррупсионии давлат, пешгирӣ, ошкор ва бартараф намудани кирдорҳои коррупсионӣ мусоидат менамояд.

2. Коррупсия - ин кирдори (ҳаракат ё беҳаракатии) шахсони ба иҷрои вазифаҳои давлатӣ ваколатдор ё ба онҳо баробаркардашудае мебошад, ки мақоми худ ё имкониятҳои онро бо мақсади ба манфиати худ ё шахсони дигар ба даст овардани неъматҳои моддӣ ва ғайримоддӣ, бартарият ва имтиёзҳои дигари дар қонунҳо пешбининашуда, инчунин ба ин шахсон ваъда додан, таклиф ё пешкаш намудани ин гуна неъмату бартариятҳо бо мақсади моилкунӣ ва (ё) қадркунии онҳо барои иҷрои ин ё он кирдор (ҳаракат ё беҳаракатӣ) ба манфиати шахсони воқеию ҳуқуқӣ истифода мебаранд.

3. Коррупсия зуҳуроти манфиест, ки хавфи харобшавии маънавиёти шахсият ва ҷамъият, сустшавии боварии шаҳрвандон ба институтҳои давлатии демократӣ, монеагӣ ба рушди иҷтимоию иқтисодӣ ва фарҳангии давлат, сустшавии аркони давлату давлатдориро дар бар мегирад. Аз ин рӯ, дарки дурусти он ҳамчун зуҳуроти номатлуби ҷамъитӣ, чораандешӣ чиҳати татбиқи сиёсати зиддикоррупсионӣ дар миқёси умумимиллӣ ва дар ин роҳ муттаҳидсозии саъю кушиши мақомоти давлатӣ, ташкилотҳои ҳамаи шакли моликият ва институтҳои ҷомеаи шаҳрвандӣ талаботи зарурӣ ва ҳатмӣ мебошад.   

2.     МАҚСАД ВА ВАЗИФАҲОИ БАРНОМА

4. Мақсад аз қабули Барнома, ин баланд бардоштани маърифати зиддикоррупсионии кормандони Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ, бартараф намудани сабабу шароит ва омилҳои ба коррупсия мусоидаткунанда ва дар маҷмӯъ пурра нест намудани ин зуҳуроти номатлуб дар Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ мебошад.                    

5. Баҳри таъмини иҷрои фармони Президенти Ҷумҳурии Тоҷикистон аз 3 августи соли 2021, №222 «Дар бораи Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030» ва фармони Президенти Ҷумҳурии Тоҷикистон аз 6 марти соли 2026, №1145 «Дар бораи Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030)» ва расидан ба мақсади болозикр иҷрои вазифаҳои зерин, зарурӣ мебошанд:

- таъмини амалисозии сиёсати зиддикоррупсионӣ дар Кумита таъмини риояи дақиқи қонунҳои Ҷумҳурии Тоҷикистон «Дар бораи муқовимат ба коррупсия», «Дар бораи хизмати давлатӣ», «Дар бораи санҷиши фаъолияти субъектҳои хочагидор дар Ҷумҳурии Тоҷикистон», Кодекси одоби хизматчии давлатӣ ва дигар санадҳои меъёрии ҳуқуқии Ҷумҳурии Тоҷикистон дар самти муқовимат ба коррупсия;

-                    муайян намудани шароит ва омилҳое, ки барои коррупсия дар Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ мусоидат менамоянд;

-                    таъмини шаффофияти фаъолияти кормандони соҳа, бағайр аз холатҳое, ки қонунгузории Ҷумҳурии Тоҷикистон дар бораи сирри давлатӣ ба танзим медарорад;

-                     ташаккули меъёрҳои ахлоқӣ, мусоидат ҷиҳати ташаккули муносибати оштинопазирӣ ба коррупсия ҳамчун зуҳуроти манфӣ ва вайронкунанда, беғаразӣ дар хизмати давлатӣ, баланд бардоштани руҳияи ҳайати кормандон алайҳи муқовимат ба коррупсия;

-                    таҳия ва дар амал ҷорӣ намудани механизмҳои ташкилӣ-ҳуқуқӣ, ки барои барҳам додани имкониятҳои фаъолияти коррупсиониро бавуҷудоваранда равона карда шудаанд.

- тақвият    додани    обруву    эътибори    хизмати    давлатӣ, мақоми идоракунии ҳокимияти давлатӣ ва нуфузи давлат;

-ташкили корҳои фаҳмондадиҳӣ, гузаронидани семинар-машваратҳо ва гузаронидани дарсҳои омӯзишӣ ҷиҳати пешгирии коррупсия ва мубориза ба он дар байни кормандони Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ;

- тақвияти ҳамкориҳо бо мақомоту идораҳои дахлдор ҷиҳати пешгирӣ ва мубориза бо коррупсия.

3.     САМТҲОИ АСОСИИ ТАТБИҚИ БАРНОМА

6.       Дар давраи ҳозираи рушди Ҷумҳурии Тоҷикистон таҳсилоти ибтидоӣ ва миёнаи касбӣ яке аз талаботҳои муҳими рушди устувори ҷомеа ва таъминоти рақобатпазири иқтисодиёти миллӣ маҳсуб меёбад.

7.       Дар ҷумҳурӣ 66 муассисаи таълимии таҳсилоти ибтидоии касбии давлатию ғайридавлатӣ фаъолият дошта, дар онҳо аз рӯйи 14 самт ва 135 ихтисос барои иқтисодиёти миллӣ кадрҳои коргарӣ тайёр карда мешаванд. Инчунин, дар кишвар 87 муассисаи таълимии таҳсилоти миёнаи касбӣ ва 7 филиал фаъолият менамоянд, ки аз 10 самт ва 344 ихтисос кадрҳои миёнаи касбӣ омода менамоянд.

8.       Дар муассисаҳои таълимии таҳсилоти ибтидоӣ ва миёнаи касбӣ 139078 нафар хонандаву донишҷӯён таҳсил менамоянд, ки аз ин шумора 85289 нафарро духтарон ташкил медиҳанд. Бояд зикр намуд, ки дар муассисаҳои таълимии таҳсилоти ибтидоии касбӣ 90 дарсади хонандагон тариқи ройгон ва 10 дарсад тариқи пулакӣ таҳсил менамоянд.

9.       Хонандагони муассисаҳои таълимии таҳсилоти ибтидоии касбӣ бо хӯроки гарми яквақтаина ва хонандагони Литсейи касбии маъюбон ва махсуси шаҳри Душанбе бо се вақт хӯроки гарм, либос ва ҷойи хоб ройгон таъмин мебошанд. Маблағи барои хӯроки гарм ҷудогардида ба як нафар хонанда ба ҳисоби миёна 1 сомониро (дар як рӯз) ташкил дода, нисбат ба нархи имрӯзаи бозор нокифоя мебошад.

10.   Нақшаи қабули хонандагон дар соли таҳсили 2025-2026 ба муассисаҳои таълимии таҳсилоти ибтидоии касбӣ 15671 нафар ташкил дод, ки 100 фоизро ташкил медиҳад ва 8844 нафар ин муассисаҳоро хатм намуданд.

11.   Нақшаи қабули хонандагону донишҷӯён дар соли таҳсили 2025-2026 ба муассисаҳои таълимии таҳсилоти миёнаи касбӣ 34031 нафар ташкил дод, ки 77,8 фоизро ташкил медиҳад ва 24547 нафар ин муассисаҳоро хатм намуданд.

4.     МЕХАНИЗМҲОИ АМАЛӢ НАМУДАНИ БАРНОМА

12. Барнома дар асоси Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар Кумитаи оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, сохторҳои он, муассисаҳои таълимии таҳсилоти ибтидоӣ ва миёнаи касбӣ амалӣ карда мешавад.

13. Баҳри таъмини иҷрои Барнома, нақша-чорабиниҳои дахлдор қабул ва амалӣ карда мешаванд.

14. Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ дар асоси нақша-чорабиниҳои Кумита, баҳри таъмини иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ва Барнома, нақша-чорабиниҳо қабул намуда, иҷроиши онро таъмин намоянд.

15. Назорат аз болои фаъолияти зиддикоррупсионии сохторҳои он, муассисаҳои таълимии таҳсилоти ибтидоӣ ва миёнаи касбӣ ба роҳ монда шуда, ташхиси зиддикоррупсионии ҳуҷҷатҳои меъёрии ҳуқуқӣ ба роҳ монда шавад.

5.     МУҚАРРАРОТИ ХОТИМАВӢ

16. Кормандони Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ баҳри иҷрои Барнома ва нақша-чорабиниҳо вобаста ба он масъулият доранд.

17. Барои риоя ва иҷро накардани талаботи Барнома ва нақша-чорабиниҳо вобаста ба он, кормандони Кумита, сохторҳои он, муассисаҳои таълимии таҳсилоти ибтидоӣ ва миёнаи касбӣ тибқи тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.