Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Хабарҳои охирин

ҳамаи хабарҳо
single-product

2026-10-15 16:00:44

ИШТИРОК ДАР ҲАМОИШИ ҲАФТУМИ МАШВАРАТИ ҲАМКОРӢ ВА ТАДБИРҲОИ БОВАРӢ ДАР ОСИЁ (МҲТБО)

15 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Бокуи Ҷумҳурии Озарбойҷон дар Ҳамоиши ҳафтуми Машварати ҳамкорӣ ва тадбирҳои боварӣ дар Осиё (МҲТБО) иштирок ва суханронӣ намуданд.

Нахуст, Президенти кишвари мо муҳтарам Эмомалӣ Раҳмон ба роҳбари Ҷумҳурии Озарбойҷон муҳтарам Илҳом Алиев барои мизбонии ҳамоиш ва меҳмоннавозии гарм изҳори сипос намуда, Ҷумҳурии Мардумии Демократии Лаосро барои пазируфта шудан ба узвияти Машварати ҳамкорӣ ва тадбирҳои боварӣ дар Осиё табрик гуфтанд.

Бо ёдоварӣ аз вазъи печидаву осебпазири байналмилалӣ, равандҳои шиддат гирифтани рақобатҳои геополитикӣ, низоъҳои мусаллаҳона ва таҳдидҳои амниятӣ, Сарвари давлати мо муҳтарам Эмомалӣ Раҳмон зарурати фароҳам овардани заминаҳои устувори таъмини сулҳу суботи пойдорро дар асоси ҳамдигарфаҳмӣ ва этимод, волоияти усулҳои ҳуқуқи байналмилалӣ, ҳамчунин, ҳалли осоиштаи баҳсу ихтилофҳоро бахусус таъкид карданд.

Гуфта шуд, ки Тоҷикистон ҳамеша ҷонибдори таҳкими низоми бисёрқутбии муносибатҳои байналмилалӣ ва рушди ҳамкории созандаи давлатҳо мебошад.

Муҳтарам Эмомалӣ Раҳмон бо итминон иброз доштанд, ки дар шароити имрӯза Машварати ҳамкорӣ ва тадбирҳои боварӣ дар Осиё метавонад ҳамчун майдони муколама миёни кишварҳои қитъа нақши боз ҳам муассирро ба уҳда гирад.

Президенти кишвари мо муҳтарам Эмомалӣ Раҳмон изҳор доштанд, ки таҳкими сулҳ ва эътимод барои Тоҷикистон дар низоми равобити байналмилалӣ, на танҳо мавқеи сиёсӣ, балки самти муҳими сиёсати хориҷии он мебошад.

Зикр гардид, ки Тоҷикистон маҳз бо ҳамин ҳадаф ҷиҳати эълони солҳои 2027-2036 ҳамчун “Даҳсолаи байналмилалии таҳкими сулҳ ба хотири наслҳои оянда” ибтикор намуд, ки аз ҷониби Маҷмаи Умумии Созмони Милали Муттаҳид пазируфта шуд.

Ба андешаи Сарвари давлат муҳтарам Эмомалӣ Раҳмон татбиқи ҳадафҳои ин Даҳсола барои пешбурди муколамаи созандаи байни давлатҳо, фарҳанги сулҳ ва пешгирӣ аз низоъҳо заминаи муносиб фароҳам хоҳад овард.

Таъкид гардид, ки Тоҷикистон якҷо бо Созмони Милали Муттаҳид ва дигар шарикони байналмилалӣ моҳи майи соли 2027 дар шаҳри Душанбе Конфронси байналмилалии сатҳи баланд роҷеъ ба мавзуи мазкур баргузор менамояд.

Изҳори итминон карда шуд, ки ин ҳамоиш ба оғози бомуваффақияти Даҳсолаи байналмилалӣ ва таҳкими минбаъдаи сулҳ, муколама, ҳамбастагӣ ва ҳамкорӣ дар саросари ҷаҳон мусоидат хоҳад кард.

Зимни суханронӣ Роҳбари давлат муҳтарам Эмомалӣ Раҳмон оид ба таҳдиду хатарҳои ҷаҳони муосир, аз ҷумла терроризм ва ифротгароӣ, ҷинояткории муташаккили фаромиллӣ, бахусус таҳдидҳои киберӣ ва гардиши ғайриқонунии маводи мухаддир андешаронӣ намуда, таъкид доштанд, ки «мо ба пешбурди “Раванди Душанбе оид ба мубориза бо терроризм ва маблағгузории он” ҳамчун абзори муассир дар таҳкими ҳамкории байналмилалӣ ва минтақавӣ дар ин самт идома хоҳем дод».

Сарвари давлати мо муҳтарам Эмомалӣ Раҳмон таваҷҷуҳи сарони давлатҳо ва роҳбарони ҳайатҳои кишварҳоро ба масоили рушди иқтисодӣ, иҷтимоӣ ва технологӣ, ҳамчун заминаи аслии барқарории сулҳу суботи пойдор ҷалб сохтанд.

Гуфта шуд, ки Тоҷикистон ба тавсеаи ҳамкории минтақавӣ дар самти соддагардонии расмиёти гумрукӣ ва логистикӣ, ташкили долонҳои нақлиётии мултимодалӣ, рушди иқтисоди рақамӣ, энергетика ва саноати “сабз” ҳавасманд мебошад ва ба густариши технологияҳои рақамии молиявӣ таваҷҷуҳ медиҳад.

Муҳтарам Эмомалӣ Раҳмон, ҳамчунин, доир ба қабули қатъномаи муҳим оид ба рушди зеҳни сунъӣ ва истифодаи он ба манфиати рушди устувор дар самти Осиёи Марказӣ ва дар ин замина ташкил кардани Маркази минтақавии зеҳни сунъӣ дар шаҳри Душанбе андешаронӣ намуданд.

Президенти кишвари мо муҳтарам Эмомалӣ Раҳмон ба масъалаҳои марбут ба тағйирёбии иқлим дахл намуда, иброз доштанд, ки соли 2028 дар Душанбе Конфронси оби Созмони Милали Муттаҳид-2028 баргузор мегардад.

Ҷонибдории густариши ҳамкории бисёрҷониба дар соҳаҳои фарҳанг, сайёҳӣ, ҷавонон ва варзиш ҳамчун воситаи муҳими таҳкими дӯстӣ, ҳамдигарфаҳмӣ ва эътимод миёни давлатҳо ва мардумони Осиё аз мавзуъҳои дигари суханронии Президенти кишвари мо муҳтарам Эмомалӣ Раҳмон буд ва дар ин зимн аҳамияти истифодаи самараноки зарфиятҳои дар ин соҳаҳо мавҷуда таъкид гардид.

Пешниҳод карда шуд, ки имкониятҳои Ҳамоиши ҷавонони ин Форум васеъ гардонида шаванд ва он ба минбари доимии гуфтугӯ, табодули таҷриба ва таҳияи ташаббусҳои муштараки ҷавонони кишварҳои аъзо табдил ёбад.

Дар фароварди сухан Президенти Ҷумҳурии Тоҷикистон муҳтарам Эмомалӣ Раҳмон изҳори бовар намуданд, ки Машварати ҳамкорӣ ва тадбирҳои боварӣ дар Осиё бо иродаи сиёсӣ ва талошҳои муштараки ҷонибҳо минбаъд низ ҳамчун майдони муассири муколама ва ҳамкорӣ, таҳкими эътимод ва ҳамбастагии кишварҳои Осиё хизмат хоҳад кард.

 

single-product

2026-10-15 12:00:52

МЕҲРГОН - ҶАШНИ ФАРОВОНӢ, МЕҲРУ САДОҚАТ ВА ЭҲЁИ АНЪАНАҲОИ МИЛЛӢ

Меҳргон яке аз куҳантарин ҷашнҳои мардуми ориёинажод буда, гузаштагонамон онро ҳамчун ситоишу ниёиши Меҳр ё Митро ва рамзи аҳду паймон ва дӯстиву муҳаббати ойини меҳрпарастӣ таъбир кардаанд. Меҳргон иди ҷамъоварии ҳосили рӯёндаи деҳқон, иди фаровонӣ, шодию нишот, дӯстию рафоқат, ваҳдату ягонагӣ ва меҳру садоқат аст.
Эмомалӣ РАҲМОН

Аз ҷумлаи дастовардҳои муҳими даврони Истиқлоли давлатии Ҷумҳурии Тоҷикистон эҳёи ҷашнҳои бостонии миллӣ ва барқарор гардидани мақоми шоистаи онҳо дар ҳаёти маънавию фарҳангии ҷомеа мебошад. Маҳз бо сиёсати фарҳангпарварона ва таваҷҷуҳи пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашнҳои куҳанбунёди ниёгон, аз ҷумла Наврӯз, Меҳргон ва Сада, дубора эҳё гардида, ҳамчун ҷузъи муҳими худшиносии миллӣ ва ифтихори ватандорӣ арҷгузорӣ мешаванд. Ин иқдомҳо барои ҳифзи мероси таърихӣ, таҳкими ҳувияти миллӣ ва ба наслҳои оянда расонидани арзишҳои фарҳангии гузаштагон аҳаммияти бузург доранд.

Меҳргон яке аз ҷашнҳои қадимтарини мардуми тоҷик ва дигар халқҳои эронитабор ба шумор рафта, аз умқи таърих сарчашма мегирад. Он таҷассумгари меҳру муҳаббат, дӯстиву рафоқат, шукргузорӣ аз неъматҳои табиат, фаровонии ҳосил ва эҳтиром ба заҳмати кишоварзон мебошад. Меҳргон ҳамзамон рамзи тирамоҳи зарнисор, фасли ҷамъоварии ҳосили бо арақи ҷабин рӯёндаи деҳқонон ва ҷамъбасти натиҷаҳои меҳнату талошҳои яксолаи аҳли кишоварзӣ ба ҳисоб меравад. Дар фарҳанги пурғановати миллати тоҷик ҳар як ҷашни миллӣ таърих, мазмун ва арзишҳои маънавии хоси худро дорад. Меҳргон низ дар тӯли асрҳо мақому манзалати худро нигоҳ дошта, то замони мо расидааст. Ин ҷашни аҷдодӣ инсонро ба эҳтироми меҳнат, қадршиносии неъматҳои зиндагӣ, ҳифзи табиат, таҳкими дӯстиву ҳамдигарфаҳмӣ ва арҷгузорӣ ба таъриху фарҳанги ниёгон раҳнамоӣ мекунад.Агар Наврӯз муждаи эҳёи табиат, оғози кишту кори баҳорӣ ва бедории замин бошад, Меҳргон рамзи ҷамъбасти заҳматҳои кишоварзон, фаровонии ҳосил, баракати дастархон ва шукргузорӣ аз неъматҳои табиат аст. Ин ду ҷашн аз лиҳози мазмун ҳамдигарро пурра намуда, робитаи ногусастании инсонро бо табиат ва гардиши фаслҳои сол инъикос мекунанд. Номи Меҳргон бо мафҳуми «меҳр» пайванди наздик дорад.

Меҳр дар фарҳанги бостонии ориёӣ рамзи дӯстӣ, муҳаббат, равшанӣ, аҳду паймон ва вафодорӣ буд. Аз ҳамин ҷиҳат, Меҳргонро метавон ҷашни меҳру муҳаббат, самимият, ҳамбастагӣ ва эҳтироми байни одамон низ номид. Арзишҳои дар мазмуни ин ҷашн таҷассумёфта дар ҳар давру замон аҳаммияти худро нигоҳ дошта, барои таҳкими муносибатҳои неки инсонӣ ва фазои ҳамдигарфаҳмӣ дар ҷомеа мусоидат мекунанд.Мувофиқи ривоятҳои қадима, ки дар осори адибону муаррихони гузашта инъикос ёфтаанд, пайдоиши Меҳргон ба даврони подшоҳони асотирии ориёӣ, аз ҷумла Ҷамшеду Фаридун, нисбат дода мешавад. Абулқосим Фирдавсӣ дар «Шоҳнома»-и безаволи худ аз ин ҷашни бостонӣ ёдовар шуда, онро бо ривоятҳо ва рӯйдодҳои таърихи асотирии халқҳои эронитабор пайванд медиҳад.

Дар давраҳои баъдӣ, бахусус замони Сосониён, таҷлили Меҳргон ба анъанаи устувори давлатӣ ва фарҳангӣ табдил ёфта, бо шукӯҳу шаҳомати хос баргузор мегардид. Дар замони Сомониён низ суннатҳои миллӣ ва фарҳангии ниёгон рушд ёфта, ҷашнҳои бостонӣ дар ҳаёти ҷомеа ҷойгоҳи арзанда доштанд. Шоири бузурги адабиёти классикии тоҷик Абӯабдуллоҳи Рӯдакӣ низ дар ашъори худ аз ҷашни Меҳргон бо самимият ёд кардааст.

Мисраъҳои маъруфи ба ӯ нисбатдодашуда чунинанд:
«Малика! Ҷашни Меҳргон омад,
Ҷашни шоҳону хусравон омад».
Ин байтҳо аз ҷойгоҳи баланди Меҳргон дар фарҳанги гузаштагони мо шаҳодат медиҳанд. Абулқосим Фирдавсӣ низ дар «Шоҳнома» ба ин ҷашн ишора намуда, онро бо расму ойинҳои подшоҳони қадим алоқаманд медонад:
«Ба рӯзи хуҷаста сари меҳрмоҳ,
Ба сар барниҳад он каёнӣ кулоҳ».
Чунин ишораҳои адабӣ ва таърихӣ нишон медиҳанд, ки Меҳргон дар тӯли асрҳо яке аз ҷузъҳои муҳими фарҳанги суннатии мардуми тоҷик буда, дар ташаккули ҷаҳонбинӣ, одобу русум ва муносибати инсон бо табиат нақши назаррас бозидааст.Дар гузашта мардуми кишоварз пас аз анҷоми марҳилаҳои асосии корҳои саҳроӣ ва ҷамъоварии ҳосили ғалла, меваю сабзиҷот барои таҷлили Меҳргон омодагӣ медиданд. Хонаҳоро тоза мекарданд, дастархони идона меоростанд, либосҳои зебо ба бар намуда, бо табрику таманниёти нек ба дидорбинии хешу табор, ҳамсоягон ва дӯстони худ мерафтанд. Ин суннатҳо ифодагари шукргузорӣ аз неъматҳои зиндагӣ, эҳтиром ба заҳмати деҳқон ва орзуи соли пурфайзу баракат буданд.

Дастархони Меҳргонро бо меваю сабзиҷот, гандум, нон, шириниҳо ва дигар маҳсулоти табиат оро медоданд. Дар баъзе минтақаҳо анвои гуногуни мева ва маҳсулоти кишоварзӣ ҷойгоҳи махсус доштанд. Ороиши суфраи идона, истифодаи гулҳои хушбӯй ва пешниҳоди неъматҳои фаровони табиат аз зебоипарастӣ, фарҳанги меҳмоннавозӣ ва эҳтироми мардум ба ҳосили замин дарак медод. Ҳарчанд расму ойинҳои таҷлили Меҳргон дар минтақаҳои гуногун хусусиятҳои маҳаллӣ доштанд, мазмуни умумии онҳо ба шукргузорӣ, фаровонӣ ва қадршиносии меҳнат пайванд мехӯрд.Бо вуҷуди тағйироти зиёди таърихӣ, Меҳргон дар хотираи мардум, осори адабӣ ва расму ойинҳои суннатӣ боқӣ монд. Истиқлоли давлатӣ барои эҳёи арзишҳои миллӣ ва рушди фарҳанги суннатии тоҷикон имкониятҳои васеъ фароҳам овард. Бо ташаббус ва дастгирии Президенти Ҷумҳурии Тоҷикистон муҳтарам Эмомалӣ Раҳмон ҷашнҳои бостонии тоҷикон аз нав эҳё гардида, ба рукнҳои муҳими худшиносии миллӣ табдил ёфтанд. Тибқи қарори Ҳукумати Ҷумҳурии Тоҷикистон аз 5 августи соли 2009, таҳти рақами 538, барои эҳё ва таҷлили ҷашни Меҳргон заминаи зарурӣ фароҳам оварда шуд. Имрӯз ин ҷашн дар шаҳру ноҳияҳои кишвар бо баргузории намоишгоҳҳои маҳсулоти кишоварзӣ, ярмаркаҳои маҳсулоти ватанӣ, барномаҳои фарҳангӣ ва чорабиниҳои маърифатӣ таҷлил мегардад. Чунин иқдомҳо барои муаррифии дастовардҳои кишоварзон, ҳунармандон ва соҳибкорони ватанӣ, инчунин тақвияти робитаи мардум бо мероси фарҳангии ниёгон мусоидат мекунанд.Пешвои миллат муҳтарам Эмомалӣ Раҳмон дар суханрониҳои худ ба аҳаммияти эҳёи ҷашнҳои миллӣ, ҳифзи арзишҳои фарҳангӣ ва тарбияи насли наврас дар рӯҳияи худшиносиву худогоҳии миллӣ таваҷҷуҳи махсус зоҳир менамоянд. Меҳргон дар ин замина аҳаммияти хос дорад, зеро он ба қадршиносии заҳмати кишоварзон, истифодаи самараноки замин, ҳифзи сарватҳои табиӣ ва дарки арзиши меҳнати ҳалол ҳидоят мекунад. Меҳргон, пеш аз ҳама, ҷашни кишоварзон ва арҷгузорӣ ба заҳмати деҳқон аст. Деҳқон бо дониш, таҷриба ва меҳнати пайвастаи худ заминро кишт намуда, барои таъмини аҳолӣ бо маҳсулоти ғизоӣ саҳми арзанда мегузорад. Ҳосили фаровони тирамоҳ натиҷаи омилҳои гуногун, аз ҷумла омодасозии саривақтии замин, интихоби тухмии босифат, риояи қоидаҳои агротехникӣ, истифодаи оқилонаи об ва нигоҳубини дурусти зироат мебошад.

Дар шароити имрӯза рушди соҳаи кишоварзӣ яке аз самтҳои муҳимми пешрафти иқтисоди миллӣ ба ҳисоб меравад. Истифодаи самараноки захираҳои замину об, ҷорӣ намудани технологияҳои муосир, такмили усулҳои парвариши зироат ва дастгирии истеҳсолкунандагони ватанӣ метавонад ба афзоиши ҳаҷми маҳсулоти кишоварзӣ, таъсиси ҷойҳои нави корӣ ва беҳтар гардидани сатҳи зиндагии аҳолӣ мусоидат намояд.

Меҳргон тавассути мазмуни таърихию маънавии худ ҷомеаро ба эҳтироми меҳнат ва дарки аҳаммияти кишоварзӣ дар ҳаёти кишвар даъват мекунад. Таҷлили ин ҷашн моро водор месозад, ки ба заҳмати деҳқон арҷ гузошта, арзиши ҳар донаи гандум, ҳар мева ва ҳар қатраи обро дарк намоем. Маҳсулоте, ки дар дастархони мардум гузошта мешавад, натиҷаи заҳмати зиёд ва истифодаи захираҳои табиӣ мебошад. Аз ин рӯ, муносибати сарфакорона ба ғизо, об ва замин бояд ба ҷузъи муҳими фарҳанги зиндагии ҳар як шаҳрванд табдил ёбад.Яке аз масъалаҳои муҳимми рушди устувори кишвар таъмини амнияти озуқаворӣ мебошад. Дар ин самт саҳми кишоварзон, олимон, мутахассисони соҳаи кишоварзӣ ва соҳибкорони ватанӣ назаррас аст. Барои афзоиши истеҳсоли маҳсулоти ғизоӣ истифодаи усулҳои сарфакоронаи обёрӣ, техникаи муосир, тухмиҳои серҳосил, технологияҳои нави парвариш ва роҳҳои самараноки коркард ва нигоҳдории маҳсулот аҳаммияти калон дорад. Баланд бардоштани ҳосилнокии замин, пешгирии талафоти маҳсулоти кишоварзӣ, рушди боғдорӣ, токпарварӣ, сабзавоткорӣ, ғаллакорӣ ва чорводорӣ низ аз самтҳои муҳимми рушди соҳа ба шумор мераванд. Дар ин раванд ҳамкории олимон бо истеҳсолкунандагон, ҷорӣ намудани дастовардҳои илму техника ва омода кардани мутахассисони соҳибкасб метавонад ба баланд шудани сифати маҳсулот ва рақобатпазирии он мусоидат кунад.Маҳсулоти кишоварзии Тоҷикистон, аз ҷумла зардолу, себ, ангур, анор, шафтолу, меваҳои хушк, сабзиҷот, асал ва дигар неъматҳои табиат, имконияти васеи истеҳсол ва коркард доранд. Барои рушди ин самт беҳтар намудани сифати маҳсулот, риояи меъёрҳои дахлдор, густариши корхонаҳои коркард ва фароҳам овардани шароити муносиб барои нигоҳдориву интиқол зарур аст. Дар баробари ин, ҳифзи заминҳои кишоварзӣ, пешгирии эрозияи хок, истифодаи оқилонаи захираҳои об ва мутобиқ намудани истеҳсолот ба тағйирёбии иқлим аз масъалаҳои мубрами замони муосир мебошанд. Меҳргон ҳамчун ҷашни пайванди инсон бо табиат аҳаммияти ҳифзи муҳити зист ва истифодаи оқилонаи сарватҳои табииро низ таъкид мекунад. Замин, об, ҳаво ва дигар неъматҳои табиат сарчашмаи зиндагии инсон буда, ҳифзи онҳо масъулияти муштараки ҷомеа мебошад. Муносибати ғамхорона ба табиат, пешгирии исрофкорӣ ва риояи қоидаҳои истифодаи захираҳои табиӣ барои таъмини зиндагии шоистаи наслҳои имрӯзу оянда замина мегузорад.Ҷашни Меҳргон ҳамзамон барои рушди фарҳанги миллӣ ва ҳунарҳои мардумӣ имконият фароҳам меорад. Дар рӯзҳои таҷлили он намоишгоҳҳои маҳсулоти кишоварзӣ, ҳунарҳои мардумӣ, хӯрокҳои миллӣ ва дастовардҳои соҳибкорони ватанӣ ташкил карда мешаванд. Чунин чорабиниҳо маҳсули меҳнати мардумро муаррифӣ намуда, барои эҳёи суннатҳои миллӣ, рушди ҳунармандӣ ва густариши сайёҳии дохилӣ заминаи мусоид фароҳам меоранд. Намоиши меваю сабзиҷот, ғалладона, маҳсулоти шириву гӯштӣ, асал, меваҳои хушк ва дигар неъматҳои табиат ҷилои хоссаи ин ҷашнро афзун менамояд. Ҳар як намоишгоҳ бозгӯи заҳмати кишоварзон, имкониятҳои истеҳсолии минтақаҳо ва фаровонии маҳсулоти ватанӣ мебошад. Иштироки ҳунармандон ва аҳли фарҳанг низ барои ғанӣ гардидани муҳтавои чорабиниҳо ва муаррифии суннатҳои маҳаллӣ мусоидат мекунад.Меҳргон барои насли ҷавон аҳаммияти бузурги тарбиявӣ дорад. Он ҷавононро ба меҳнатдӯстӣ, эҳтироми калонсолон, қадршиносии заҳмати падару модар, омӯзиши таърихи миллат ва ҳифзи арзишҳои миллӣ ҳидоят мекунад. Шиносоии хонандагону донишҷӯён бо таърихи ҷашнҳои бостонӣ метавонад ҷаҳонбинии онҳоро васеъ намуда, ҳисси масъулиятшиносӣ, худшиносӣ ва эҳтиром ба мероси фарҳангиро тақвият бахшад. Аз ин лиҳоз, баргузории маҳфилҳои маърифатӣ, намоишгоҳҳо ва чорабиниҳои фарҳангӣ дар муассисаҳои таълимӣ ва марказҳои фарҳангӣ аҳаммияти махсус дорад. Дар баробари ин, Меҳргон рамзи ваҳдату ҳамбастагӣ ва дӯстии байни мардум мебошад. Ин ҷашн инсонҳоро ба ҳамдигарфаҳмӣ, дастгирии ниёзмандон, эҳтироми ҳамдигар ва тақсими неъматҳои зиндагӣ даъват менамояд. Дар фарҳанги мардуми тоҷик дастархони пурфайз, меҳмоннавозӣ ва муносибати самимӣ бо хешу табор, ҳамсоягону дӯстонаш аз суннатҳои дерина мебошанд. Меҳргон ин арзишҳои неки мардумиро тақвият бахшида, барои таҳкими фазои дӯстиву ҳамдигарэҳтиромӣ дар ҷомеа мусоидат мекунад.Дар замони соҳибистиқлолӣ таҷлили ҷашнҳои миллӣ бозгӯи эҳтироми миллати тоҷик ба гузаштаи пурифтихори худ мебошад. Эҳёи Меҳргон нишон медиҳад, ки халқи тоҷик бо вуҷуди дигаргуниҳои таърихӣ арзишҳои аҷдодии худро ҳифз намуда, барои ба наслҳои оянда расонидани онҳо талош меварзад. Ин ҷашн ҳамчун ҷузъи мероси фарҳангӣ барои таҳкими худшиносии миллӣ, муаррифии фарҳанги тоҷикон ва густариши робитаҳои фарҳангӣ бо халқҳои дигар замина фароҳам меорад.

Меҳргон ба мо меомӯзад, ки ҳар як дастоварди зиндагӣ натиҷаи меҳнат, сабру таҳаммул, дониш ва ҳамкории инсонҳо мебошад. Ҳамон тавре ки деҳқон барои ба даст овардани ҳосили фаровон заминро нигоҳубин намуда, заҳмат мекашад, ҳар як узви ҷомеа низ бояд барои ободии Ватан, рушди иқтисоди миллӣ, пешрафти илму фарҳанг ва таҳкими истиқлоли давлатӣ саҳми худро гузорад. Имрӯз дар Ҷумҳурии Тоҷикистон Меҳргон ҳамчун ҷашни меҳнат, фаровонӣ, шукргузорӣ ва гиромидошти суннатҳои миллӣ таҷлил мегардад. Иштироки кишоварзон, олимон, омӯзгорон, ҷавонон, ҳунармандон ва намояндагони касбу кори гуногун дар чорабиниҳои идона шаҳодат медиҳад, ки ин ҷашни бостонӣ дар шароити муосир низ аҳаммияти иҷтимоӣ ва фарҳангии худро нигоҳ доштааст.Хулоса, Меҳргон ҳамчун яке аз ҷашнҳои куҳанбунёди миллати тоҷик таҷассумгари меҳнату заҳмат, фаровонию баракат, меҳру муҳаббат, дӯстиву рафоқат ва ваҳдату ягонагӣ мебошад. Он моро ба арҷгузорӣ ба таъриху фарҳанги ниёгон, эҳтироми меҳнати кишоварзон, истифодаи оқилонаи сарватҳои табиӣ ва саҳмгузорӣ дар ободии Ватани азиз ҳидоят менамояд. Дар шароити рушди иқтисоди миллӣ ва талошҳо барои беҳтар намудани сатҳи зиндагии мардум, мазмуни созандаи Меҳргон аҳаммияти хосса дорад.

Ҳар як ҳосили ҷамъоваришуда, боғи сарсабз, дастархони пурнеъмат ва иқдоми ободкорона натиҷаи меҳнату масъулиятшиносии инсонҳост. Аз ин рӯ, ҳифзу гиромидошти Меҳргон ва суннатҳои неки он вазифаи ҳар як фарди худогоҳу ватандӯст мебошад. Мо бояд ин мероси гаронбаҳои аҷдодиро ҳифз намуда, арзишҳои онро ба наслҳои оянда расонем ва бо меҳнати софдилона, дониш, масъулиятшиносӣ ва муҳаббат ба Ватан дар ободии Тоҷикистони азиз саҳми арзандаи худро гузорем.

Бо ташаббус ва дастгирии Пешвои миллат муҳтарам Эмомалӣ Раҳмон Меҳргон имрӯз ба яке аз воситаҳои муҳими эҳёи суннатҳои аҷдодӣ, таҳкими худшиносии миллӣ ва гиромидошти меҳнати кишоварзон табдил ёфтааст. Бигзор фарорасии ин ҷашни бостонӣ ба ҳар хонадони тоҷик файзу баракат, саломатӣ, сарбаландӣ, рӯзгори ободу осуда ва ба Тоҷикистони азизамон пешрафту шукуфоии бештар оварад.

Тоҳир ОДИЛОВ, муовини директор оид ба илм ва робитаҳои хориҷии Коллеҷи техникию омӯзгории ноҳияи Рӯдакӣ

 

single-product

2026-10-15 09:53:06

ОМӮЗГОР - ЧАРОҒИ РОҲИ МАЪРИФАТ

Дар зиндагии ҳар инсон чеҳраҳое ҳастанд, ки нақши онҳо бо гузашти солҳо аз хотир намеравад. Шояд инсон номи бисёре аз шахсонеро, ки дар роҳи зиндагӣ бо онҳо вохӯрдааст, фаромӯш кунад, аммо номи омӯзгоре, ки аввалин ҳарф, аввалин калима, аввалин дониш ва шояд аввалин орзуи бузургро ба ӯ омӯхтааст, дар хотирааш ҳамеша боқӣ мемонад. Зеро омӯзгор танҳо дарс намедиҳад, ӯ ба инсон роҳи дидан, андешидан, интихоб кардан ва зиндагӣ карданро меомӯзонад.

Касби омӯзгор аз ҷумлаи касбҳоест, ки натиҷаи меҳнати он на ҳамеша фавран намоён мегардад. Агар табиб натиҷаи кори худро дар беҳбудии бемор, меъморро дар бинои бунёдкардааш ва кишоварзро дар ҳосили бадастомада бинад, омӯзгор натиҷаи заҳмати худро баъзан баъд аз солҳо мебинад.

Шогирде, ки имрӯз дар назди тахтаи синф бо дили пур аз савол меистад, фардо метавонад муҳандис, табиб, омӯзгор, ҳуқуқшинос, барномасоз, соҳибкор, роҳбар ё мутахассиси дигар соҳа гардад. Аммо дар ҳар қадами муваффақияти ӯ осори заҳмати омӯзгоре ҳаст, ки дар оғози ин роҳ истода буд. Аз ҳамин ҷост, ки омӯзгорро танҳо корманди соҳаи таҳсил номидан кофӣ нест. Ӯ созандаи сармояи инсонӣ, тарбиятгари насли нав ва яке аз муҳимтарин омилҳои рушди ҷомеа мебошад.


Баъзан як ҷумла метавонад роҳи зиндагии инсонро дигар кунад. Як сухани рӯҳбаландкунанда метавонад ба кӯдаке, ки худро нотавон меҳисобад, бовар ба қудрати хеш бахшад. Як тавсияи дуруст метавонад ҷавонеро аз иштибоҳ нигоҳ дорад. Як муносибати меҳрубонона метавонад дар дили шогирд эҳсоси эҳтиром ба дониш ва омӯзишро бедор кунад. Аз ин рӯ, ҳар сухани омӯзгор маънои бештар аз як ҷумлаи одиро дорад. Ӯ бо ҳар сухан на танҳо иттилоъ медиҳад, балки муносибат ба зиндагиро низ ташаккул медиҳад.


Омӯзгори ҳақиқӣ медонад, ки дар назди ӯ танҳо дафтари холӣ ё китоби дарсӣ нест. Дар назди ӯ тақдири инсонӣ қарор дорад. Ҳар як таълимгиранда хусусият, қобилият, орзу ва мушкилоти худро дорад. Яке зуд меомӯзад, дигаре ба вақти бештар ниёз дорад; яке дар суханронӣ фаъол аст, дигаре андешаҳои худро дар хомӯшӣ ташаккул медиҳад. Ҳунари омӯзгор дар он аст, ки барои ҳар яке роҳи муносиб ба омӯзишро пайдо кунад.


Ҳар кас метавонад мавзӯъеро аз китоб хонад ва онро ба дигарон нақл кунад, аммо на ҳар кас метавонад омӯзгор бошад. Зеро омӯзгорӣ танҳо касб нест, балки рисолат аст. Касбро метавон бо вазифаҳо муайян кард: омодагӣ ба дарс, гузаронидани машғулият, санҷиши дониш, гузоштани баҳо ва иҷрои дигар уҳдадориҳои хизматӣ. Аммо рисолати омӯзгор аз доираи ин вазифаҳо фаротар меравад.


Рисолати омӯзгор аз он оғоз меёбад, ки ӯ ба рушди шахсияти инсон бовар дорад. Ӯ бояд ба шогирд бовар кунад, ҳатто дар он лаҳзае, ки худи шогирд ба қобилиятҳои худ бовар надорад. Омӯзгор бояд дар дили таълимгиранда эҳсоси «ман метавонам»-ро бедор кунад. Зеро дониш бе боварӣ ба худ метавонад маҳдуд гардад, аммо донише, ки бо ирода, масъулият ва худшиносӣ пайваст мешавад, метавонад ба қувваи созанда табдил ёбад.


Шогирдон на танҳо суханони омӯзгорро мешунаванд, балки рафтори ӯро низ мушоҳида мекунанд. Онҳо тарзи сухан гуфтан, муносибат бо дигарон, муносибат ба меҳнат, масъулиятшиносӣ, эҳтиром ба вақт ва ҳатто муносибати омӯзгор ба хатои худ ва дигаронро мебинанд. Аз ин рӯ, шахсияти омӯзгор худ як китоби дарсӣ аст. Агар омӯзгор ба дониш эҳтиром гузорад, шогирд низ ба дониш эҳтиром пайдо мекунад. Агар ӯ ба меҳнат масъулиятшиносона муносибат кунад, таълимгиранда низ арзиши меҳнатро беҳтар дарк мекунад. Агар ӯ бо мардум бо эҳтиром муносибат намояд, шогирд аз ӯ фарҳанги муошират меомӯзад. Маҳз ҳамин таъсири нонамоён баъзан аз даҳҳо дарси назариявӣ бештар муассир мешавад.


Ҷаҳон дигар мешавад ва бо он талаботи ҷомеа низ тағйир меёбад. Донише, ки чанд сол пеш барои фаъолияти касбӣ кофӣ буд, имрӯз метавонад ба навсозӣ ниёз дошта бошад. Технологияҳои рақамӣ, рушди илм, пайдоиши касбҳои нав ва тағйирёбии талаботи бозори меҳнат аз омӯзгор тақозо мекунанд, ки худ низ пайваста омӯзад. Омӯзгори имрӯз наметавонад бо дониши солҳои донишҷӯӣ маҳдуд шавад. Ӯ бояд китоб хонад, аз таҷрибаи ҳамкасбон истифода барад, технологияҳои навро омӯзад, усулҳои таълимро такмил диҳад ва ба тағйироти ҷомеа ҳассос бошад.

 

Дар асл, омӯзгори хуб ҳамеша шогирд аст - шогирди илму таҷриба ва замон. Вақте омӯзгор худ аз омӯхтан бозмемонад, раванди рушди касбии ӯ низ суст мегардад. Аммо вақте ӯ ҳамеша дар ҷустуҷӯи донишҳои нав аст, дарс низ зинда ва ҷолиб мемонад.


Дар фаъолияти омӯзгорӣ танҳо дониш кофӣ нест. Ба он муҳаббат ба касб низ зарур аст. Омӯзгор ҳар рӯз бо одамони гуногун сарукор дорад. Ӯ бояд сабр кунад, фаҳмад, гӯш диҳад, роҳнамоӣ кунад ва баъзан хатои шогирдро бо таҳаммул ислоҳ намояд. Ин кор неруи маънавии зиёд талаб мекунад. Баъзан омӯзгор ба синф ворид мешавад, дар ҳоле ки худ хаста аст, аммо шогирдонро бо чеҳраи кушода пешвоз мегирад. Ӯ мушкилоти шахсии худро пушти дари синф мегузорад ва тамоми диққаташро ба таълимгирандагон равона мекунад. Ин ҷиҳати кори омӯзгор на ҳамеша дида мешавад, вале маҳз ҳамин меҳнати ҳаррӯза моҳияти касби ӯро нишон медиҳад. Муҳаббат ба касб ба омӯзгор имкон медиҳад, ки ҳатто аз натиҷаи хурди шогирд хурсанд шавад: аз ҷавоби дуруст, аз кӯшиши аввал, аз ғолиб омадан дар озмун, аз пайдо шудани шавқ ба китоб, илм ё касб.


Муносибати солими омӯзгор ва шогирд бар пояи эътимод бунёд мешавад. Шогирд бояд эҳсос кунад, ки омӯзгор душмани ӯ нест, балки шахсест, ки мехоҳад ба ӯ барои пеш рафтан кумак кунад. Ин маънои онро надорад, ки омӯзгор набояд талабот дошта бошад. Баръакс, омӯзгор бояд интизом, масъулият ва иҷрои вазифаҳоро талаб кунад. Аммо талабот вақте самаранок мегардад, ки бо адолат ва эҳтиром ҳамроҳ бошад. Омӯзгор бояд хатои шогирдро ислоҳ кунад, на шахсияти ӯро паст занад. Ӯ бояд барои шогирд имкони дубора кӯшиш карданро фароҳам созад. Зеро мақсади таълим танҳо муайян кардани хатогиҳо нест; мақсад ёфтани роҳи ислоҳи онҳо мебошад.


Ҷомеа ба мутахассисони донишманд ниёз дорад, аммо танҳо донишманд будан кофӣ нест. Мутахассиси хуб бояд меҳнатдӯст, масъулиятшинос, интизомнок ва ба сифати кори худ ҷавобгар бошад. Ин сифатҳо аз муассисаи таълимӣ оғоз меёбанд. Омӯзгор метавонад тавассути муносибати худ ба дарс, вақт, вазифа ва натиҷаи меҳнат ба таълимгиранда фарҳанги меҳнатро омӯзонад. Вақте омӯзгор ба дарс бо омодагии ҷиддӣ меояд, таълимгиранда мефаҳмад, ки ба кор бояд масъулиятнок муносибат кард. Вақте омӯзгор сифати кори шогирдро талаб мекунад, ӯ дар асл фарҳанги касбиро ташаккул медиҳад. Аз ин рӯ, тарбияи меҳнатӣ танҳо дар доираи як мавзӯи таълимӣ сурат намегирад. Он дар ҳар як рӯзи корӣ ва дар ҳар як муносибати омӯзгор бо шогирд шакл мегирад.


Агар ба таърихи рушди ҳар ҷомеа назар кунем, мебинем, ки пешрафти илм, иқтисод, техника, фарҳанг ва дигар соҳаҳо бе таълим ва бе омӯзгор тасаввурнопазиранд. Ҳар як муҳандис омӯзгор доштааст. Ҳар як табиб аз омӯзгор сабақ гирифтааст. Ҳар як олим аз омӯзгор илҳом гирифтааст. Ҳар як мутахассиси соҳибкасб дар оғоз шогирд буд. Аз ин рӯ, омӯзгор ба таври мустақим ё ғайримустақим дар ташаккули ҳамаи соҳаҳои ҷомеа саҳм мегузорад. Ӯ имрӯз мутахассиси фардоро тарбия мекунад. Маҳз ҳамин хусусият касби омӯзгорро аз бисёр касбҳои дигар фарқ мекунад: натиҷаи меҳнати ӯ дар як инсон маҳдуд намемонад. Шогирди тарбиякардаи ӯ метавонад дар навбати худ барои садҳо нафар таъсиргузор шавад.

Ҷомеае, ки ба дониш ва рушди инсон аҳамият медиҳад, наметавонад ба мақоми омӯзгор беэътино бошад. Эҳтироми омӯзгор танҳо эҳтироми як намояндаи касб нест. Ин эҳтиром ба дониш, маърифат ва ояндаи ҷомеа мебошад. Аммо эҳтиром ба омӯзгор танҳо бо суханҳои нек ифода намеёбад. Он бояд бо фароҳам овардани шароити муносиб барои фаъолияти касбӣ, имкониятҳои рушди доимӣ, дастгирии ташаббусҳои эҷодӣ ва эътирофи меҳнати ӯ низ ифода гардад. Дар баробари ин, худи омӯзгор низ бояд ба мақоми касбии худ муносибати масъулиятнок дошта бошад. Мақоми баланд ҳамеша бо масъулияти баланд пайваст аст.

Омӯзгори асри нав дигар танҳо бо тахтаву китоб маҳдуд нест. Имрӯз ӯ метавонад аз захираҳои рақамӣ, китобхонаҳои электронӣ, платформаҳои таълимӣ, маводи мултимедиявӣ ва дигар имкониятҳои технологӣ истифода кунад. Аммо бо вуҷуди тағйироти технологӣ як чиз бетағйир мемонад: инсон ба инсон ниёз дорад. Ҳеҷ технология наметавонад пурра ҷойи сухани самимии омӯзгор, дастгирии ӯ, маслиҳати саривақтӣ ва эътимод ба қобилияти шогирдро бигирад. Технология метавонад донишро дастрас кунад, аммо омӯзгор ба дониш маъно мебахшад. Аз ин рӯ, омӯзгори муосир бояд на рақиби технология, балки роҳнамои истифодаи дурусти он бошад.
Исмоил ОДИЛЗОДА, директори Коллеҷи тиббии шаҳри Бохтар

 

single-product

2026-10-15 09:19:20

ИСТИҚЛОЛИЯТ ВА МАСЪУЛИЯТИ КОЛЛЕҶҲОИ ТИББӢ ДАР ТАРБИЯИ КАДРҲОИ СОҲИБКАСБ

Истиқлоли давлатӣ барои мардуми Тоҷикистон оғози марҳилаи нави таърихӣ ва заминаи устувори рушди тамоми соҳаҳои ҳаёти ҷомеа гардид. Дар ин давра бо роҳбарии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таҳкими давлатдорӣ, рушди иқтисодиву иҷтимоӣ, баланд бардоштани сатҳи зиндагии мардум ва такмили низоми маорифу тандурустӣ тадбирҳои пайваста амалӣ карда шуданд. Имрӯз дастовардҳои соҳаи тандурустӣ ва тайёр намудани кадрҳои миёнаи тиббӣ низ ба ҳамин раванди созандагӣ иртиботи мустақим доранд.

Барои мо - кормандони Коллеҷи тиббии ҷумҳуриявӣ истиқлолият, пеш аз ҳама, масъулияти бузургро дар назди ҷомеа ба миён мегузорад. Зеро сатҳу сифати хизматрасонии тиббӣ аз донишу малака, ҷаҳонбинӣ, маърифати касбӣ ва масъулияти кормандони соҳаи тандурустӣ вобастагии зиёд дорад. Аз ин рӯ, вазифаи асосии муассисаи мо омода намудани мутахассисони соҳибкасб, дорои дониши муосир ва ҳисси баланди масъулияти касбӣ мебошад.
Дар солҳои соҳибистиқлолӣ низоми таҳсилоти тиббӣ дар кишвар марҳила ба марҳила такмил ёфта, барои баланд бардоштани сифати таълим, ҷорӣ намудани усулҳои муосири омӯзиш ва фароҳам овардани шароити муносиб барои донишҷӯён тадбирҳои зарурӣ амалӣ гардиданд. Коллеҷи тиббии ҷумҳуриявӣ низ дар ин раванд бо истифода аз имкониятҳои мавҷуда фаъолияти таълимию тарбиявии худро ба талаботи замони муосир мутобиқ намуда истодааст. Ҳамчун роҳбари муассисаи таълимии соҳаи тиб, ман муҳимтарин самти фаъолияти худро дар таҳкими сифати таълим ва баланд бардоштани масъулияти касбии омӯзгорону донишҷӯён мебинам. Мо кӯшиш менамоем, ки дар баробари додани донишҳои назариявӣ, ба ташаккули малакаҳои амалии донишҷӯён, риояи меъёрҳои ахлоқи касбӣ, муносибати масъулона ба бемор ва эҳтиром ба инсон таваҷҷуҳи ҷиддӣ зоҳир намоем. Табиб ё корманди миёнаи тиббӣ бояд пеш аз ҳама инсонпарвар, масъулиятшинос, босавод ва ба касби худ содиқ бошад.
Дар фаъолияти муассиса масъалаи фароҳам овардани муҳити солими таълимию тарбиявӣ, дастгирии омӯзгорон, баланд бардоштани сатҳи касбии онҳо ва таҳкими робитаи таълим бо амалияи тиббӣ аз самтҳои муҳим ба ҳисоб меравад. Мо талош дорем, ки донишҷӯён дар раванди таҳсил имкониятҳои бештар барои такмили дониш ва малакаҳои касбӣ дошта бошанд. Зеро мутахассиси соҳаи тиб бояд ба талаботи воқеии низоми тандурустӣ ҷавобгӯ бошад.
Истиқлолият барои мо имконияти васеи тарбияи насли ҷавоне мебошад, ки бо дарки арзишҳои миллӣ ва эҳсоси баланди ватандӯстӣ ба хизмати ҷомеа омода бошад. Дар Коллеҷи тиббии ҷумҳуриявӣ ба корҳои тарбиявӣ, маърифати ҳуқуқӣ, эҳтироми арзишҳои миллӣ, фарҳанги муошират ва тарбияи ҳисси масъулияти шаҳрвандии донишҷӯён таваҷҷуҳи доимӣ зоҳир карда мешавад. Мо итминон дорем, ки донишҷӯи имрӯза корманди соҳаи тандурустии фардо буда, бояд бо ҳисси баланди масъулият ба халқу Ватан хизмат намояд.
Дар замони истиқлол имкониятҳои ҷавонон барои таҳсил, интихоби касб ва рушди истеъдоду қобилиятҳои онҳо хеле васеъ гардидааст. Донишҷӯёни муассиса имрӯз метавонанд аз технологияҳои муосири таълимӣ истифода намуда, донишҳои касбии худро такмил диҳанд ва барои фаъолияти мустақилонаи касбӣ омодагӣ бинанд. Вазифаи мо ҳамчун омӯзгор ва роҳбар фароҳам овардани шароитест, ки ин имкониятҳо самаранок истифода шаванд. Саҳми Коллеҷи тиббии ҷумҳуриявӣ дар рушди соҳаи тандурустӣ, пеш аз ҳама, дар омодасозии кадрҳои дорои тахассуси зарурӣ зоҳир мегардад. Ҳар як хатмкунандае, ки муассисаро бо дониши хуб ва малакаи зарурӣ хатм намуда, ба муассисаҳои тиббӣ ба кор меравад, метавонад ҳамчун саҳми мо дар пешрафти низоми тандурустии кишвар арзёбӣ гардад. Аз ин рӯ, мо масъулияти худро дар назди ҷомеа ва давлат амиқ дарк намуда, барои боз ҳам баланд бардоштани сифати таълим пайваста талош менамоем.

Имрӯз, ки Тоҷикистон 35-солагии Истиқлоли давлатии худро таҷлил менамояд, мо бояд ба дастовардҳои даврони соҳибистиқлолӣ бо эҳсоси сипос назар намуда, вазифаҳои минбаъдаи худро равшан муайян кунем. Барои кормандони Коллеҷи тиббии ҷумҳуриявӣ ин вазифа пеш аз ҳама тарбияи мутахассисони ҷавони соҳибмаърифат, касбдон ва инсонпарвар, баланд бардоштани сифати таълим ва саҳм гузоштан дар рушди соҳаи тандурустии кишвар мебошад. Истиқлолият барои ҳар яки мо масъулияти созандагӣ ва хизмат ба Ватанро бештар мекунад. Мо, омӯзгорон ва кормандони Коллеҷи тиббии ҷумҳуриявӣ, минбаъд низ тамоми неру ва таҷрибаи худро барои таълиму тарбияи мутахассисони ҷавон, рушди муассиса ва дар маҷмуъ, пешрафти соҳаи тандурустии Тоҷикистони соҳибистиқлол равона хоҳем кард.
 
Умед ҶАББОРЗОДА,
директори Коллеҷи тиббии ҷумҳуриявӣ

single-product

2026-10-15 09:16:26

МУЛОҚОТ БО ПРЕЗИДЕНТИ ҶУМҲУРИИ ОЗАРБОЙҶОН ИЛҲОМ АЛИЕВ

​14 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Боку дар ҳошияи Ҳамоиши ҳафтуми Машварати ҳамкорӣ ва тадбирҳои боварӣ дар Осиё бо Президенти Ҷумҳурии Озарбойҷон муҳтарам Илҳом Алиев мулоқот намуданд.

​Сарвари давлати мо муҳтарам Эмомалӣ Раҳмон ба роҳбари кишвари мизбон барои даъват ва меҳмоннавозии самимӣ изҳори сипос намуданд.

​Зимни суҳбат масоили таҳкими дӯстӣ ва густариши ҳамкории гуногунҷанбаи ду кишвар баррасӣ шуд.

​Тақвияти ҳамкорӣ дар ҷаҳорчуби созмонҳои минтақавию байналмилалӣ низ аз мавзӯъҳои муҳими суҳбат буд.

 

МАКТУБИ ИТТИЛООТӢ

2026-08-11 10:13:09


МАКТУБИ ИТТИЛООТӢ

оид ба баргузории Конференсияи ҷумҳуриявии илмӣ-назариявӣ дар мавзӯи «35 соли Истиқлоли давлатии Ҷумҳурии Тоҷикистон: Нақши Пешвои миллат дар таҳкими давлатдорӣ, рушди устувор ва ояндаи миллӣ»

Бо ташаббуси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бахшида ба 35-солагии Истиқлолияти давлатии Ҷумҳурии Тоҷикистон моҳи сентябри соли 2026 Конференсияи ҷумҳуриявии илмӣ-назариявӣ таҳти унвони «35 соли Истиқлоли давлатии Ҷумҳурии Тоҷикистон: Нақши Пешвои миллат дар таҳкими давлатдорӣ, рушди устувор ва ояндаи миллӣ» баргузор мегардад.


Ҳадафи конференсия таҳлили илмии дастовардҳои даврони истиқлол, омӯзиши таҷрибаи давлатсозӣ, баррасии нақши Пешвои миллат дар таҳкими давлатдорӣ, рушди устувори иқтисодиву иҷтимоӣ, рушди таҳсилоти ибтидоӣ ва миёнаи касбӣ, инчунин муайян намудани дурнамои рушди миллӣ мебошад.


Ба иштирок дар конференсия омӯзгорон, олимон, муҳаққиқон, докторантон, унвонҷӯён, магистрантон, кормандони муассисаҳои таҳсилоти ибтидоӣ ва миёнаи касбӣ ва дигар муҳаққиқони соҳа даъват карда мешаванд.


Самтҳои асосии конференсия:

  • 35 соли Истиқлоли давлатии Ҷумҳурии Тоҷикистон: дастовардҳо ва дурнамои рушди давлатдорӣ;
  • Нақши Пешвои миллат дар таҳкими истиқлол, сулҳу ваҳдати миллӣ ва давлатсозии навини тоҷикон;
  • Истиқлол ва рушди устувори иқтисодӣ, иҷтимоӣ ва фарҳангии Тоҷикистон;
  • Рушди таҳсилоти ибтидоӣ ва миёнаи касбӣ дар даврони истиқлол;
  • Рақамикунонӣ, инноватсия ва омодасозии мутахассисони рақобатпазир;
  • Тарбияи ватандӯстӣ, худшиносии миллӣ ва таҳкими арзишҳои миллӣ дар низоми таҳсилоти касбӣ;
  • Масъалаҳои мубрами педагогика, методикаи таълим ва технологияҳои муосири омӯзиш;
  • Таҷрибаи муассисаҳои таҳсилоти ибтидоӣ ва миёнаи касбӣ дар татбиқи сиёсати давлатӣ.


Талабот ба мақолаҳои илмӣ:

Ба конференсия мақолаҳои илмии аслӣ, ки қаблан дар дигар нашрияҳо ба табъ нарасидаанд ва ба мавзуъҳои конференсия мувофиқ мебошанд, қабул карда мешаванд. Мақола бояд дорои сохтори илмии зерин бошад:


  • унвони мақола;
  • ному насаби муаллиф(он);
  • дараҷаи илмӣ, унвони илмӣ ва вазифа (агар мавҷуд бошад);
  • номи муассиса;
  • матни асосии мақола (муқаддима, таҳлил, натиҷа ва хулоса);
  • рӯйхати адабиёти истифодашуда.
  • ҳаҷми мақола: аз 5 то 10 саҳифа.


Талаботи техникӣ:

  • ҳуруф – Times New Roman;
  • андозаи ҳуруф – 14;
  • фосилаи байни сатрҳо – 1,5;
  • ҳошияҳо – 2 см аз ҳамаи тарафҳо;
  • абзатс – 1,25 см;
  • рақамгузории саҳифаҳо – дар поёни саҳифа.


Мақола бояд муаллифӣ бошад ва бо истифода аз зеҳни сунъӣ навишта нашуда бошад. Иқтибосҳо ва истинодҳо бояд тибқи меъёрҳои қабулшудаи илмӣ оварда шаванд. Муаллифон барои саҳеҳии маълумот, далелҳо, омор, иқтибосҳо ва риояи меъёрҳои ахлоқи илмӣ масъул мебошанд.


Мақолаҳо аз ҷониби ҳайати таҳририя ва комиссияи илмии конференсия мавриди баррасӣ қарор гирифта, танҳо мақолаҳои ба талаботи илмӣ ҷавобгӯ барои нашр тавсия дода мешаванд. Маводи қабулшуда пеш аз баргузории конференсия дар шакли маҷмӯаи илмии маводи конференсия ба табъ расонида шуда, ба иштирокчиён ва муаллифон дастрас карда мешавад.


Муҳлати қабули мақолаҳо: то 20 августи соли 2026.
Мақолаҳо ба суроғаи зерин ирсол карда шаванд:
Суроға: шаҳри Душанбе, ноҳияи Сино, кӯчаи Нусратулло Махсум 77/5, идораи рӯзномаи «Ҷаҳони ҳунар»
E-mail: jahonihunar2024@gmail.com
Телефонҳо: 2-35-73-30; 881-88-80-41; 200-12-73-73

КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБИИ НАЗДИ ҲУКУМАТИ ҶУМҲУРИИ ТОҶИКИСТОН БАРОИ ИШҒОЛИ МАНСАБҲОИ ХОЛИИ МАЪМУРИИ ХИЗМАТИ ДАВЛАТӢ ОЗМУН ЭЪЛОН МЕНАМОЯД:

2025-11-27 11:48:43

 

1.       Сармутахассиси шуъбаи банақшагирии молиявии Раёсати молия, банақшагирӣ ва муҳосибот – 1 ҷой, маоши мансабӣ 2641, 00 сомонӣ.

2.       Мутахассиси пешбари шуъбаи банақшагирии молиявии Раёсати молия, банақшагирӣ ва муҳосибот – 1 ҷой, маоши мансабӣ 2154, 50 сомонӣ.

3.       Мутахассиси пешбари шуъбаи баҳисобгирии муҳосибавии Раёсати молия, банақшагирӣ ва муҳосибот – 1 ҷой, маоши мансабӣ 2154, 50 сомонӣ.

4.       Мутахассиси шуъбаи банақшагирии молиявии Раёсати молия, банақшагирӣ ва муҳосибот – 1 ҷой, маоши мансабӣ 1779, 20 сомонӣ.

5.       Мутахассиси шуъбаи баҳисобгирии муҳосибавии Раёсати молия, банақшагирӣ ва муҳосибот – 1 ҷой, маоши мансабӣ 1779, 20 сомонӣ.

6.       Сармутахассиси шуъбаи ҳуқуқ, коргузорӣ ва назорат – 1 ҷой, маоши мансабӣ 2204, 00 сомонӣ.

7.       Мутахассиси пешбари шуъбаи кадрҳо, котибот ва корҳои махсус – 1 ҷой, маоши мансабӣ 2154, 50 сомонӣ.   

8.       Мутахассиси пешбари Раёсати таҳсилоти миёнаи касбӣ – 1 ҷой, маоши мансабӣ 2154, 50 сомонӣ.

9.       Мутахассиси Раёсати таҳсилоти ибтидоии касбӣ – 1 ҷой, маоши мансабӣ 1779, 20 сомонӣ.

10.   Мутахассиси шуъбаи муносибатҳои байналмилалӣ ва робита бо ҷомеа – 1 ҷой, маоши мансабӣ 1779, 20 сомонӣ.

 

Барои иштирок дар озмун ҳуҷҷатҳои зерин пешниҳод карда мешаванд:

- ариза ба унвони роҳбари мақомоти давлатӣ;

- варақаи шахсии баҳисобгирии кадрҳо;

- тарҷумаи ҳол;

- нусхаи шиноснома;

- нусхаи ҳуҷҷатҳо дар бораи таҳсилот (диплом);

- 6 дона расм (4 дона андозаи 3х4 ва 2 дона андозаи 4х6);

- нусхаи дафтарчаи меҳнатӣ (барои онҳое, ки фаъолият мекунанд);

- маълумотнома оид ба вазъи саломатӣ дар шакли 038;

- маълумотнома оид ба надоштани доғи судӣ;

- маълумот дар бораи даромад ва вазъи молу мулк (Эъломия);

- нусхаи гувоҳномаи рақами мушаххаси андозсупоранда (РМА);

- нусхаи гувоҳномаи суғуртаи иҷтимоӣ (СИН);

- нусхаи билети ҳарбӣ (барои шахсоне, ки хизмати ҳарбиро адо намудаанд).  

 

 

Талаботи тахассусӣ

Барои ишғоли мансаби сармутахассис:

–        таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

–  2 сол собиқаи хизмати давлатӣ ё 3 сол собиқаи умумии меҳнатӣ;

–        малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

–        донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

–        донистани таърих, фарҳанг, муқаддасоти миллӣ, забони давлатӣ ва як забони хориҷӣ;

–        кор карда тавонистан бо компютер.

 

Талаботи тахассусӣ

Барои ишғоли мансаби мутахассиси пешбар:

–        таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

–  1 сол собиқаи хизмати давлатӣ ё 2 сол собиқаи умумии меҳнатӣ;

–        малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

–        донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

–        донистани таърих, фарҳанг, муқаддасоти миллӣ, забони давлатӣ ва як забони хориҷӣ;

–        кор карда тавонистан бо компютер.

 

Талаботи тахассусӣ

Барои ишғоли мансаби мутахассис:

–        таҳсилоти олӣ ё миёнаи касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

–        1 сол собиқаи умумии меҳнатӣ;

–        малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

–        донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

–        донистани таърих, фарҳанг, муқаддасоти миллӣ, забони давлатӣ ва як забони хориҷӣ;

–        кор карда тавонистан бо компютер.

 

Суроғаи қабули ҳуҷҷатҳо:

 

Ҳуҷҷатҳо аз ҷониби Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар муҳлати 21 рӯз баъди чопи аввалини эълон дар шакли хаттӣ ё электронӣ қабул карда мешаванд.

Суроға: шаҳри Душанбе, кӯчаи Варзишгарон 6, телефон: 250-37-02; 902-77-66-22, суроғаи электронӣ: kadr-07@bk.ru

Эзоҳ: Иловапулӣ ба маоши мансабӣ барои собиқаи хизмати давлатӣ ҳар моҳ ба андозаи муқарраргардида пардохт карда мешавад. Ҳамчунин, барои ба кор қабул намудан ба менеҷерҳои сатҳи баланд бартарӣ дода мешавад.

Запрос на выражение заинтересованности

2025-08-12 08:52:23

Комитет по начальному и среднему профессиональному образованию 

при Правительстве Республики Таджикистан

Проект техническое профессиональное образование и обучение в 

горных регионах Республики Таджикистан

Запрос на выражение заинтересованности


Правительство Республики Таджикистан получило финансирование от Исламского банка развития (ИБР) в счёт стоимости Проекта «Техническое и профессиональное образование и обучение в горных регионах Республики Таджикистан» (TJK1035) и намерено направить часть средств на оплату предусмотренных выплат на закупку товаров, работ и услуг в рамках Проекта. 

В частности, в рамках Проекта будет финансироваться закупка мебели, компьютерной и офисной техники, оборудование для видеонаблюдения, обеспечение безопасности и полиграфических продукций.

Заинтересованные поставщики товаров, компании желающие участвовать в закупках вышеуказанных товаров, которые осуществляются по процедуре закупка в свободной торговле (шопинг) могут представить свое выражение заинтересованности, содержащее информацию относительно соответствующего опыта до 18 августа 2025 года, по нижеследующему адресу:

Группа реализации проекта 

«Техническое профессиональное образование и обучение в горных регионах

Республики Таджикистан»

734025 Республика Таджикистан

г. Душанбе, улица Борбад 42

Электронная почта: tvetpmrisvec@gmail.com

ИШҚОЛИ МАНСАБҲОИ ХОЛИИ МАЪМУРИИ ХИЗМАТИ ДАВЛАТӢ

2025-07-29 20:25:22

КУМИТА ОИД БА ТАҲСИЛОТИ ИБТИДОӢ ВА МИЁНАИ КАСБИИ НАЗДИ ҲУКУМАТИ ҶУМҲУРИИ ТОҶИКИСТОН БАРОИ ИШҚОЛИ МАНСАБҲОИ ХОЛИИ МАЪМУРИИ ХИЗМАТИ ДАВЛАТӢ ОЗМУН ЭЪЛОН МЕНАМОЯД:

1.      Сардори шуъбаи банақшагирии молиявии Раёсати молия, банақшагирӣ ва муҳосибот – 1 ҷой, маоши мансабӣ 2967, 80 сомонӣ.

2.      Сармутахассиси раёсати таҳсилоти ибтидоии касбӣ – 1 ҷой, маоши мансабӣ 2204, 00 сомонӣ.

3.      Сармутахассиси шуъбаи ҳуқуқ, коргузорӣ ва назорат – 1 ҷой, маоши мансабӣ 2204, 00 сомонӣ.

4.      Мутахассиси пешбари шуъбаи ҳуқуқ, коргузорӣ ва назорат – 1 ҷой, маоши мансабӣ 1768, 00 сомонӣ.

5.      Мутахассиси пешбари раёсати таҳсилоти ибтидоии касбӣ – 1 ҷой, маоши мансабӣ 1768, 00 сомонӣ.

6.      Мутахассиси пешбари раёсати таҳсилоти миёнаи касбӣ – 1 ҷой, маоши мансабӣ 1768, 00 сомонӣ.

7.      Мутахассиси шуъбаи банақшагирии молиявии Раёсати молия, банақшагирӣ ва муҳосибот – 1 ҷой, маоши мансабӣ 1484, 80 сомонӣ.

8.      Мутахассиси шуъбаи баҳисобгирии муҳосибавии Раёсати молия, банақшагирӣ ва муҳосибот – 1 ҷой, маоши мансабӣ 1484, 80 сомонӣ

Барои иштирок дар озмун ҳуҷҷатҳои зерин пешниҳод карда мешаванд:

- ариза ба унвони роҳбари мақомоти давлатӣ;

- варақаи шахсии баҳисобгирии кадрҳо

- 6 дона расм (3 дона андозаи 3х4 ва 3 дона андозаи 4х6);

- тарҷумаи ҳол;

- нусхаи ҳуҷҷатҳо дар бораи таҳсилот (диплом);

- нусхаи дафтарчаи меҳнатӣ;

- маълумотнома оид ба вазъи саломатӣ дар шакли 038;

- маълумотнома аз ВКД (оиди доштан ё надоштани доқи судӣ)

- нусхаи гувоҳномаи рақами мушаххаси андозсупоранда (РМА);

- маълумот дар бораи даромад ва вазъи молу мулк (Эъломия);

- нусхаи шиноснома;

- нусхаи СИН;

-нусхаи билети ҳарбӣ (барои шахсоне, ки хизмати ҳарбиро адо намудаанд).

Талаботи тахассусӣ

барои ишқоли мансаби сардори шуъба:

– таҳсилоти олии касбӣ, ихтисоси ба мансаби ишқолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

– 5 сол собиқаи хизмати давлатӣ ё 6 сол собиқаи умумии меҳнатӣ;

– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

– донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

– донистани таърих, фарҳанг, муқаддасоти миллӣ, забони давлатӣ, як забони хориҷӣ;

– кор карда тавонистан бо компютер.

Талаботи тахассусӣ

барои ишқоли мансаби сармутахассис:

– таҳсилоти олии касбӣ, ихтисоси ба мансаби ишқолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

– 3 сол собиқаи хизмати давлатӣ ё 4 сол собиқаи умумии меҳнатӣ;

– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

– донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

– донистани таърих, фарҳанг, муқаддасоти миллӣ, забони давлатӣ, як забони хориҷӣ;

– кор карда тавонистан бо компютер.

Талаботи тахассусӣ

барои ишқоли мансаби мутахассиси пешбар:

– таҳсилоти олии касбӣ, ихтисоси ба мансаби ишқолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

– 1 сол собиқаи хизмати давлатӣ ё 2 сол собиқаи умумии меҳнатӣ;

– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

– донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

– донистани таърих, фарҳанг, муқаддасоти миллӣ, забони давлатӣ, як забони хориҷӣ;

– кор карда тавонистан бо компютер.

Талаботи тахассусӣ

Барои ишқоли мансаби мутахассис:

– таҳсилоти олӣ ё миёнаи касбӣ, ихтисоси ба мансаби ишқолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

– 1 сол собиқаи умумии меҳнатӣ;

– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

– донистани Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ;

– донистани таърих, фарҳанг, муқаддасоти миллӣ, забони давлатӣ, як забони хориҷӣ;

– кор карда тавонистан бо компютер.

Суроқаи қабули ҳуҷҷатҳо:

Ҳуҷҷатҳо аз ҷониби Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар муҳлати 21 рўз баъди чопи аввалини эълон дар шакли хаттӣ ё электронӣ қабул карда мешаванд. Суроға: шаҳри Душанбе, кўчаи Варзишгарон 6, телефон: 250-37-02; 902-77-66-22, суроқаи электронӣ: kadr-07@bk.ru

ЭЗОҲ: ИЛОВАПУЛӢ БА МАОШИ МАНСАБӢ БАРОИ СОБИҚАИ ХИЗМАТИ ДАВЛАТӢ ҲАР МОҲ БА АНДОЗАИ МУҚАРРАРГАРДИДА ПАРДОХТ КАРДА МЕШАВАД.

Саволномаҳои тавсиявӣ барои Озмуни ҷумҳуриявии «Донандаи беҳтарини асарҳои Пешвои миллат»

2025-05-19 16:27:42

Замимаи 4

ба Низомномаи Озмуни Ҷумҳуриявии «Донандаи беҳтарини асарҳои Пешвои миллат» байни донишҷўёни муассисаҳои таҳсилоти миёна ва олии касбӣ дар с. 2025

Саволномаҳои тавсиявӣ барои Озмуни Ҷумҳуриявии «Донандаи беҳтарини асарҳои Пешвои миллат»

 

1. Пешвои миллат Эмомалӣ Раҳмон барои кадом хизматҳои шоён ба унвони олии Қаҳрамони Тоҷикистон мушарраф гардидаанд?

2. Барои чӣ Президенти Ҷумҳурии Тоҷикистон муҳтарам Эмомалӣ Раҳмон китоби «Тоҷикон»-и Бобоҷон Ғафуровро «Шиносномаи миллат» номиданд?

3. Эмомалӣ Раҳмон фаъолияти меҳнатии худро кай ва дар куљо оғоз намудаанд?

4. Касби нахустини Эмомалӣ Раҳмон чӣ буд ва он кас кадом муассисаи касбиро хатм намудаанд?

5. Пешвои миллат Эмомалӣ Раҳмон ба корҳои ҳизбию давлатӣ аз кадом сол ҷалб гардиданд ва дар кадом вазифаҳои масъули ҳизбию давлатӣ кор карданд?

6. Сабабҳои асосии рў овардани Пешвои миллат  Эмомалӣ Раҳмон ба таҳқиқу омўзиши таърихи халқи тоҷик кадомҳоянд?

7. Китоби «Чеҳраҳои мондагор»-и Пешвои миллат Эмомалӣ Раҳмон кай аз чоп баромад ва чанд фаслу чанд бобро дар бар мегирад?

8. Теъдоди умумии асару мақолаҳои Пешвои миллат Эмомалӣ Раҳмон чанд ададро ташкил медиҳад?

9. Кадом китоби Пешвои миллат Эмомалӣ Раҳмон се маротиба пайдарпай дар шаҳри Москва нашр шуд ва сохтори он чӣ гуна аст?

10. «Тоҷикон дар оинаи таърих»-и Пешвои миллат Эмомалӣ Раҳмон бо кадом забонҳо ва дар куҷо чоп шудааст?

11. Масъалаи ориёиҳо ва тамаддуни ориёӣ дар кадом китоби Пешвои миллат, муҳтарам Эмомалӣ Раҳмон ба таври муфассал шарҳ ёфтааст?

12. Президенти Ҷумҳурии Тоҷикистон, муҳтарам Эмомалӣ Раҳмон кай дар баромади худ доир ба нашри туҳфавии «Тоҷикон» ва арҷгузорӣ ба асолати он пешниҳод манзур намуданд?

13. Эмомалӣ Раҳмон кадом солҳо Раиси Шурои Олии Ҷумҳурии Тоҷикистон буданд ва дар ин солҳо чӣ корҳои мондагоре ба анҷом расониданд?

14. Дар таълифи «Чеҳраҳои мондагор» аз кадом сарчашмаҳои таърихӣ аз осори кадом забонҳои куҳна истифода шудааст?

15. Дар бораи Қаҳрамони Тоҷикистон, Пешвои миллат Эмомалӣ Раҳмон кадом китобҳо навишта шудаанд?

16. Теъдоди умумии маъхазҳ адабиёти илмӣ ва китобҳои истифоданамудаи Пешвои миллат Эмомалӣ Раҳмон дар рафти таълифи «Тоҷикон дар оинаи таърих» чӣ қадар аст?

17. Президенти Ҷумҳурии Тоҷикистон муҳтарам Эмомалӣ Раҳмон дар кадом китоби худ Бобољон Ѓафуровро «Олими тавоно ва арбоби барҷастаи сиёсиву давлатӣ» номидаанд?

18. Барои чӣ ва дар кадом асар Президенти Ҷумҳурии Тоҷикистон муҳтарам Эмомалӣ Раҳмон Спитаменро «Парчамбардори ҷодаи озодиву истиқлол» номидаанд?

19. Вожаи дарӣ аз нигоҳи Пешвои миллат дар асари  «Забони миллат - ҳастии миллат» чӣ гуна шарҳ ёфтааст?

20. Пешвои миллат истилоҳи «форс» - ро дар  асари  «Забони миллат - ҳастии миллат» чӣ гуна шарҳ додаанд?

21. Пешвои миллат кадом байти Манучеҳриро дар баёни истилоҳи порсӣ  истифода намудаанд?  

22. Истилои араб ва оқибатҳ,ои он барои забон ва фарњанги мардуми Эронизаминро Пешвои миллат чӣ гуна тасвир намудаанд?  

23. Назари Пешвои миллат доир ба «Куҳантарин намунаҳои хатии забони тољикӣ»-ро кўтоҳ нақл кунед. 

24. Нахустин осори хатии назму насри тоҷикӣ дар навишти Пешвои миллат кадом аст?

25. Аввалин намунаи шеърӣ дар асари «Забони миллат – ҳастии миллат»- и Пешвои миллат кадом аст?

26. Ақидаи Пешвои миллат оид ба замина ва омилҳои ташаккули забони адабӣ чӣ тавр баён ёфтааст?

27. Тавзеҳи «Синдбоднома» аз нигоҳи Пешвои миллат чӣ гуна аст?

28. Забони илм ва ташаккули истилоҳот дар шарҳи Пешвои миллатро тасвир намоед.

29. Сарвари давлат Эмомалӣ Раҳмон дар раванди баргардонидани гурезаҳо чӣ нақш доранд?

30. Президенти Ҷумҳурии Тоҷикистон дар барқарор намудани сулҳ ва ризоияти миллӣ дар Тоҷикистон чӣ нақш доранд?

31. Дар кадом асарњои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон воқеоти сиёсии солњои 90-уми асри XX дар ҷумҳурӣ инъикос ёфтаанд?

32. Вазъи сиёсии Тољикистон дар Паёми аввалини Президенти Ҷумҳурии Тољикистон чӣ гуна инъикос ёфтааст?

33. Асоси сиёсати хориљии Ҷумҳурии Тоҷикистон дар кадом асарҳои Президенти Ҷумҳурии Тоҷикистон Эмомалӣ Раҳмон инъикос ёфтааст?

34. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кадом давлатҳо сафарҳои расмӣ анҷом додаанд.

35. Пешвои миллат нақши Иҷлосияи 16-уми Шурои Олии Ҷумҳурии Тоҷикистонро дар бунёди давлатдории навини тоҷикон чӣ гуна арзёбӣ намудаанд?

36. Нақши Сарвари давлатро дар музокироти байни тоҷикон чӣ гуна тасвир менамоед?

37. Рисолати Вањдати миллӣ аз ҷониби Пешвои миллат чӣ гуна арзёбӣ гардидааст?

38. Ҳадафҳои стратегии Ҳукумати Ҷумҳурии Тоҷикистонро номбар намоед ва шарҳ диҳед?

39. Асосгузори сиёсати хориҷии Ҷумҳурии Тоҷикистон кист ва дастовардҳои асосии кишвар дар ин самт кадомҳоянд?

40. Пешвои миллат авлавиятњои сиёсати хориҷии Ҷумҳурии Тоҷикистонро кай ва чӣ гуна муайян карданд?

41. Пешвои миллат зарурати пойдор нигоҳ доштани равобити Ҷумҳурии Тоҷикистонро бо кишварҳои узви Иттиҳоди Давлатҳои Мустақил (ИДМ) дар чӣ мебинанд?

42. Бартариятҳои ҳамкориҳои Тоҷикистонро бо Федератсияи Россия Пешвои миллат дар кадом асарашон инъикос кардаанд?

43. Сарвари давлат равобити Тоҷикистонро бо кишварҳои Осиёи Марказӣ чӣ гуна арзёбӣ намудаанд?

44. Пешвои миллат ҳамкориҳои Тоҷикистонро бо Созмонҳои бонуфузи байналхалқӣ ва минтақавӣ чӣ гуна баҳо додаанд?

45. Ҳамкории Тоҷикистон бо ташкилоти махсуси Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) дар чӣ таҷассум меёбад ва аз ҷониби Пешвои миллат чӣ гуна арзёбӣ шудааст?

46. Сарвари давлат ҳамкориҳои Тоҷикистонро бо кишварҳои тоҷикзабони дунё чӣ гуна арзёбӣ намудаанд?

47. Нақши Сарвари давлатро дар рушду нумуи соҳаи фарҳанг чӣ гуна арзёбӣ мекунед?

48. Пешвои миллат соҳаи маориф ва илмро чӣ гуна баҳогузорӣ мекунанд?

49. Ташаббусҳои сатҳи байналмилалии Ҷумҳурии Тоҷикистонро, ки бо ибтикори Пешвои миллат сурат гирифтаанд, номбар намоед?

50. Пешвои миллат кадом солро Соли тамаддуни ориёӣ эълон  карданд ва барои чӣ?

51. Китоби “Бунёди давлатдории навин” кадом сол, дар куҷо нашр шудааст ва муҳтавои он аз чӣ иборат аст?

52. Бо ибтикори Пешвои миллат кадом ҷашнҳои миллии тоҷикон дар замони истиқлол аз нав эҳё шуданд?

53. Саҳми Пешвои миллатро дар ба феҳристи фарҳанги ҷаҳонии ЮНЕСКО ворид гардидани  ёдгорињои таърихӣ - фарҳангии халқи тоҷик чӣ гуна арзёбӣ мекунед?

54. Қонуни Ҷумҳурии Тоҷикистон “Дар бораи Президенти Ҷумҳурии Тоҷикистон” кай қабул шуд ва аз чанд модда иборат аст.

55. Таърихи Давлати Сомониён дар кадом асар ва мақолаҳои Пешвои миллат инъикос ёфтааст?

56. Пешвои миллат Истиқлоли давлатии Ҷумҳурии Тоҷикистонро дар кадом асар ва чӣ гуна баҳогузорӣ кардаанд?

57. Аҳаммияти таърихии Ваҳдати миллии тоҷикон аз нигоҳи Пешвои миллат дар чи зоҳир меёбад.

58. Таҳқиқи таърихи ҷанги шаҳрвандии солҳои 1992-1997 дар кадом асару мақолаҳо ва суханрониҳои Пешвои миллат амалӣ гардидааст?

59. Фаъолияти Комиссияи оштии миллӣ аз нигоҳи Пешвои миллат чӣ гуна бањогузорӣ шудааст?

60. Андешаҳои Сарвари давлат дар мавриди сабабу оқибатҳои ҷанги шаҳрвандиро чӣ гуна баён менамоед?

61. Сиёсати хориҷии Ҷумҳурии Тоҷикистон дар Паёми навбатии (с. 2023) Пешвои миллат чӣ гуна тасвир шудааст?

62. Пешвои миллат бо кадом мукофотҳои давлатҳои хориҷӣ сарфароз гардидаанд?

63. Асари “Тоҷикон дар оинаи таърих. Аз Ориён то Сомониён”-и Пешвои миллат ба кадом забонҳои хориҷӣ тарљума шудааст?

64. Доир ба китоби якуми “Тољикон дар оинаи таърих. Аз Ориён то Сомониён”-и Пешвои миллат чӣ маълумот дода метавонед.

65. Китоби дуюми “Тоҷикон дар оинаи таърих. Аз Ориён то Сомониён”-и Пешвои миллат кадом давраи таърихиро дар бар мегирад?

66. Пешвои миллат кадом китобро “нахустин қомусномаи ниёгон” номидаанд?

67. Пешвои миллат  дар фасли њаштуми китоби якуми “Тоҷикон дар оинаи таърих” – “Ҷоми Ҷамшед ва тафсири муаммои се замон” кадом давраҳои таърихиро тасвир намудаанд?

68. Китоби сеюми “Тоҷикон дар оинаи таърих. Аз Ориён то Сомониён”-и Пешвои миллат кадом давраи таърихиро дар бар мегирад?

69. Пешвои миллат дар кадом китоб доир ба давлатҳои Сосониёну Ҳайтолиён ва растохези вопасини тамаддуни ориёӣ маълумот додаанд?

70. Наќши таърихии давлати Саффориён дар эҳёи давлатдорӣ ва фарҳанги миллии тоҷикон дар кадом китоби Пешвои миллат арзёбӣ гардидааст?

71. Давлатдории кадом хонадонро Пешвои миллат дар таърих оғози воқеии давлатдории миллӣ ва истиқлоли тоҷикон номидаанд?

72. Пешвои миллат нақши давлатҳои Тоҷириёну Саффориёнро дар эҳёи забону фарҳанг ва суннатҳои миллӣ чӣ гуна арзёбӣ намудаанд?

73. “Феҳристномаи таърихнигорӣ оид ба фаъолияти Президенти Тоҷикистон Эмомалӣ Раҳмон” кадом сол ва дар кадом нашриёт ба нашр расида буд?

74. Пешвои миллат Эмомалӣ Раҳмон кадом сол вакили мардумии Шурои Олии Ҷумҳурии Тоҷикистон интихоб шуданд?

75. Президенти кишвар, муҳтарам Эмомалӣ Раҳмон кадом солҳо ва дар кадом намуди Қувваҳои Мусаллаҳи Иттиҳоди Шуравӣ хизмати ҳарбиро адо намудаанд?

76. Пешвои миллат Эмомалӣ Раҳмон кадом сол маротибаи дуюм Президенти Ҷумҳурии Тоҷикистон интихоб шуданд?

77. Пешвои миллат Эмомалӣ Раҳмон кадом сол Раиси Кумитаи Иҷроияи Шурои намояндагони халқи вилояти Кӯлоб интихоб гардиданд?

78. Китоби “Президенти мо (Нақши Президенти мамлакат дар таҳкими ҳокимияти давлатӣ ва истиқлолияти миллӣ дар солҳои 1992-2006)” кадом сол ва дар куҷо, бо чанд забон нашр шудааст?

79. Китоб-албоми “Президенти мо” кадом сол ва дар куҷо нашр шудааст?

80. Асари “Президент Рахмонов: человек и политик” кадом сол ва дар куҷо нашр шудааст?

81. Китоби Пешвои миллат “Тоҷикистон дар остонаи фардо” кадом сол навишта шудааст ва муҳтавои асосии он аз чӣ иборат аст?

82. Китоби “Ҷавонон ояндаи миллат” –ро Президенти кишвар кадом сол ба нашр расониданд? Муҳтавои асосии онро нақл намоед.

83. Асари сеҷилдаи Пешвои миллат “Тоҷикистон: даҳ соли истиқлолият, ваҳдати миллӣ ва бунёдкорӣ” кадом сол ба нашр расид?

84. Асари Пешвои миллат “Истиқлолияти Тоҷикистон ва эҳёи миллат” аз чанд ҷилд иборат аст?

85. Асари Пешвои миллат “Мероси Имоми Аъзам ва гуфтугӯи тамаддунҳо” кадом сол нашр шуд?

86. Китоби Пешвои миллат “Таджикистан на пороге ХХ1 века” кадом сол ба нашр расидааст?

87. Китоби Пешвои миллат “Арийцы и познание арийской цивилизации” кадом сол чоп шудааст?

88. Китоби Пешвои миллат “Уфуқҳои истиқлол” кадом сол ва дар кадом нашриёт ба табъ расидааст?

89. Китоби Пешвои миллат “Уфуқҳои истиқлол” аз  чанд боб иборат аст?

90. Китоби Пешвои миллат “Уфуқҳои истиқлол” аз нигоҳи хронологӣ кадом солҳоро дар бар мегирад?

91. Муҳтавои асосии китоби Пешвои миллат “Уфуқҳои истиқлол”-ро баён намоед?

92. Боби якуми китоби Пешвои миллат “Уфуқҳои истиқлол” аз чанд боб иборат аст?

93. Бо мақсади сулҳу оштӣ ва ҳамдигарбахшӣ бо ташаббуси Пешвои миллат дар Тоҷикистон кадом қонунҳо қабул карда шуданд?

94. Муҳтавои асосии боби дуюми китоби Пешвои миллат “Уфуқҳои истиқлол”-ро баён намоед.

95. Муҳтавои асосии боби сеюми китоби Пешвои миллат “Уфуқҳои истиқлол”-ро баён намоед.

96. Муҳтавои асосии боби чоруми китоби Пешвои миллат “Уфуқҳои истиқлол”-ро баён намоед.

97. Муҳтавои асосии боби панҷуми китоби Пешвои миллат “Уфуқҳои истиқлол”-ро баён намоед.

98. Чаҳор дастоварди муҳимме, ки Пешвои миллат дар китоби “Уфуқҳои истиқлол” қайд кардаанд, кадомҳоянд?

99. Пешвои миллат афзалияти стратегии Тоҷикистонро дар китоби “Уфуқҳои истиқлол”чї гуна баён намудаанд?

100. Пешвои миллат кадом сол бо Ҷоизаи байналмилалии ба номи Пётри Кабир мукофотонида шуданд?

101. Пешвои миллат аҳаммияти шомил шудани Тоҷикистонро ба Созмони Умумиҷаҳонии Савдо дар китоби “Уфуқҳои истиқлол” чӣ гуна шарҳ додаанд?

102. Китоби “Тоҷикон дар оинаи таърих. Аз Ориён то Сомониён” ба забонҳои чинӣ, ҳиндӣ ва олмонӣ кадом солҳо ва дар куҷо нашр шудааст?

103. Асари “Дорогой мира и согласия” кадом сол нашр шудааст ва ба кадом масъала бахшида шудааст?

104. Адади силсилавии маҷмӯаи “Сиёсати дохилӣ ва хориҷии Президенти Ҷумҳурии Тоҷикистон" ба чанд ҷилд расидааст ва ба кадом масъаларо дар бар мегирад?

105. Китоби “Эмомалӣ Раҳмон ва ҷомеаи ҷаҳон” кадом сол ба нашр расидааст?

106. Кадом асар ба 60 солагии Пешвои миллат бахшида шудааст?

107. Муаллифони китоби “Наҷотбахши миллат” киҳоянд ва ин китоб бо чанд забон ва дар куҷо чоп шудааст?

108. Пешвои миллат кай ва бо кадом мақсад ба минтақаи Хосдеҳи Ҷумҳурии Исломии Афғонистон сафар карда буданд?

109. Кадом сол ба Президенти Тоҷикистон, муҳтарам Эмомалӣ Раҳмон унвони “Асосгузори сулҳу ваҳдати миллӣ – Пешвои миллат” дода шуд?

110. Қонуни Ҷумҳурии Тоҷикистон “Дар бораи Асосгузори сулҳу ваҳдати миллӣ - Пешвои миллат” кадом сол қабул карда шуд?

111. Президенти Тоҷикистон кадом сол бо Ҷоизаи олии ҷамъиятии Бунёди байналмилалии хайрияи “Сарпарастони аср” - Ордени нахустини алмосдори “Ситораи сарпараст” сарфароз гардидаанд?

112. Президенти Тоҷикистон кадом сол бо Ҷоизаи махсуси Созмони Милали Муттаҳид “Оид ба ҳадафҳои Рушди ҳазорсола” сарфароз гардидаанд?

113. Пешвои миллат кадом сол профессори фахрии Донишгоҳи давлатии Москва ба номи Михаил Ломоносов интихоб шуданд?

114. Пешвои миллат кадом сол бо Медали “60 - солагии ЮНЕСКО” сарфароз гардидаанд?

115. Нашри дуюми китоби «Чењрањои мондагор»-и Пешвои миллат Эмомалї Рањмон бо иловаҳо кай аз чоп баромад ва номи кадом шахсиятҳои маъруф ба он илова шуданд?

116. Дар китоби «Чеҳраҳои мондагор» Пешвои миллат Эмомалӣ Раҳмон киро парчамбардори ҷодаи озодиву истиқлол номидаанд?

117. Китоби “Тоҷики оламшумул” кай, дар куҷо нашр шуд ва ба кӣ бахшида шудааст?

118. Китоби “Тоҷики оламшумул”аз чанд боб иборат аст?

119. Китоби “Фархундапай” ба кадом санаи таърихӣ бахшида шудааст ва кай нашр шудааст?

120. Пешвои миллат бо роҳбари Иттиҳоди мухолифини тоҷик чанд маротиба вохурӣ намуданд?

121. Собиқ Муншии аввали СММ Кофи Аннан дар бораи Пешвои миллат чӣ гуфтааст?

122. Сарвари Ҷумҳурии Мардумии Чин Ху Ҷин Тао дар бораи Пешвои миллат чӣ гуфтааст?

123. Сиёсатмадори машҳури рус Е. Примаков дар бораи Пешвои миллат чӣ гуфтааст?

124. Асари Пешвои миллат “Нигоҳе ба таърих ва тамаддуни ориёӣ” кадом сол ба нашр расид?

125. Асари Пешвои миллат “Нигоҳе ба таърих ва тамаддуни ориёӣ” аз чанд боб иборат аст?

126. Пешвои миллат дар китоби “Нигоҳе ба таърих ва тамаддуни ориёӣ” доир ба забонҳои яғнобӣ, шуғнӣ, вахонӣ, бартангӣ, сарикӯлӣ ва ғ. чӣ ибрози назар кардаанд?

127. Пешвои миллат дар китоби “Нигоҳе ба таърих ва тамаддуни ориёӣ”дар бораи ёдгории Саразм чӣ гуна маълумот овардаанд?

128. Пешвои миллат дар китоби “Нигоҳе ба таърих ва тамаддуни ориёӣ” ёдгории Намозгоҳро чӣ гуна тасвир кардаанд?

129. Пешвои миллат дар китоби “Нигоҳе ба таърих ва тамаддуни ориёӣ”дар бораи ёдгории Сафолтеппа чӣ гуна маълумот додаанд?

130. Пешвои миллат дар китоби “Нигоҳе ба таърих ва тамаддуни ориёӣ” машғулияти кангуртутиёнро чӣ гуна тасвир кардаанд?

131. Боби дуюми асари Пешвои миллат “Нигоҳе ба таърих ва тамаддуни ориёӣ” кадом масъаларо инъикос намудааст?

132. Дар асари “Нигоҳе ба таърих ва тамаддуни ориёӣ” Пешвои миллат хизмати таърихии Ҳайтолиёнро чӣ гуна шарҳ додаанд?

133. Оинҳои тозардуштӣ дар кадом асари Пешвои миллат нишон дода шудаанд?

134. Шарҳи “Зурвония”-ро аз асари Пешвои миллат “Нигоҳе ба таърих ва тамаддуни ориёӣ” баён намоед?

135. Дар асари Пешвои миллат “Нигоҳе ба таърих ва тамаддуни ориёӣ” дар бораи шахсияти Маздак чӣ гуна маълумот оварда шудааст?

136. Ҷилди аввали силсилаи “Сиёсати дохилӣ ва хориҷии Президенти Тоҷикистон” зери унвони “Эмомалӣ Раҳмон – наҷотбахши миллат” кадом сол ба табъ расид?

137. Ҷилди дуюми силсилаи “Сиёсати дохилӣ ва хориҷии Президенти Тоҷикистон” чӣ ном дорад?

138. Ҷилди сеюми силсилаи “Сиёсати дохилӣ ва хориҷии Президенти Тоҷикистон” зери унвони “Эмомалӣ Раҳмон ва оғози марҳалаи созандагӣ” кадом солҳои фаъолияти Пешвои миллатро дар бар мегирад?

139. Ҷилди чоруми силсилаи “Сиёсати дохилӣ ва хориҷии Президенти Тоҷикистон” чӣ ном дорад ва кадом соли фаъолияти Пешвои миллатро дарбар мегирад?

140. Ҷилди панҷуми силсилаи “Сиёсати дохилӣ ва хориҷии Президенти Тоҷикистон” чӣ ном дорад ва кадом соли фаъолияти Пешвои миллатро дарбар мегирад?

141. Китоби “Эмомалӣ Раҳмон – Пешвои миллат” кадом сол ба табъ расидааст ва аз  чанд мақола иборат аст?

142. Раванди таъсисёбии ҳизбу созмонњои ҷамъиятӣ дар кадом асари Пешвои миллат инъикос гардидааст?

143. Андешаҳои Пешвои миллат дар мавриди аҳаммияти таърихии Истиқлоли давлатӣ чӣ гуна аст?

144. Пешвои миллат ба нақши таърихии Иљлосияи XVI-и Шурои Олии Ҷумҳурии Тоҷикистон чӣ гуна баҳо додаанд?

145. Сарвари давлат роҳҳои асосии ба эътидол овардани вазъи ҷумҳуриро баъд аз иҷлосияи XVI Шурои Олӣ чӣ гуна арзёбӣ намуданд?

146. Нерӯҳои сулҳхоҳи кишварҳои узви ИДМ кай ба Тоҷикистон ворид гардиданд ва вазифаи онҳо ба ақидаи Сарвари давлат аз чӣ иборат буд?

147. Қонун дар бораи авфи умумӣ, ки дар иҷлосияи XVI Шурои Олӣ қабул гардид, аз ҷониби Сарвари давлат чӣ гуна шарҳ дода шудааст?

148. Баъд аз иљлосияи XVI-и Шурои Олии Ҷумҳурии Тоҷикистон Сарвари давлат масъалаи гурезаҳоро чӣ гуна арзёбӣ намуданд?

149. Дар изҳороте, ки Сарвари давлат санаи 31 декабри соли 1992 ироа намуданд, сиёсати дохилӣ ва хориҷии кишвар чӣ гуна арзёбӣ мегардад?

150. Ба андешаи Роҳбари давлат ба авзои ҷамъиятию сиёсии кишвар дар соли 1993 кадом омилҳо таъсир мерасониданд?

151. Сарчашмаҳои буҳрони сиёсии солҳои 90-уми асри ХХ дар Тоҷикистон аз нигоҳи Пешвои миллат кадомҳоянд?

152. Назари Пешвои миллат ба воқеаҳои баҳманмоҳи соли 1990 чӣ гуна аст?

153. Сарчашмаҳои буҳрони иқтисодии солҳои 90-уми асри ХХ дар Тоҷикистон аз нигоҳи Пешвои миллат кадомҳоянд?

154. Сарчашмаҳои буҳрони маънавии солҳои 90-уми асри ХХ дар Тоҷикистонро аз нигоҳи Пешвои миллат баён намоед.

155. Ҳаёти ҷамъиятию сиёсии Ҷумҳурии Тоҷикистонро баъд аз ба даст омадани истиқлолият Пешвои миллат чӣ гуна арзёбӣ кардаанд?

156. Нақши ҳизбу созмонҳои ҷамъиятӣ дар сар задани ҷанги шаҳрвандии солҳои 1992-1997 аз нигоҳи Пешвои миллат чӣ гуна аст?

157. Таҳқиқи гирдиҳамоиҳои оммавӣ ва оғози ҷанги шаҳрвандӣ дар Тоҷикистон дар осори Пешвои миллат чӣгуна шарҳ ёфтаанд?

158. Иҷлосияи 16-уми Шурои Олии Ҷумҳурии Тоҷикистон ва нақши он дар бунёди давлатдории навини тоҷикон дар осори Сарвари давлат чи хел тасвир ёфтааст?

159. Тавсифи сабабҳои дохилии сар задани ҷанги шаҳрвандии солҳои 1992-1997 дар Тоҷикистон дар асарҳои Пешвои миллат  чӣ гуна тасвир ёфтаанд?

160. Кадом омилҳои хориҷии сар задани ҷанги шаҳрвандии солҳои 1992-1997 дар Тоҷикистон дар асарҳои Пешвои миллат тасвир ёфтаанд?

161. Оқибатҳои ҷанги шаҳрвандиро дар тавсифи Пешвои миллат чӣ гуна шарҳ медиҳед?

162. Инъикоси ҷанги шаҳрвандӣ дар Тоҷикистон (1992-1997) дар осори Пешвои миллат.

163. Раванди музокироти байни тоҷикон дар тавсифи Пешвои миллат.

164. Давраҳои асосии музокироти байни тоҷикон ва нақши боризи Пешвои миллат дар онро муайян намоед?

165. Нақши “Созишномаи умумии истиқрори сулҳ ва ризоияти миллӣ”-ро Пешвои миллат дар чӣ мебинанд?

166. Нақши Президенти Ҷумҳурии Тоҷикистон дар барқарор намудани сулҳ ва ризоияти миллӣ дар Тоҷикистон ба назари Шумо дар кадом корҳои мушаххас зоҳир меёбанд?

167. Ислоҳоти низомии Хусрави I Анушервон (531-579) дар китоби «Тоҷикон дар оинаи таърих. Аз Ориён то Сомониён» чӣ гуна баррасӣ шудааст?

168. Ҷангҳои Эрону Рум дар замони салтанати Хусрави I Анушервон (531-579) дар китоби «Тоҷикон дар оинаи таърих. Аз Ориён то Сомониён» чӣ гуна тасвир ёфтаанд?

169. Муборизаи Сосониён ва Ҳайтолиён дар замони салтанати Хусрави I Анушервон (531-579) дар китоби «Тоҷикон дар оинаи таърих. Аз Ориён то Сомониён» ба кадом андоза инъикос ёфтааст?

170. Муборизаи Сосониён бо Ҳоқонии туркҳо ва инъикоси он дар кадом асри Пешвои миллат тасвир ёфтааст?

171. Тасвири фарљоми давлатдори Сосониёнро дар осори Пешвои миллат шарњ медодед.

172. Лашкаркашиҳои Қутайба ибни Муслим ба Осиёи Миёна дар кадом асари Пешвои миллат инъикоси худро пайдо намудааст?

173. Президенти Ҷумҳурии Тоҷикистон кадом сол бо Ҷоизаи махсуси Созмони Милали Муттаҳид “Оид ба ҳадафҳои Рушди ҳазорсола” сарфароз гардиданд?

174. Инъикоси раванди музокироти байни тоҷикон ва фаъолияти Комиссияи оштии миллӣ (КОМ) дар кадом асри Пешвои миллат таҷлил ёфтааст?

175. Пешвои миллат парлумони касбиро чӣ гуна баҳогузорӣ кардаанд?

176. Тавсифи ҳаёти сиёсии Тоҷикистони ибтидои асри XXI дар кадом асару маќолањои Пешвои миллат таҷлил шудаанд?

177. Ба назари шумо нақши Сарвари давлат дар тарҳрезӣ ва татбиқи ислоҳоти иқтисодӣ дар солҳои 90-уми асри ХХ дар кадом оилаҳо зоҳир меёбад?

178. Пешвои миллат роҷеъ ба ислоҳоти  соҳаи аграрӣ дар ҷумҳурӣ кадом тадбирҳоро пешниҳод намуданд?

179. Вазъи иқтисодӣ ва дастовардҳои Тоҷикистон дар Паёми охирини Президенти Ҷумҳурии Тоҷикистон чӣ гуна баҳогузорӣ шудаанд?

180. Саҳми Пешвои миллат дар коркарди “Сиёсати дарҳои боз”-ро шарҳ диҳед.

181. Бартарии ҳамкориҳои Тоҷикистон бо кишварҳои узви Иттиҳоди Давлатҳои Мустақил (ИДМ) аз назари Пешвои миллат дар чӣ зоҳир меёбад?

182. Андешаҳои Пешвои миллат роҷеъ ба равобити сиёсӣ, иқтисодӣ ва фарҳангии Тоҷикистон бо Федератсияи Россияро шарҳ медодед.

183. Роҷеъ ба ҳамкориҳои Тоҷикистон бо кишварҳои Осиёи Марказӣ Президенти Ҷумҳурии Тоҷикистон кадом нуктаҳоро муҳимтар мешуморанд?

184. Ҳамкорињои Тоҷикистон бо созмонҳои бонуфузи байналхалқӣ ва минтақавӣ аз нигоҳи Пешвои миллат чӣ гуна арзёбӣ шудаанд?

185. Андешаҳои Пешвои миллат роҷеъ ба ҳамкории Тоҷикистон бо Созмони Милали Муттаҳид (СММ) дар кадом асару мақолаҳо таҷлил шудаанд?

186. Ҳамкории Тоҷикистон бо ташкилоти махсуси Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) аз нигоҳи Пешвои миллат дар кадом сатҳ қарор доранд?

187. Доир ба нақши Тоҷикистон дар Созмони ҳамкории Шанхай (СҲШ) дар кадом асару мақолаҳои Пешвои миллат маълумоти муфассал дода шудаанд?

188. Нақши Сарвари давлат дар барқароршавии равобити сиёсӣ, иқтисодӣ ва фарҳангии Тоҷикистон бо кишварҳои форсизабон дар чист?

189. Ҳамкориҳои сиёсӣ, иқтисодӣ ва фарҳангии Тоҷикистон бо Ҷумҳурии Ўзбекистон аз нигоҳи Пешвои миллат чӣ аҳаммияти таърихӣ доранд?

190. Ҳамкориҳои сиёсӣ, иқтисодӣ ва фарҳангии Тоҷикистон бо Ҷумҳурии Қазоқистон дар сиёсати хориҷии Пешвои миллат кадом мавқеъро ишғол менамояд?

191. Нақши Пешвои миллат дар рушди адабиёт ва санъати Ҷумҳурии Тоҷикистонро бо мисолҳои мушаххас шарҳ медодед.

192. Кадом масъалаҳои мушаххаси рушди соҳаи тандурустӣ  дар асару суханрониҳои Пешвои миллат мавриди баррасӣ қарор гирифтаанд?

193. Оё метавонед бо мисол ва далел аз таълифоти Пешвои миллат сатњи таваҷҷуҳи Сарвари давлатро ба соњаи фарњанги ҷумҳурӣ тасвир намоед?

194. Ба назари шумо соҳаи маориф ва мушкилоти он дар низоми давлатдориии Пешвои миллат барои чӣ мақоми меҳварӣ дорад?

195. Метавонед ба тарзи мушаххас асару мақолаҳо ва суханрониҳои Пешвои миллатро, ки дар онњо масъалаи мактабу маориф мавриди таҷлил қарор гирифтаанд, номбар намоед?

196. Ташабусҳои ҷаҳонӣ ва ба миён гузоштани масъалаю мушкилоти  ҳалталаби ҷаҳони муосирро аз ҷониби Пешвои миллат дар Созмони Милали Муттаҳид як ба як номбар намоед.

197. Нақши Роҳбари давлат Эмомалӣ Раҳмонро дар бунёди НОБ-и Роғун чӣ гуна тасвир карда метавонед.

198. Саҳми Пешвои миллат дар раванди аз бунбасти комуникатсионӣ баровардани Тоҷикистон дар чист?

199. Китоби «Тоҷикон дар оинаи таърих. Аз Ориён то Сомониён» кай ба табъ расид ва ба кадом мавзуъ бахшида шудааст?

200. Ҳадафи Пешвои миллат аз таљлили “Соли бузургдошти тамаддуни ориёӣ” дар чӣ буд?

201. Назари Пешвои миллатро ба китоби муқаддаси «Авасто» - ҳамчун намунаи тамаддуни пешрафта шарҳ диҳед.

202. Андешаҳои Пешвои миллат оид ба Куруши Кабир дар кадом асарҳо ба тарзи муфассал баён ёфтаанд?

203. Нақши Куруши Кабирро дар таърихи мардуми ориёитабор Пешвои миллат чӣ гуна баҳогуузорӣ намудаанд?

204. Шоҳаншоҳии Ҳахоманишиён ва нақши онро дар таърихи тоҷикон аз нигоҳи Пешвои миллат шарҳ диҳед.

205. Муборизаи истиқлолиятхоҳонаи ниёгони тоҷикон ба муқобили юнону мақдуниҳо дар кадом ҷилд ва фасли китоби «Тоҷикон дар оинаи таърих. Аз Ориён то Сомониён» таҷлили худро ёфтааст ва нуктаҳои асосии он аз чӣ иборат аст?

206. Таҷлили муборизаи истиқлолхоҳонаи халқи тоҷик бар зидди арабҳо дар китоби чандуми «Тоҷикон дар оинаи таърих. Аз Ориён то Сомониён» оварда шудааст ва Пешвои миллат оқибати истилои арабҳоро чӣ хел баҳогузорӣ намудаанд?

207. Андешаҳои Пешвои миллат дар бораи Абумуслими Хуросонӣ ва корномаи ў чӣ гуна аст ва он дар кадом асар ба тарзи муфассал омадааст?

208. Оё метавонед нигоњи Пешвои миллатро доир ба мафњумҳои озодӣ ва истиқлол баён намоед?

209. Инъикоси роҳи пуршебу фарози дастёбӣ ба истиқлол дар кадом китоби «Тоҷикон дар оинаи таърих. Аз Ориён то Сомониён» ва фаслњои он шарњи худро ёфтааст?

210. Саҳми устод Садриддин Айнӣ дар таъсисёбии Ҷумҳурии Шуравии Сотсиалистии Тоҷикистон дар китоби «Тоҷикон дар оинаи таърих. Аз Ориён то Сомониён» чӣ гуна инъикос ёфтааст?

211. Нақши Нусратулло Махсум ва Шириншоҳ Шотемур дар таъсисёбии Ҷумҳурии Шуравии Сотсиалистии Тоҷикистон дар китоби «Тоҷикон дар оинаи таърих. Аз Ориён то Сомониён» чӣ гуна арзёбӣ шудааст?

212. Андешаҳои Пешвои миллат дар бораи академик Бобоуҷон Ғафуров ва нақшу мақоми ӯ дар таърихи миллат ва худшиносии тоҷикон дар кадом навиштаҳо омадаанд?

213. Сарнавишти халқҳои ориёӣ ва инъикоси таърихи он дар кадом китоби «Тоҷикон дар оинаи таърих. Аз Ориён то Сомониён» ва фаслҳои он мавриди таҷлили Пешвои миллат қарор гирифтаанд?

214. Барои чӣ Пешвои миллат Бохтар ва Суди қадимро гаҳвораи тамаддуни ориёӣ номидаанд?

215. Таърих ва роњњои асосии муњољирати ориёињо дар китоби «Тољикон дар оинаи таърих. Аз Ориён то Сомониён» чӣ тавр инъикос ёфтааст?

216. Ба ақидаи Пешвои миллат қадимтарин давлатњои ориёӣ кай ва дар куҷо таъсис ёфтаанд?

217. Пешвои миллат дар китоби «Тоҷикон дар оинаи таърих. Аз Ориён то Сомониён» муҳоҷирати ориёиро ба самти Осиёи Хурд чӣ гуна арзёбӣ намудаанд?

218. Болоравии тамаддуни ориёӣ дар замони ҳукмронии Ҳахоманишиҳо дар кадом асарҳои Пешвои миллат инъикос ёфтаанд?

219. Инъикоси муборизаҳои қаҳрамононаи ниёгони мо ба муқобили юнону мақдуниҳо дар кадом асарҳои Пешвои миллат тасвир ва бањогузорӣ шудаанд?

220. Андешаҳои Пешвои миллатро дар бораи давлати Селевкиён ва омезиши тамаддуни ориёию эллинӣ баён менамудед.

221. Таърихи давлати Ашкониён (Порт) ва давлати Юнону Бохтар дар китоби чандуми «Тоҷикон дар оинаи таърих. Аз Ориён то Сомониён» инъикоси худро пайдо намудааст?

222. Таъсисёбии давлати Кушониён ва инъикоси таърихи он дар кадомин фасл ва китоби чандуми «Тоҷикон дар оинаи таърих. Аз Ориён то Сомониён» тасвир ёфтааст?

223. Андешаҳои Пешвои миллатро доир ба давлатдории Кушониён ва мақоми он дар ташаккули давлату давлатдории ниёгони тоҷик мухтасар шарҳ диҳед.

224. Оё метавонед андешаҳои Пешвои миллатро дар мавриди қабилаҳои ориёиҳои ғарбӣ, ориёиҳои марказӣ, ориёиҳои шарқӣ ва ориёиҳои ҷанубӣ баён намоед?

225. Гаҳвораи тамаддуни ориёӣ аз нигоҳи Пешвои миллат куҷост?

226. Метавонед шарҳи Пешвои миллатро доир ба мафҳумҳои ҷуғрофии “Эрон” ва “Тўрон” ба таври мухтасар нақл намоед?

227. Инъикоси таърихи давлати Сосониён дар кадом китоби «Тоҷикон дар оинаи таърих. Аз Ориён то Сомониён» оварда шудааст ва барои чӣ муаллиф онро фарорасии даврони нави эҳёи тамаддуни ориёӣ номидаанд?

228. Андешаҳои Пешвои миллатро доир ба давлати Ҳайтолиён ва омилҳои таърихии пайдоиши қавмию этникии онҳо ба шакли мухтасар баён намоед.

229. Барои чӣ Пешвои миллат давраи Сосониён ва Ҳайтолиёнро марҳиалаи нави эҳёи тамаддуни ориёӣ номидаанд?

230. Инъикоси Таърихи соҳибуудрат гардидани Ардашери Бобакон дар китоби «Тоҷикон дар оинаи таърих. Аз Ориён то Сомониён» чӣ гуна инъикос ёфтааст?

231. Таърихи ба сари қудрат омадани Ҳайтолиён дар китоби «Тоҷикон дар оинаи таърих. Аз Ориён то Сомониён» чӣ гуна шарҳи худро пайдо намудааст?

232. Барои чӣ Пешвои миллат Сосониёнро ворисони воқеии Ҳахоманишиҳо дар эҳёи тамаддуни ориёӣ номидаанд?

233. Нақш ва мақоми дини зардуштӣ дар замони Сосониён аз назари Пешвои миллат дар кадом асарҳо ва чӣ гуна инъикос ёфтааст?

234. Тарҷумаи ҳоли Пешвои миллат – Эмомалӣ Раҳмонро муфассал баён намоед.

235. Самтҳои асосии сиёсати хориҷии Тоҷикистон дар кадом ҷаласаи Шурои Олии Ҷумњурии Тољикистон муайян шуданд?

236. «Заминҳои Президентӣ» кадом заминҳоянд?

237. Ба сохтори идории давлати Сосониён Пешвои миллат чӣ хел баҳогузорӣ намудаанд?

238. Пешвои миллат давраи ҳукмронии Шопури I-ро чӣ гуна арзёбӣ намудаанд?

239. Оё ҷангҳои Шопури I бо императорони Рум дар китоби «Тоҷикон дар оинаи таърих. Аз Ориён то Сомониён» инъикос ёфтаанд?

240. Андешаҳои Пешвои миллатро дар бораи Монӣ ва нақши ӯ баён намоед?

241. Пешвои миллат доир ба таълимоти Монӣ дар асарҳои худ чи маълумот додаанд?

242. Сарнавишти Монӣ дар китоби «Тоҷикон дар оинаи таърих. Аз Ориён то Сомониён» чӣ гуна тасвир ёфтааст?

243. Империяи Сосониён баъд аз фавти Шопури I ва ҳуҷумҳои густохонаи императорони Рум дар кадом асари Пешвои миллат оварда шудаанд?

244. Барои чи дар давраи ҳукмронии Шопури II ҷангҳои Эрону Рум авҷ гирифтанд ва ин дар кдом асри Пешвои миллат инъикос ёфтааст?

245. Омилҳои асосии рақобату муборизаҳои Сосониён, Ҳайтолиён ва Рум аз нигоҳи Пешвои миллат дар чист?

246. Нуфузи оини масеҳӣ дар шоҳаншоҳии Сосониён дар китоби «Тоҷикон дар оинаи таърих. Аз Ориён то Сомониён» чи гуна баррасӣ ёфтааст?

247. Салоҳияти Президенти Тоҷикистон дар кадом бобҳои Конститутсияи Ҷумҳурии Тоҷикистон нишон дода шудаанд?

248. Соли 2013 Эмомалӣ Раҳмон бо чанд фоизи овози интихобкунандагон Президенти Тоҷикистон интихоб шуданд?

249. Президенти Ҷумҳурии Тоҷикистон дар ду соли охир ба чанд давлати хориҷӣ сафари давлатӣ намудаанд?

250. Паёми Президенти Тоҷикистон ба Шурои Олии Ҷумҳурии Тоҷикистон аз кадом сол шуруъ шуд?

251. Бо пешниҳоди Эмомалӣ Раҳмон Созмони Милали Муттаҳид кадом сол “Соли байналмилалии оби тоза” ва кадом солҳоро солҳои “Даҳсолаи байналмилалии амалиёти «Об барои ҳаёт» эълон дошт?

252. Бо пешниҳоди Эмомалӣ Раҳмон Созмони Милали Муттаҳид кадом солро Соли байналмилалии ҳамкорӣ дар соҳаи об ва кадом солҳоро Даҳсолаи байналмилалии амал “Об барои рушди устувор” эълон кард?

253. Пешвои миллат кадом сол ва аз тарафи кӣ бо ордени Ситораи Президенти Тоҷикистон дараҷаи I сарфароз гардонида шуданд?

254. Пешвои миллат кадом сол бо Медали тиллоии “Барои таҳкими сулҳу ризоияти байни халқҳо” сарфароз гаштанд?

255. Президенти Тоҷикистон, муҳтарам Эмомлӣ Раҳмон аз тарафи кадом давлатҳо бо мукофотҳои баланди давлатӣ  сарфароз  гаштаанд?

256. Сабабҳои афзудани нуфузу эътибори Ҳайтолиён дар нимаи дуюми асри V –ро Пешвои миллат дар чӣ мебинанд?

257. Ҷангҳои шоҳаншоҳи Сосонӣ - Пирўз (459-484) бо Ҳайтолиён дар китоби «Тоҷикон дар оинаи таърих. Аз Ориён то Сомониён» чӣ гуна инъикос ёфтаанд?

258. Андешаҳои Пешвои миллатро дар мавриди баромади этникӣ ва низоми давлатдории Ҳайтолиён шарҳ диҳед.

259. Ҷунбиши Маздак ва инъикоси он дар асарҳои Пешвои миллат.

260. Андешаҳои Пешвои миллат дар бораи Маздак ва таълимоти ў.

261. Фарҷоми кори Маздак аз нигоҳи Пешвои миллат.

262. Баррасии салтанати Хусрави I Анушервон (531-579) ва болоравии нуфузи Сосониён дар осори Пешвои миллат.

263. Ислоҳоти Хусрави I Анушервон (531-579) аз нигоҳи Пешвои миллат.

264. Баррасии ислоҳоти иқтисодии Хусрави I Анушервон (531-579) дар китоби «Тоҷикон дар оинаи таърих. Аз Ориён то Сомониён».

265. Пешвои миллат кадом сол бо Медал ва шаҳодатномаи Шурои Аврупо – “Пешвои асри ХХI” сарфароз гаштанд?

266. Пешвои миллат кадом сол бо Ситораи ёқути сурх “Миротворец” (Сулҳовар)-и Иттиҳодияи умумиҷаҳонии хайрияи “Миротворец” (Сулҳовар) ва Хазинаи байниминтақавии ҷамъиятии хайрияи “Созвездие” (Галаситора) сарфароз шуданд?

267. Пешвои миллат кадом сол бо “Медали тиллоии арҷгузорӣ ба Мавлоно Ҷалолиддини Балхӣ (Румӣ)-и ЮНЕСКО” қадрдонӣ шуданд?

268. Пешвои миллат кадом сол профессори фахрии Маркази аврупоии таҳқиқоти байналмилалӣ ва стратегӣ (CERIS) (ш. Брюссел) интихоб шуданд?

269. Пешвои миллат кадом сол доктори фалсафа ва иқтисоди Донишгоҳи Қоиди Аъзами Покистон интихоб шуданд?

270. Пешвои миллат кадом сол доктори фахрии Донишгоҳи Тсукубаи Япония интихоб шуданд?

271. Пешвои миллат кадом сол доктори фахрии Донишгоҳи Қоҳира интихоб шуданд?

272. Мақолаи Пешвои миллат доир ба шаҳри Саразми бостонӣ бо се забон чӣ ном дорад ва он кадом сол дар шакли китоби алоҳида аз чоп баромад?

273. Муаллифони китоби илмӣ-оммавии “Эмомалӣ Раҳмон” аз силсилаи “Қаҳрамони Тоҷикистон” кистанд ва ин китоб кадом сол дар куҷо нашр шуд?

274. Нақши муассири иқдомоти Пешвои миллатро дар амнияти минтаќа чӣ гуна шарҳ медиҳед?

275. Панқ ташаббуси ҷаҳонии Президенти Ҷумҳурии Тоҷикистонро як ба як номбар намоед.

276. Аввалин суханронии Пешвои миллат дар СММ кай, дар куҳо ва доир ба кадом мавзуъ ба вуқуъ омад? 

277. Пешвои миллат умуман чанд маротиба ва кадом солњо дар СММ суханронӣ намудаанд?

278. Асари Пешвои миллат “Имоми Аъзам: рўзгор, осор ва афкор” кай ва дар куљо нашр шуд?

279. Доир ба Имоми Аъзам кадом мақолаҳои Пешвои миллат нашр шудаанд?

280. Бо ибтикори Пешвои миллат кадом сол ва бо кадом мақсад “Соли забони тољикї” эълон шуд?

281. Бо ибтикори Пешвои миллат кадом сол ва дар куљо бори аввал “Ҳамоиши байналмилалии адибони кишварҳои ҳавзаи тамаддуни Наврўз” баргузор гардид?

282. Суханронии Пешвои миллат дар мулоқот бо фаъолону намояндагони љомеа ва ходимони дин кай ба вуқуъ омад ва кадом масъалањоро дар бар мегирад?

283. Муҳтавои асосии китоби “Эмомалӣ Раҳмон ва соли Мавлоно Ҷомӣ”-ро баён намоед?

284. Дар китоби “Эмомалӣ Раҳмон ва соле, ки ба қарнҳо баробар аст” доир ба чӣ сухан меравад?

285. Муҳтавои асосии китоби “Эмомалӣ Раҳмон ва Қасри Арбоб”-ро баён намоед?

286. Муҳтавои асосии китоби “Эмомалӣ Раҳмон ва оғози марҳалаи созандагӣ”-ро баён намоед?

287. Муҳтавои асосии китоби “Эмомалӣ Раҳмон ва 300 солагии Ҳисор”-ро баён намоед?

288. Муборизаи истиқлолхоҳонаи мардуми Хуросону Мовароуннаҳр бар зидди арабҳо кай оғоз ёфт?

289. Доир ба Хилофати Умавиён дар кадом китоб ва фасли он Пешвои миллат  маълумот додаанд?

290. Боби аввали китоби чоруми «Тоҷикон дар оинаи таърих. Аз Ориён то Сомониён»-и Пешвои миллат ба кадом мавзуъ бахшида шудааст?

291. Кадом шахсиятҳои бузурги Мовароуннаҳр-ватани аҷдодии тоҷикон, ки дар таҳқиқу эҷоди илмҳои динии исломӣ пешоҳанг буданд дар китоби «Тоҷикон дар оинаи таърих. Аз Ориён то Сомониён»-и Пешвои миллат номбар шудаанд?

292. Боби дуюми китоби чоруми «Тоҷикон дар оинаи таърих. Аз Ориён то Сомониён» чӣ ном дорад ва кадом мавзуъро фаро мегирад?

293. Наҳзати фикрӣ ва бедории маънавии эронитаборон ба муқобили арабҳо ба андешаи Пешвои миллат аз кадом ҳаракат  ибтидо мегирад?

294. Барои чӣ Пешвои миллат дар «Тоҷикон дар оинаи таърих. Аз Ориён то Сомониён» шуубияро наҳзати ватанҳоҳӣ номгузорӣ намудаанд?

295. Назари Пешвои миллатро доир ба пайдоиш ва ташаккули шуубия ва ҷунбишҳои шуубӣ шарҳ диҳед.

296. Кадом шуришҳои мардумӣ ва наҳзатҳои халқии зиддиарабӣ дар китоби «Тоҷикон дар оинаи таърих. Аз Ориён то Сомониён»-и Пешвои миллат таљассуми худро ёфтаанд?

297. Ин байтҳо дар  дар сифати кӣ гуфта шудаанд ва Пешвои миллат дар кадом асари худ овардаанд: муайян намоед ва номи онро дар ҷойи нуктаҳо гузоред:

Чиҳил сол .............. паҳлавон,

Табар кўфт бар фарқи  марвониён,

Зи ҳадди Самарқанд то Мисру Рай,

Барандохт тухми хавориҷ зи пай.

298. Андешаи зери Пешвои миллат дар кадом асар ва дар бораи кадом њодисаи таърихӣ гуфта шудааст: “........... яке аз бузургтарин ошўбҳои мардуми Мовароуннаҳру Хуросон буд, ки дар маљмуъ камобеш аз чаҳордаҳ сол ба таври ошкору ниҳон идома ёфта, муборизаи мардумро барои истиқлолу озодӣ қувват бахшид”.

299. Ба назари Пешвои миллат кадом хонадонҳои маҳаллӣ-тоҷикӣ ба болоравии нуфузи неруҳои эҳёгари ҳувияти миллӣ мусоидат намуданд?

300. Ба назари Пешвои миллат хонадонҳои Тоҳириёну Саффориён дар ташаккули минбаъдаи халқ ва миллати тоҷик чӣ нақши таърихӣ гузоштанд?

 

Сомонаҳои муфид

Агентии Миллии Иттилоотии Тоҷикистон «Ховар»

Агентии Миллии Иттилоотии Тоҷикистон «Ховар»

Маҷлиси миллии Маҷлиси Олии Ҷумҳурии Тоҷикистон

Маҷлиси миллии Маҷлиси Олии Ҷумҳурии Тоҷикистон

ПРЕЗИДЕНТИ ҶУМҲУРИИ ТОҶИКИСТОН

ПРЕЗИДЕНТИ ҶУМҲУРИИ ТОҶИКИСТОН

Маркази миллии қонунгузории назди Президенти Ҷумҳурии Тоҷикистон

Маркази миллии қонунгузории назди Президенти Ҷумҳурии Тоҷикистон

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Фарҳод Раҳимӣ - Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Ҷаҳони ҳунар

Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Маҷаллаи илмии "Навиди илм"