ФАЪОЛИЯТИ НИМСОЛАИ АВВАЛИ КОЛЛЕҶИ КИШОВАРЗИИ МАСТЧОҲ НАТИҶАГИРӢ КАРДА ШУД

Дар ифтитоҳи маҷлис директори муассиса Марҳамзода Парвизи Исмоил баромад намуда аз ҳайати коллективи кормандону омӯзгорон барои меҳнати софдилона ва иҷроиши саривақтии нақшаву барномаҳои соли таҳсил, бо мувофиқа ва дастуру супоришҳои Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон изҳори қаноатмандӣ ва миннатдории хешро баён намуд.

Сипас тибқи рӯзномаи Шӯро аз ҷониби муовинон, мудирони шӯъбаҳо, кафедраҳо ҳисоботҳо ва натиҷаҳои ҷамъбастии соли таҳсил бо таври муфассал пешкаши ҳозирин гардиданд.

Дар фарҷоми маҷлиси ҷамъбастӣ ба як қатор омӯзнорону кормандоне, ки дар давоми соли хониш фаъолияти хуб нишон дода дар ҷалби довталабон ба муассиса саҳми зиёди худро гузошта буданд бо сипосномаи директори муассиса қадрдонӣ гардиданд.