ИШТИРОКИ МУОВИНИ РАИСИ КУМИТА ДАР ҶАЛАСАИ ДУЮМИ ГУРӮҲИ КОРИИ БҲИМОМ (CAREC)

Дар шаҳри Бокуи Ҷумҳурии Озорбойҷон ҷаласаи дуюми гурӯҳи кории Барномаи ҳамкориҳои иқтисодии минтақавии Осиёи Марказӣ (CAREC) оид ба рушди малакаҳо ҷараён дорад, ки дар кори он дар ҳайати Ҷумҳурии Тоҷикистон Ализода Алишер Ҳикматулло, муовини раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, низ иштирок намуда истодааст.

Вохӯрии мазкур рӯзҳои 3-5 апрели соли равон аз ҷониби Бонки Осиёии Рушд бо ҳадафи беҳбуди ҳамкориҳои минтақавӣ дар соҳаҳои маориф ва таҳсилоти касбӣ баргузор гардида, намояндагони кишварҳои аъзо дар раванди он дар бораи ислоҳот дар соҳаи дахлдор суханронӣ менамоянд.

Дар вохӯрӣ дурнамои рушди ҳамкориҳоро дар соҳаҳои маориф ва таҳсилоти касбӣ мавриди баррасӣ қарор гирифта, иштирокдорон роҷеъ ба таҳияи стандартҳои таълимӣ дар кишварҳои худ, ки тибқи таснифоти стандарти байналмилалии таҳсилот амалӣ мешавад, маълумот доданд.

Дар мулоқот зикр гардид, ки давоми чанд соли охир дар кишварҳои аъзои гуруҳи корӣ таснифҳо, стандартҳои таълимӣ, нақшаву барномаҳои таълимӣ ва талаботи тахассусӣ барои тамоми зинаҳои таҳсилоти касбӣ комилан нав карда шудаанд, аз ҷумла дар Ҷумҳурии Тоҷикистон.