Сиёсати молиявӣ аз қисмҳои таркибӣ ва асосии сиёсати давлатӣ маҳсуб ёфта, ҳамеша такмил ва татбиқи таҷрибаи бешрафтаро тақозо менамояд. Дар ин замина омӯзиши таҷрибаи ҷаҳонӣ яке аз василаҳои муассири таҳия ва ҷорӣ намудани тарҳҳои натиҷабахши молиявӣ маҳсуб меёбад, ки дар ин самт Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба масъулини соҳа дастуру супоришҳои мушаххас медиҳанд. Бо мақсади татбиқи созишномаи молиявӣ байни Ҳукумати Ҷумҳурии Тоҷикистон ва Иттиҳоди Аврупо оид ба таҳсилот ва таёрии техникӣ, ҳамчунин ҷиҳати иҷрои барномаи давлатии дастгирии буҷети бахши шуғл аз 10 то 17 июли соли 2024 дар ҷумҳуриҳои Гурҷистон ва Арманистон барои кормандони мақомоти молия ҷиҳати мубодилаи донишу таҷриба чорабиниҳои омӯзишӣ гузаронида мешавад.

     Дар чорабиниҳои мазкур, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, академик Фарҳод Раҳимӣ, муовини вазири молияи Ҷумҳурии Тоҷикистон, Сарвар Қурбониён, сардорони раёсатҳои молия, маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон ва намояндагони дигар вазорату идораҳо бо мақсади омӯзиши таҷриба дар самти истифодаи самараноки маблағҳои буҷетӣ ба кишварҳои Гурҷистон ва Арманистон сафар намуданд.

    Ҳадаф аз чорабиниҳои мазкур шиносоӣ бо таҷрибаи пешрафта дар соҳаи идоракунии молияи давлатӣ, шафофияти буҷетӣ ва саманоки буҷети таҳсилоти Ҷумҳуриҳои Гурҷистон ва Арманистон мебошад.